Ep - 96
Unicode
အခန်း (၃၅) - Fighting for favour
ကျိချီကွမ်း၏ကံကြမ္မာသည် သူ့ကိုယ်ပိုင်လုပ်ရပ်များနှင့် လုံးဝချိတ်ဆက်နေသည်။ ဖူလီဖန်ကို ကူပြီး တခြားသူတွေကို အမြဲလိုက်ဒုက္ခပေးနေသည့်အပြင် လက်ဖွာပြီးသုံးဖြုန်းရတာကိုလည်း အရသာတွေ့သောကြောင့် လိမ်လည်မှုနဲ့ ခိုးမှုတို့ကိုလည်းပြုလုပ်ခဲ့၏။ ဖမ်းခံရတာ သူနဲ့ထိုက်တန်တယ်။
ယွီကျစ်ယွီက ရှော့ခ်ရနေတုန်းပဲ။
အရမ်းမြန်လွန်းတယ်။ သူက ကျိချီကွမ်း သူ့အဖြေလွှာပေါ် အချက်အလက်တွေချရေးတယ်လို့ ပြောရုံပဲရှိသေး။ ဖူဟန်က သူ့ကိုဂရုစိုက်ပြီးနေပြီပင်။ နာရီအနည်းငယ်လောက်သာ ရှိသေးတယ်။ အသုံးပြုခဲ့တဲ့နည်းလမ်းကလည်း တော်တော်လေး အကြင်နာကင်းမဲ့လှ၏။
သူသာဆိုရင် ကျိချီကွမ်းကို အများဆုံးနှစ်ချက်လောက်ရိုက်ပြီး ကလေးဂိမ်းကစားသလိုမျိုး မခေါ်မပြောဘဲနေလိုက်မှာပင်။
နာရီအနည်းငယ်အတွင်းမှာ ဖူဟန် လူကို ပိတ်နှောင်နိုင်ခဲ့တယ်။ ဒါဆိုရင် သူ ဖူလီဖန်ကို ဖုန်းခေါ်ပြီးတော့ သူ,မသိတဲ့ နာမည်တစ်ခုရလာတာက အသုံးဝင်ပါ့မလား?
ယွီကျစ်ယွီ သူ့ကိုယ်သူ အသုံးမဝင်ကြောင်း နက်နက်ရှိုင်းရှိုင်း သဘောပေါက်သွားတော့တယ်။ သူ ဖူဟန်ကို ကြည့်လိုက်ပြီး "လောင်ကုန်း...."
စကားပြောဖို့ တုံ့ဆိုင်းနေပုံရတဲ့သူ့ကိုမြင်ပြီး ဖူဟန်ရဲ့ ပထမဦးဆုံးတုံ့ပြန်မှုက အနည်းငယ် ထူးဆန်း၏။
"ဗိုက်ဆာလို့လား?"
"....."
ယွီကျစ်ယွီသည် သူ့ကို ဇူဇကာပုဏ္ဏားအဖြစ် ဆက်ဆံနေကြကြောင်း သံသဃဖြစ်မိသည်။ အန်တီက သူ့ကို ညလယ်စာစားချင်လားလို့ မေးပြီး ဖူဟန်ကလည်း သူ့ကို အမြဲတမ်း ဗိုက်ဆာလား ဟု မေး၏။
နှုတ်ခမ်းစူလာတဲ့ ယွီကျစ်ယွီကိုမြင်ပြီး ထိုသူဗိုက်မဆာကြောင်း ဖူဟန်သိသွားခဲ့သည်။
"မင်းမှာ ပြောစရာတစ်ခုခုရှိရင်လည်း ပြောလေ"
ယွီကျစ်ယွီ အသက်ပြင်းပြင်းရှုလိုက်ပြီး ရိုးသားစွာဝန်ခံလိုက်သည်။
"ကျွန်တော် တောင်းပန်ပါတယ်၊ ကျွန်တော် ဖူလီဖန်ကိုဖုန်းခေါ်ခဲ့တယ်။ ဒါပေမယ့် ကျွန်တော် သူ့ကို လုံးဝဆိုးဆိုးရွားရွားကြီး ဆက်ဆံခဲ့တာ။ ခင်ဗျား အသံဖမ်းထားတာ နားထောင်ချင်လား?"
YOU ARE READING
ဇာတ်လိုက်နဲ့စေ့စပ်ပွဲပျက်ပြီးနောက် သူ့ဦးလေးနဲ့လက်ထပ်လိုက်တယ်
Romanceဖူဟန် × ယွီကျစ်ယွီ
