ဇာတ်လိုက်နဲ့စေ့စပ်ပွဲပျက်ပြီးနောက် သူ့ဦးလေးနဲ့လက်ထပ်လိုက်တယ်

Ep - 104

Unicode

ဖူရွင်းရဲ့အမှားကိုထောက်ပြခဲ့ရင် ဖူလီဖန်အပြစ်တင်မှာကို မူလပိုင်ရှင်စိုးရိမ်နေခဲ့တာပဲ။

ဒါပေမယ့် ဒိုင်ယာရီထဲမှာ ဘာကြောင့်ရေးတာလဲ? ဖူလီဖန်ကို တည့်တိုးမပြောနိုင်လို့လား? ဖူလီဖန်က သိပ်ဉာဏ်ကောင်းတဲ့ပုံမပေါ်တာကြောင့် ဒိုင်ယာရီကိုမြင်ရတောင် တုံ့ပြန်မှုမပေးမှာသေချာသလောက်ပင်။

ယွီကျစ်ယွီတစ်ယောက် အဖြေရှာမရတာကြောင့် နောက်ထပ်လိပ်စာပါရှိသည့် ကျပ်တိုက်ထားတဲ့အသား စာမျက်နှာကိုလှန်လိုက်သည်။ ကျပ်တိုက်အသားခန်းမှာတော့ မည်သည့် ဇာတ်ကွက်မျှမပါပေ။ သာယာတဲ့ရာသီဥတုနဲ့ စိတ်အခြေအနေကောင်းမွန်တာနဲ့ပဲ လှည့်ပတ်နေ၏။ မူလပိုင်ရှင်သည် ကျပ်တိုက်အသားဆိုင်တွင် လူတန်းအရှည်ကြီး တန်းစီနေတာကိုတွေ့ခဲ့ပြီး သူလည်းစမ်းမြည်းကြည့်ခဲ့ရာ အရသာကောင်းကြောင်းရှာတွေ့ခဲ့သည်။ ကံမကောင်းစွာနဲ့ ဖူလီဖန်က မနှစ်မြို့သဖြင့် တူတူသွားမစားချင်ခဲ့ဘူး။

ဒိုင်ယာရီထဲမှာရေးထားတဲ့ တတိယလိပ်စာမှာ ဘလူးဘယ်ရီအချိုပွဲအကြောင်းပင်....အဲ့ဒါက လုံးလုံး အစားအသောက် ဆောင်းပါးတစ်ပုဒ်ပဲ။ အချိုပွဲအမျိုးအစား မိတ်ဆက်နဲ့တင် စာမျက်နှာတစ်ဝက်လောက်နေရာယူလိုက်၏။ မသိရင် စာလုံးအရေအတွက်အတွက် တမင်ရေးထည့်ထားသကဲ့သို့။

ဒီသုံးခုအပြင် တခြားတည်နေရာတွေလည်းရှိသေးသည်။ မူလပိုင်ရှင်က ကိစ္စအသေးအမွှားတွေကအစ မှတ်တမ်းရေးရတာကို နှစ်သက်ပုံရသည်။ ဖူလီဖန်နဲ့ ရုပ်ရှင် သွားကြည့်တာဆို ဘယ်ရုပ်ရှင်အကြောင်း၊ ဘယ်ခန်းမအကြောင်း၊ ဘယ်rowအကြောင်းကိုပါ မှတ်တမ်းတင်ထားသည်ပင်။ သူ စျေးဝယ်ထွက်တဲ့အခါ ဆိုရင်လည်း သူသွားခဲ့တဲ့ ဆိုင်ခန်းတွေအကြောင်း အသေးစိတ်ကျကျ ရေးသားထားသည်မှာ မသိရင်စျေးဝယ်လမ်းညွှန်သူ လုပ်နေသလိုမျိုးပင်။

ယွီကျစ်ယွီ တစ်ပတ်ကြည့်လိုက်ပြီးနောက် စိတ်ရှုပ်လာရသည်။

လိပ်စာတွေ ဒီလောက်အများကြီးထဲမှာမှ ဘယ်ဟာက ပိုအရေးကြီးတာတုန်း?

ယွီကျစ်ယွီသည် အမှန်တရားကိုထုတ်ဖော်မယ်ဟူသော မျှော်လင့်ချက်ကြီးဖြင့် ဒိုင်ယာရီကို ဖတ်ခဲ့ပေမယ့် သူကိုယ်သူ ပျောက်ဆုံးနေဆဲ ဖြစ်ကြောင်း ရှာတွေ့လိုက်ရသည်။ ကွာဟချက်ကကြီးမားလွန်းသဖြင့် အခုလေးတင် ကမန်းကတန်း ပြေးလာတုန်းကလိုမျိုး မူးဝေမှုက ပြန်ရောက်လာလေသည်။ ထို့ကြောင့် သူ ဆိုဖာပေါ်ပစ်လှဲချလိုက်ပြီး အနားယူလိုက်တော့သည်။