Unicode
သူ ဆေးရုံကိုပြန်ရောက်တဲ့အခါ ကျိချီကွမ်းကို ဘယ်လိုနေလဲလို့ မေးဖို့ စာတစ်စောင်ပို့ခဲ့သည်။
ကျိချီကွမ်း ပြန်ဖြေလာတာက: >> မင်းကိစ္စမဟုတ်ဘူး>>
ကျိချီကွမ်း အဆင်ပြေတယ်ဆိုတာကို ယွီကျစ်ယွီ သိသည်။
ဒါကိုကြားတော့ မြောင်ဟန်က သက်ပြင်းချရင်း "အဆင်ပြေပါတယ်"
အခြားသူများလည်း သက်သာရာရကြသည်။ သို့သော်လည်း စုံစမ်းမေးမြန်းရန် မလိုအပ်ကြောင်းကို မကြာမီမှာပဲ သူတို့ သဘောပေါက်သွားကြသည်။ အဘယ်ကြောင့်ဆိုသော် အတိုင်ပင်ခံဆရာက စာသင်ခန်းထဲ ရောက်လာပြီး သူတို့ကိုပြောလာသောကြောင့်ပင်။
"ကျိချီကွမ်းက မနေ့ညက လူဆိုးဂိုဏ်းတွေရဲ့ တိုက်ခိုက်မှုကြောင့် ဦးခေါင်းဒဏ်ရာရခဲ့တယ်။ အခြေအနေက မစိုးရိမ်ရပေမယ့် လုံခြုံရေးအရ စောင့်ကြည့်ဖို့ ဆေးရုံမှာ နှစ်ရက်နေရမယ်။ အားလုံး သတိထားကြ၊ ဘေးကင်းအောင်လည်း ဂရုစိုက်ကြ။ မနေနဲ့........"
ထို့နောက်တော့ အမျိုးမျိုးသော ဘေးကင်းရေး သတိပေးချက်များပင်။
ဖူဟန် ရုတ်တရက် မက်ဆေ့ချ်ပို့လာသောကြောင့် ယွီကျစ်ယွီ ဂရုတစိုက်နားမထောင်ခဲ့ပေ။
ဖူဟန်: >>ကျောင်းပြီးရင် ဆေးရုံကို ပြန်သွားစရာ မလိုဘူး၊ တိုက်ခန်းကိုပဲ တိုက်ရိုက်သွားလိုက်>>
ယွီကျစ်ယွီ: >> ခင်ဗျားကော >>
ဖူဟန်: >> တစ်ပတ်အတွင်း လာခဲ့မယ် >>
ယွီကျစ်ယွီသည် လျှို့ဝှက်စွာ မေးမြန်းခဲ့တာကြောင့် တိုက်ခန်းသည် ဆေးရုံနှင့် အနည်းငယ် ကွာဝေးကြောင်း သိရှိခဲ့ရသည်။ နောက်အပတ်မှာ တွေ့ဖို့ အဆင်မပြေတော့ဘူးလို့ သူသဘောပေါက်သွားပြီး ချက်ချင်းပြောလိုက်တယ်။
>> အတန်းမရှိတဲ့အခါ ခင်ဗျားကိုတွေ့ဖို့ ဆေးရုံကိုလာလို့ရမလား? >>
ဖူဟန်: >>မရဘူး၊ အန္တရယ်များတယ် >>
ယွီကျစ်ယွီသည် မနေ့ညက ပြန်ပေးဆွဲခံရခြင်း၏ ထိတ်လန့်ဖွယ်အကြောင်းကို တွေးပြီး နာခံရန် ရွေးချယ်ခဲ့သော်လည်း ရုန်းကန်နေရဆဲဖြစ်သည်။
YOU ARE READING
ဇာတ်လိုက်နဲ့စေ့စပ်ပွဲပျက်ပြီးနောက် သူ့ဦးလေးနဲ့လက်ထပ်လိုက်တယ်
Romance#This is not my own. #Credit to original Author & English Translator. #Fun transalation.
