Unicode
ဖူဟန် မျက်မှောင်ကြုတ်လိုက်သည်: ဖလစ်မှု ကျရှုံး။ ငါ့ဇနီးက လုံးဝမရှက်သွားဘူးပဲ။
ယွီကျစ်ယွီက အလုပ်အကြောင်း ဆက်ပြောနေတုန်းပဲ။
"လောင်ကုန်း ကျွန်တော့်ကို သက်တော်စောင့်တွေ တိတ်တိတ်လေး ကာကွယ်ခွင့်ပဲပေးလိုက်ပါ။ ကျွန်တော် တစ်ယောက်တည်း သွားရှာမယ်။ ကျွန်တော် လုံခြုံရေးကို သေချာဂရုစိုက်ပါ့မယ်"
"ဒီ ၅ နေရာရယ်၊ ဝမ်ယိုဟွား စုံစမ်းနေတဲ့ နေရာတစ်ခုရယ်အပြင် နောက်ထပ် ၈ ခုကျန်သေးတာလား"
"ဟုတ်တယ်၊ သိပ်မများပါဘူး"
ဖူဟန်က အလွယ်တကူ ဖြောင်းဖျလို့ရတဲ့သူမဟုတ်ပေ။
"ဘယ်နေရာတွေလဲဆိုတာ ကိုယ့်ကိုပြ"
ယွီကျစ်ယွီသည် ဖုန်းထုတ်ပြီး မြေပုံတစ်ခုလုံးကို ဖူဟန်ကို သေချာပြလိုက်သည်။
"ကျွန်တော် အမှတ်အသားလုပ်ထားတယ်။ မရှာရသေးတဲ့နေရာတွေက မီးခိုးရောင်၊ အသုံးဝင်တာတွေက အနီရောင်၊ အသုံးမဝင်တာတွေက အစိမ်းရောင်ပဲ"
"အင်း"
ဖူဟန်က ခပ်ဖွဖွရယ်လိုက်ပြီး "မင်း ဒီလို စနစ်တကျလုပ်တာ ရှားတယ်"
ယွီကျစ်ယွီက မှားယွင်းသလို ခံစားလိုက်ရပြီး "ကျွန်တော်က အရမ်း စနစ်တကျရှိပါတယ်နော်! ခင်ဗျား ကျွန်တော် ဂဏန်းစားတာကို မမြင်ဖူးဘူးလား။ စားတဲ့အဆင့်တိုင်းက ပြီးပြည့်စုံတာနော်။ ဒါမှ စားပြီးသွားရင်တောင် ဂဏန်းတစ်ကောင်လုံးကို အပြည့်ပြန်ဆက်လို့ရမှာ။ အိုင်း, ကျွန်တော် ဘူဖေးစားရင်လည်း အရမ်း စနစ်တကျရှိတာ။ ဝင်သွားရင် အဓိကအစားအစာတွေကို မစားရဘူး၊ တစ်ပတ်ပတ်ပြီးတော့ ဘယ်အချိန်မှာ ဘာတွေ ရနိုင်လဲဆိုတာကို အရင်ဆုံးသိအောင်လုပ်၊ ပြီးမှ အသားယူကိုသွားယူ၊ ရတဲ့အခါမှာလည်း…."
နောက်ထပ် တွေ့ကရာ စကားတွေ စ,ပြောလာခဲ့သည်။ ဖူဟန်က သက်ပြင်းခပ်ဖွဖွချပြီး သူ့အာရုံကို မြေပုံပေါ်မှာ အတတ်နိုင်ဆုံး စုစည်းလိုက်သည်။
"ဒီ နေရာ၈ခုက အရမ်းပျံ့ကျဲနေတယ်၊ ဆင်ခြေဖုံးအထိတောင် ရောက်နေပြီ။ မင်း ခွင့်ယူပြီး သွားရင်တောင် တစ်ပတ်လောက် အချိန်ပေးရလိမ့်မယ်"
YOU ARE READING
ဇာတ်လိုက်နဲ့စေ့စပ်ပွဲပျက်ပြီးနောက် သူ့ဦးလေးနဲ့လက်ထပ်လိုက်တယ်
Romanceဖူဟန် × ယွီကျစ်ယွီ
