Unicode
ဖူဟန်က မသုံးဖူးတဲ့ ဖုန်းနံပါတ်တစ်ခုကို ထပ်ရိုက်ထည့်လိုက်ပြီး အော်ဒါကို အတည်ပြုလိုက်သည်။
သူတို့ အော်ဒါတင်ပြီး တစ်မိနစ်မပြည့်ခင်မှာပဲ ယိချန်ဆီက ဖုန်းဝင်လာခဲ့သည်။
"မင်္ဂလာပါ၊ ဒါက ယိ အချစ်အရုပ်အရောင်းဆိုင်ကပါ။ ခင်ဗျား ခုနက ၈၈၅၆ယွမ် တန်ဖိုးရှိတဲ့ ပစ္စည်းတွေ မှာလိုက်တာ ဟုတ်ပါတယ်နော်"
ယွီကျစ်ယွီသည် ဖော်ထုတ်ခံရမည် စိုးသောကြောင့် ဘေးတွင် အသက်အောင့်နေကာ စကားလုံးလေး တစ်လုံးတောင်မထွက်ရဲ။
"ဟုတ်တယ်"
ဖူဟန်က ယိချန်နဲ့ စကားသိပ်မပြောဖူးသလို ဖုန်းပြောတဲ့အသံနဲ့ အပြင်အသံကလည်း ကွာခြားတာကြောင့် သူ အသိခံရမှာကို မစိုးရိမ်ဘဲ ပြောစရာရှိတာ ဆက်ပြောနေသည်။
ယိချန်ကလည်း ဖူဟန်ရဲ့အသံကို တကယ်ပဲ မမှတ်မိဘူး။
"တကယ်ပဲ ဝယ်ယူမယ်ဆိုတာ သေချာပါပြီလား"
"သေချာပါပြီ"
"ကောင်းပြီ၊ ခင်ဗျားက များပြားတဲ့ပမာဏကို အော်ဒါတင်လိုက်တာဖြစ်လို့ ၁၀ ရာခိုင်နှုန်း လျှော့စျေးရမှာပါ။ ခင်ဗျား လျှော့စျေးရချင်ရင် ပလက်ဖောင်းကို အသုံးပြုလို့မရတော့ပါဘူး။ ကျွန်တော့်ကို တိုက်ရိုက်အော်ဒါ တင်ဖို့ လိုပါမယ်။ စိတ်မပူပါနဲ့၊ တိုက်ရိုက်အော်ဒါဆို ပစ္စည်းရောက်မှ ငွေချေရမှာဖြစ်လို့ လိမ်လည်တာမျိုး မရှိပါဘူး"
ဖူဟန် မေးလိုက်သည်။
"မင်းကိုယ်တိုင် လာပို့ပေးမှာလား"
"ဟုတ်ပါတယ်၊ ပလက်ဖောင်းကနေ မလုပ်ရင် သူတို့က ဝန်ဆောင်မှုမပေးနိုင်တော့လို့ပါ။ ခင်ဗျားအတွက် ခက်ခဲတယ်ဆိုရင်လည်း ပလက်ဖောင်းကနေပဲ ဆက်မှာလို့ရပါတယ်၊ ဒါပေမဲ့ ဈေးနှုန်းက အရင်အတိုင်းပဲဖြစ်မှာပါ၊ ၁၀ ရာခိုင်နှုန်း လျှော့စျေးတော့ မရတော့ဘူး"
"ကောင်းပါပြီ၊ မင်းနဲ့ပဲ တိုက်ရိုက်အော်ဒါ မှာပါမယ်"
ယိချန် ဘက်ကနေ ပစ္စည်းတွေ ပြင်ဆင်တဲ့ တရှပ်ရှပ်အသံတွေ ချက်ချင်းထွက်လာသည်။
"ဟုတ်ပြီ၊ ဒါဆို ခင်ဗျားရဲ့ အော်ဒါကို ပလက်ဖောင်းမှာ ပယ်ဖျက်လိုက်ပါမယ်။ ကျွန်တော် ခုပဲ ပစ္စည်းတွေ စုပြီး ထွက်လာခဲ့ပါမယ်၊ မိနစ် ၄၀ လောက်ဆို ရောက်ပါပြီ"
YOU ARE READING
ဇာတ်လိုက်နဲ့စေ့စပ်ပွဲပျက်ပြီးနောက် သူ့ဦးလေးနဲ့လက်ထပ်လိုက်တယ်
Romanceဖူဟန် × ယွီကျစ်ယွီ
