Unicode
အခန်း (25) ချစ်စရာ
ယွီကျစ်ယွီသည် ရိုလာစကိတ်ကလပ်တွင် တတ်တိတ်လေး ပါဝင်ခဲ့ပြီး လက်ပူးလက်ကြပ်မိခြင်းခံရတော့ အလွန်အပြစ်ရှိသလိုခံစားနေရ၏။
သို့သော်ငြားလည်း ဖူဟန်က သူနဲ့စာရင်းရှင်းမယ်လို့ အေးစက်စွာ ကြေငြာလိုက်တဲ့အခါ သူ ထပ်ပြီးမယုံကြည်တော့ပေ။
"ခင်ဗျားဘာလို့ ကျွန်တော့်နဲ့ ရှင်းချင်ရတာလဲ? ကျွန်တော် ရိုလာစကိတ်ကလပ်ထဲဝင်ပြီးတော့ ပြုတ်ကျလုနီးပါဖြစ်သွားတာကြောင့်လား? ခင်ဗျား အခုပဲ ကျွန်တော့်ကို အားကစားရုံထဲကနေ သယ်ထုတ်သွားပြီးပြီမဟုတ်ဘူးလား? ပြီးသွားပြီလေ?''
ဖူဟန်က လှောင်ရယ်,ရယ်လိုက်ပြီး "ဒါက အသေးအဖွဲကိစ္စလို့ မင်းထင်နေတာလား"
"မဟုတ်ရင်? ကျွန်တော် လဲကျလုနီးပါးဖြစ်သွားတာက ကြီးကြီးမားမား ကိစ္စကြီးလား?"
"သက်တော်စောင့်တွေက အချက်ပြမှု ပြတ်တောက်သွားပြီးတော့ အားကစားရုံထဲကိုလည်းမဝင်နိုင်ကြဘူး။ သူတို့က မင်းပျောက်သွားပြီလို့တောင် ထင်နေကြတာ၊ သူတို့ ကျောင်းကိုလျှောက်ထားပြီးတော့ အားကစားရုံတဝိုက်ကို အကြိမ်အနည်းငယ်လောက်ရှာခဲ့ကြပေမယ့် မင်းကတော့ အဝတ်အစားလဲပြီး ကာကွယ်ရေးပစ္စည်းတွေဝတ်ထားပြီး လူအုပ်ကြားထဲမှာ ကစားရတာ အရမ်းပျော်စရာကောင်းသလား?"
ယွီကျစ်ယွီ အံ့အားသင့်သွားသည်။ ချပ်ဝတ်တန်ဆာတွေဝတ်ရင် သူ့အင်္ကျီမှာ အမှတ်သားကျန်ခဲ့မယ်လို့ထင်ခဲ့သောကြောင့် သူ အဝတ်အစားလဲလိုက်တာပင်။ ပတ်ပတ်လည်မှာ လူတွေအများကြိီးရှိလို့ ကစားဖို့နေရာမရှိဘူးဆိုတာကိုလည်း သူသိသည်။ သက်တော်စောင့်တွေကို ဒီလောက် ဒုက္ခကြီးပေးမိမယ်လို့ သူ မမျှော်ထားမိပေ။
သူ့ကိုယ်သူ ယုံကြည်မှုက သိပ်မသန်မာသောကြောင့် သူ့အသံက ရုတ်တရက် ပိုပျော့လာသည်။
"ဒါဆို ခင်ဗျား ဒီကိုလာတာက?"
ဖူဟန်က ဘာမှပြန်မပြောဘဲ သူ့ကို အေးစက်စွာ ကြည့်လာ၏။
ယွီကျစ်ယွီက စိုက်ကြည့်ခံရခြင်းကို မကြောက်ရွံ့ဘဲ အဖြေကိုသာ စိတ်အားထက်သန်စွာ စောင့်ဆိုင်းနေခဲ့သည်။
YOU ARE READING
ဇာတ်လိုက်နဲ့စေ့စပ်ပွဲပျက်ပြီးနောက် သူ့ဦးလေးနဲ့လက်ထပ်လိုက်တယ်
Romance#This is not my own. #Credit to original Author & English Translator. #Fun transalation.
