Unicode
ယွီကျစ်ယွီ စပ်စုချင်သွားပြီး မေးလိုက်သည်။
"ဆိုင်ဖွင့်ရတာ ဘယ်လိုခံစားရလဲ?"
"အစတုန်းကတော့ မျက်နှာပူတာပေါ့။ ဒါပေမဲ့ နောက်တော့ ကျင့်သားရလာပြီး တော်တော်လေး အဆင်ပြေလာတယ်။ အခုခေတ်လူတွေက ဒီလိုပစ္စည်းတွေဝယ်တဲ့အခါ အရောင်းဝန်ထမ်းတွေကို သိပ်မကြိုက်ကြဘူး၊ စကားအများကြီး မပြောချင်ကြဘူး။ ငါက အဲဒီမှာ ထိုင်ပြီး ခိုးမှုမဖြစ်အောင်ပဲ လိုက်ကြည့်နေရင်ရပြီ။ ကံကောင်းပြီး အရောင်းအဝယ်ကြီးတွေ ဖြစ်ရင်တော့ ငါ ခရီးလေးတစ်ခုထွက်ပြီး ရက်အများကြီး နားလို့ရတယ်"
"ဪ"
ယွီကျစ်ယွီက တတွတ်တွတ်ရွတ်လိုက်လိုက်၏။
"ကောင်းသားပဲ။ ငါတောင် ဖွင့်ချင်လာပြီ"
ယိချန်က ရယ်မောပြီး "မဖြစ်နိုင်တာ။ မင်းအရင်က ဆိုင်ကို ကြည့်လိုက်တာနဲ့တောင် မျက်နှာနီသွားခဲ့တာလေ။ အခုတော့ စမ်းကြည့်ချင်လာပြီလား။ ဟေး, မင်းဘယ်လိုလုပ် အများကြီး ပြောင်းလဲသွားတာလဲ"
ယွီကျစ်ယွီက သူ့ပြောင်းလဲသွားမှုကို တည်တည်ငြိမ်ငြိမ်နဲ့ပဲ ဝန်ခံလိုက်သည်။
"ငါ့လောင်ကုန်းကို လိုက်ပြီးကတည်းက ငါ ပိုပိုပြီး မျက်နှာပြောင်အရှက်မဲ့လာတာပဲ။ ဒါက အချစ်ရဲ့ စွမ်းအားပဲ ဖြစ်မယ်"
ယိချန်နှင့် ဖူဟန် "....."
ယိချန်သည် ယွီကျစ်ယွီက သာမန်လူမဟုတ်ကြောင်း ယုံကြည်သွားပြီး နားလည်ဖို့ ကြိုးစားနေတာကို ရပ်လိုက်တော့၏။
ဖူဟန်ကတော့ သူ့မျက်ခုံးတို့ကို ပွတ်သပ်ရင်း၊ သူ့ရဲ့လေအိုးလေးက ဘာကြောင့်များ မျက်နှာပြောင်တာကို ဂုဏ်ယူနေကြောင်း တွေးတောနေခဲ့သည်။
"ဟေး"
ယွီကျစ်ယွီသည် တခြားသူနှစ်ယောက် တိတ်ဆိတ်သွားတာ မြင်တော့ သူ့ဘာသာသူ စကားပြန်ဆက်လိုက်ပြီး "လူတွေက ပြောင်းလဲတတ်တာပဲကို၊ လွန်ခဲ့တဲ့ အချိန်အများကြီးတုန်းက ငါတောင် ဖူရွင်းကို လူကောင်းတစ်ယောက်လို့ ထင်ခဲ့တာပဲလေ"
ယိချန်ကလည်း "အတိတ်"အကြောင်း ပြန်တွေးလိုက်ပြီး "ဟုတ်သားပဲ၊ မင်းငါ့ဆီ လာလိမ့်မယ်လို့ကို မထင်ခဲ့ဘူး"
YOU ARE READING
ဇာတ်လိုက်နဲ့စေ့စပ်ပွဲပျက်ပြီးနောက် သူ့ဦးလေးနဲ့လက်ထပ်လိုက်တယ်
Romanceဖူဟန် × ယွီကျစ်ယွီ
