ဇာတ်လိုက်နဲ့စေ့စပ်ပွဲပျက်ပြီးနောက် သူ့ဦးလေးနဲ့လက်ထပ်လိုက်တယ်

Ep - 91

Ep- 91

Unicode

ယွီကျစ်ယွီသည် ဖူဟန်ကို သူ့နှာရည်တွေ စင်ကုန်မှာစိုးသောကြောင့် အမြန်ပါးစပ်ကိုဖုံးလိုက်သဖြင့် ထူးဆန်းတဲ့ နှာသံကြီးထွက်လာလေသည်။

"ချိုး''နဲ့အဆုံးသတ်သွားသော အသံလေးသည် ဖူဟန်ကို သိသိသာသာ စွဲဆောင်သွား၏။ သူ လှမ်းကြည့်လိုက်တော့ ယွီကျစ်ယွီ၏အရည်ဝိုင်းနေသောမျက်လုံးတို့နှင့်ဆုံသွားသဖြင့် သူ့နှလုံးသားကို ပိုလို့တောင် နူးညံ့သွားစေတယ်။
"ဘယ်ဘက်က ဒုတိယအခန်းပဲ၊ တစ်ချက်ကြည့်ကြည့်"

"အိုကေ! ခင်ဗျားရောမသွားဘူးလား?"

"ကိုယ် ဒါတွေကို ကားထဲသွားထည့်မလို့၊ မင်း ကြည့်ပဲကြည့်ရမယ်၊ မလှုပ်ရှားနေနဲ့။ ပြီးရင် ငါးမိနစ်အတွင်း ဆင်းလာခဲ့"

ယွီကျစ်ယွီ သူ့လက်ထဲက ပစ္စည်းတွေကို ကမ်းပေးလိုက်ပြီး "အိုကေ! ဒါဆို ကျွန်တော် သွားတော့မယ်"

ဖူဟန်ခေါင်းညိတ်လို့တောင်မပြီးသေး ယွီကျစ်ယွီတစ်ယောက် ထွက်ပြေးသွားနှင့်ပြီဖြစ်သည်။

ယွီကျစ်ယွီသည် ပြေးနေသည့်တိုင် သူ့နောက်ရှိ ဖူဟန်အသက်ပြင်းချသံကိုကြားလိုက်ရသည်။ သို့သော်လည်း သူ လျစ်လျူရှုလိုက်ကာ ပျော်ပျော်ကြီး ခြေလှမ်းဆက်လှမ်းလေသည်။ "ဖူဟန်ရဲ့ကလေးဘဝက အခန်းက ချစ်စရာကောင်းမှာပဲ" ဆိုတဲ့ စွဲလမ်းမှုကို လက်ကိုင်ထားရင်း အခန်းတံခါးကို ဖွင့်ပြီးဝင်လိုက်သည်။ တူညီတဲ့ အနက်၊ အဖြူနဲ့မီးခိုးရောင် အခန်းကြီးကိုကြည့်ပြီး သူ့မျက်နှာပြိုကျသွားတော့သည်။

"ဘာလို့ လက်ရှိအိမ်နဲ့တူနေရတာလဲ? ပျင်းစရာကြီး"

ဆုံးရှုံးသွားတဲ့ခံစားချက်နဲ့အတူ ယွီကျစ်ယွီ စားပွဲခုံဆီသွားပြီး တစ်ချက်ကြည့်လိုက်တယ်။ နောက်ဆုံးတော့ သူ အနည်းငယ် ကွဲပြားတဲ့ တစ်ခုခုကို မြင်လိုက်ရ၏__ထိုအရာဟာ ဖူဟန်အနိုင်ရထားတဲ့ ဆုများပင်။ ကြီးကြီးမားမားတော့မဟုတ်။ ကိုယ်ပိုင်ဖျော်ဖြေရေးအတွက် ကျင်းပထားသော တချို့သောဝါသနာရှင်များ၏ကလပ်များရဲ့ Activities ဆိုပေမယ့် အမျိုးအစားပေါင်းစုံပင်။ musical instruments အပါအဝင် painting, chess, swimming ပြီးတော့....."