Unicode
ယွီကျစ်ယွီသည် "မဆိုင်တဲ့အပိုလူတွေ" ဆိုတာ ဖူရွင်းမိသားစုကို ရည်ညွှန်းမှန်း မမေးဘဲနှင့်တောင် အတပ်သိ၏။ ရင်းရှောင်ယွဲ့က သူမယောက်ျားကို အိမ်သို့လာခွင့်မပေးခြင်းသည် ဖူဟန်ကိုကာကွယ်ဖို့ဆိုတာ သေချာသလောက်ပင်။
ဖူဟန်က ဆက်၍ "မတော်တဆမှုဖြစ်ပြီးတော့ ကိုယ့်ဦးလေးက ကိုယ့်အဖေရဲ့အိမ်ကို စွန့်ပစ်ပြီး အမေ့ ပစ္စည်းတွေကို ဒီကိုရွှေ့ပစ်လိုက်တယ်၊ ဆိုတော့ ဒီလို ပစ္စည်းအပုံကြီးဖြစ်လာတာပဲ"
"ရှင်းဖို့တစ်ယောက်ယောက် လိုသလား"
"ကိစ္စမရှိပါဘူး၊ အပေါ်ထပ်သွားရအောင်"
ယွီကျစ်ယွီ ခေါင်းညိတ်လိုက်ပြီး ဖူဟန်ခေါ်သွားတဲ့နောက်ကို နာခံစွာလိုက်သွားလေသည်။
ဒုတိယထပ်က ဗြုတ်စဗျင်းတောင်း ရှုတ်ပွနေခဲ့သည်။ ဖုန်ကာဖို့သုံးထားတဲ့ပိတ်စဟာလည်း သန့်စင်တဲ့အဖြူရောင်မဟုတ်တော့ပေမယ့် ဒီဇိုင်းပန်းအဆင်တစ်ချို့ပါသောကြောင့် အသက်မဲ့သောပထမထပ်ထက်စာရင် အများကြီးပိုကောင်း၏။ ဖူဟန်က မာစတာအိပ်ခန်းကို အရင်သွားခဲ့သည်။ ပြီးနောက် အဝတ်လဲခန်းကို ရှာရန် အတွင်းဘက်သို့လျှောက်သွားခဲ့သည်။
ယွီကျစ်ယွီသည် အမျိုးသမီးအဝတ်တွေနဲ့ပြည့်နှက်နေတဲ့ အဝတ်လဲခန်းကို ကြည့်လိုက်ကာ "လောင်ကုန်း ဒါ ခင်ဗျားအမေရဲ့အခန်းလား?"
"အင်း"
ဖူဟန် ခြေနှစ်လှမ်းလှမ်းကာ ဆောင့်ကြောင့်ထိုင်ချလိုက်ပြီး ဖုန်ထူနေသောကြမ်းပြင်ကို ပွတ်သပ်လိုက်သည်။
ယွီကျစ်ယွီတစ်ယောက် ရင်ကွဲနာကျသွားသည် - ဒါ သူ့အမေရဲ့အငွေ့အသက်ကို ခံစားနေတာလား? ဖူဟန်က ကြမ်းပြင်ကို ဂရုစိုက်တာမဟုတ်ဘဲ သူ့အမေအကြောင်း တွေးနေတာပဲ။ အေးလေ၊ ရင်းရှောင်ယွဲ့က မသေခင်အချိန်ထိ ဖူဟန်ကို ကာကွယ်သွားခဲ့တာပဲကိုး။ ဘယ်လောက်တောင် ထိရှလိုက်သလဲ!
ဖူဟန်က ခဏလောက် ဟိုစမ်းဒီစမ်းလုပ်ပြီးနောက် "မီးခံသေတ္တာက ဒီမှာပဲ"
"အာ?"
ယွီကျစ်ယွီ အံ့သြတကြီးနဲ့ "ခင်ဗျား မီးခံသေတ္တာကို ရှာနေတာလား?"
YOU ARE READING
ဇာတ်လိုက်နဲ့စေ့စပ်ပွဲပျက်ပြီးနောက် သူ့ဦးလေးနဲ့လက်ထပ်လိုက်တယ်
Romanceဖူဟန် × ယွီကျစ်ယွီ
