Unicode
ဖူလီဖန်သည် နောက်ဆုံးတော့ ခေါင်းထောင်လိုက်နိုင်ပြီး ယိချန်ကို ရန်လိုသော အကြည့်ဖြင့် ကြည့်လာခဲ့သည်။
"သူ့မှာ ရည်းစားရှိတယ်ဆိုတာ မင်းမသိဘူးလား"
ဖူလီဖန်က ဒီကို စုံစမ်းဖို့လာတာမဟုတ်ကြောင်း ယိချန် သဘောပေါက်သွားတော့သည်။ ထို့ကြောင့် သူ စိတ်ငြိမ်သွားကာ ပြန်မေးလိုက်၏။
"ဘယ်သူလဲ? ကျွန်တော်တို့ ဆိုင်ကိုလာတဲ့လူတိုင်းနီးပါးက ရည်းစားရှိကြတာပဲကို"
"စုပ်လုံးစားနေရင်းနဲ့ မင်းကို မြူဆွယ်နေတဲ့သူလေ!"
"မင်းဘာအကြောင်း ပြောနေတာလဲဆိုတာ ငါမသိဘူး"
ထိုအချိန်မှာပဲ ယွီကျစ်ယွီ အပြင်ထွက်လာခဲ့ပြီး "ဘာဖြစ်နေကြတာလဲ... သောက်ကျိုးနဲ မင်းက ဘာလို့ ဒီမှာလဲ?"
"ငါနဲ့ ငါ့ ဦးလေးရှိတာတောင် မလုံလောက်သေးဘူးလား"
ဖူလီဖန်က ဒေါသတကြီး အော်ဟစ်လာခဲ့သည်။
"မင်း နောက်တစ်ယောက် ထပ်ရှာချင်သေးလား"
ယွီကျစ်ယွီသည် မှားယွင်းနေတာကို သတိထားမိလိုက်ပြီး "နဲ့? ငါက မင်းနဲ့ ဘာမှမဆိုင်ဘူးလေ။ မင်းကိုယ်မင်း ငါ့လောင်ကုန်းနဲ့ လာမနှိုင်းစမ်းနဲ့"
"ဟုတ်ပါတယ်၊ ဖူဟန်က အထူးခြားဆုံးပေါ့။ မင်းက ဓာတ်ပုံရိုက်ရတာကို မကြိုက်ပေမဲ့ သူ့နဲ့ကျတော့ SKY မှာ တူတူသွားရိုက်တယ်? ငါကကျတော့ရော? ငါက ဘယ်သူလဲ? ငါ မင်းနဲ့အတူ ဓာတ်ပုံရိုက်ချင်လို့ အကြိမ်ပေါင်းများစွာ သွားခဲ့တာတောင် မင်း လုံးဝမရိုက်ပေးခဲ့ဘူးလေ!"
ယွီကျစ်ယွီ ရုတ်ချည်း သတိရသွားသည်။
"အိုး, ဒါကြောင့်မို့ မင်းဓာတ်ပုံတွေက တစ်ယောက်တည်း ရိုက်ထားတာကိုး"
"ငါ ဝမ်ယွင်ချန်နဲ့တောင် ဓာတ်ပုံမရိုက်ခဲ့ဘူး၊ မင်းသိလား?"
"ငါနဲ့ ဘာဆိုင်လို့လဲ"
ယွီကျစ်ယွီ အထင်အမြင်သေးစွာ ပြောလိုက်သည်။ သူ ဖုန်းထုတ်လိုက်ပြီး ဖူလီဖန်ရဲ့ ရုပ်ပျက်ဆင်းပျက်ပုံကို ဗီဒီယိုရိုက်တော့၏။
"ဒီကအမြန် ထွက်သွားလိုက်တော့။ မဟုတ်ရင် ဒီဗီဒီယိုကို ဝမ်ယွင်ချန်ဆီပို့လိုက်မယ်"
YOU ARE READING
ဇာတ်လိုက်နဲ့စေ့စပ်ပွဲပျက်ပြီးနောက် သူ့ဦးလေးနဲ့လက်ထပ်လိုက်တယ်
Romanceဖူဟန် × ယွီကျစ်ယွီ
