Unicode
ယွီကျစ်ယွီ၏နှုတ်ခမ်းများသည် တောက်ပပေမယ့် အဆီပြန်နေခြင်းမရှိသော အနီရောင်လေးပင်။ သူ့ရဲ့ဖြူဖွေးသောအသားအရည်နှင့် ယှဥ်တွဲကြည့်ပါက အထူးတလည် နမ်းရှုံ့စေချင်အောင်ဆွဲဆောင်မှုရှိ၏။
ဖူဟန်သည် ယွီကျစ်ယွီကို နမ်းရှိုက်တုန်းက ခံစားချက် ပြန်လည်တွေးတောခဲ့ပြီး သူ သတိပြန်ဝင်လာတဲ့အခါ ယွီကျစ်ယွီ၏ လေပေါခြင်း ရပ်တန့်ပြီးဖြစ်ကာ သူ့ကို မျက်လုံးဝိုင်းကြီးများဖြင့် မျှော်လင့်တကြီး ကြည့်နေခဲ့သည်။
"ကျေးဇူးပြုပြီးလို့လေ နော်"
ယွီကျစ်ယွီသည် ဖူဟန်၏အင်္ကျီလက်ကို ဆွဲကာ "နော်လို့"
"မင်း ကိုယ့်ဆီက ဘာလိုချင်လို့လဲ"
ယွီကျစ်ယွီ၏အပြုံးတို့ တမုဟုတ်ချင်း ပျောက်ကွယ်သွားလေတယ်။ သူ့ရဲ့အရည်ဝိုင်းနေသော မျက်လုံးထဲ မကျေမနပ်အရိပ်အယောင်တို့ဖြင့် "ခင်ဗျား ကျွန်တော်ပြောနေတာကို နားမထောင်ဘူးလား?"
ဖူဟန်သည် သူခေါင်းညိတ်လိုက်တာနဲ့ ယွီကျစ်ယွီ ငိုလိမ့်မယ်ဟု ခံစားလိုက်ရသည်။ ဒါကြောင့် သူ အကူအညီမဲ့စွာ ဆိုလိုက်ချေသည်။
"ကိုယ်ကြားပါတယ်။ ကိုယ်ဆိုလိုတာက မင်း ကိုယ့်ကို ကျေးဇူးတင်ဖို့ မလိုဘူးလို့"
မည်သို့ပင်ဖြစ်စေကာမူ ယွီကျစ်ယွီသည် အလွန်အကျွံတောင်းဆိုမှုတွေ မလုပ်ပေ။ အများဆုံးရှိမှ သူတို့ဘယ်နေရာတူတူသွားကြမယ်၊ သူ ဘာစားချင်တယ်၊ ပြီးရင် လက်ဦးမှုယူပြီး အနမ်းနဲ့ပွေ့ဖက်မှုတောင်းမယ်လောက်ပါပဲ။ သူ သဘောတူလိုက်လို့လည်း ဆုံးရှုံးစရာမရှိနိုင်ပါဘူး။
"ကောင်းပြီ! လောင်ကုန်းက အရမ်းကောင်းတာပဲ!"
ယွီကျစ်ယွီ သူ့ကို ပွေ့ဖက်လိုက်ပြီး မျက်မှောင်ကြုတ်ဖို့ ပြင်နေတဲ့ ဖူဟန်ရဲ့မျက်ခုံးကြားကို နမ်းလိုက်သည်။
ဖူဟန် မျက်မှောင်ကြုတ်နေတာ ရပ်တန့်သွားခဲ့ပြီး ပြောလိုက်သည်။
"သွားစားရအောင်၊ ကိုယ်တို့အန်တီ စောင့်နေတယ်"
"ကောင်းပြီ"
ယွီကျစ်ယွီ သဘောတူလိုက်သည်။ သူ အပြင်မှာ လိမ္မာဟန်ဆောင်နေပေမယ့် ရင်ထဲမှာတော့ လူတစ်ချို့ချီးယားလုပ်နေကြပြီး discoနဲ့အတူ သွေးရူးသွေးတန်း ထိန်းမနိုင်သိမ်းမနိုင် ဒွန့်နေကြ၏။
YOU ARE READING
ဇာတ်လိုက်နဲ့စေ့စပ်ပွဲပျက်ပြီးနောက် သူ့ဦးလေးနဲ့လက်ထပ်လိုက်တယ်
Romanceဖူဟန် × ယွီကျစ်ယွီ
