Unicode
ယွီကျစ်ယွီသည် ပိုင်ယွီကိုအမှားမပြုချင်သောကြောင့် ဝမ်ယွင်ချန်နဲ့ဆွေးနွေးလိုက်သည်။
"ငါတို့အချင်းချင်း မသိသလိုဟန်ဆောင်ရအောင်, ဟုတ်ပြီလား?"
ဝမ်ယွင်ချန်က ပြန်မဖြေဘဲ မျက်မှောင်ကြုတ်ကာ မေးလာ၏။
"ရှောင်ယွီ, မင်း ဒီကိုလာဖို့ ပိုက်ဆံဘယ်လောက်ပေးခဲ့ရလဲ?"
"ပိုက်ဆံလား? ငါ မြေအောက်ရထားမစီးဘူး၊ ဘတ်စ်ကားလည်းမစီးသလို taxiလည်းမစီးဘူး၊ ဘာပိုက်ဆံလဲ?"
".....''
ချင်းချီ၏အတွေးရထားပတ်လမ်းကြောင့် ဝမ်ယွင်ချန် အံ့အားသင့်သွားသည်။
[T/N - ချင်းချီ >> 清奇>>Qīng qí >> ကဗျာဆရာစတိုင်ရှိသူ၊ တတ်ကြွပြီး အံ့အားသင့်စရာကောင်းသူ၊ ကြော့ရှင်းရည်မွန်ပြီး ထူးခြားသူ လို့ အဓိပ္ပါယ်ရပါတယ်]
ယွီကျစ်ယွီက ဆက်သွားနေတုန်းပဲ။
"စတူဒီယိုက မင်းရဲ့ခရီးစရိတ်ကို ပြန်မပေးဘူးလား? အဆင်ပြေပါတယ်၊ ငါ ပြန်ပေးမယ်။ ငါက ပိုင်ယွီရဲ့ ကျောင်းသားအသစ်မို့လို့ ဆရာရဲ့ပြသနာကို ကူဖြေရှင်းပေးတာက ငါ့တာဝန်ပဲ"
ဝမ်ယွင်ချန် ဒေါသထွက်ကာ "ငတုံးလို လုပ်မနေနဲ့၊ ငါ ဘာကိုပြောနေသလဲဆိုတာ မင်းသိပါတယ်။ ဖူဟန်က လူတွေကို အကြောင်းပြချက်မရှိဘဲ မကောင်းပေးဘူး။ သူက မင်းကို ဒီလိုဆရာမျိုးနဲ့မိတ်ဆက်ပေးတယ်ဆိုတော့..ဖြစ်နိုင်တာက....."
ဝမ်ယွင်ချန် ရုတ်တရက် စကားရပ်လိုက်ပြီး ယွီကျစ်ယွီကို စိုးရိမ်စွာ ကြည့်လိုက်၏။
ယွီကျစ်ယွီ ရိုးသားစွာ မေး၏။
"ဘာဖြစ်နိုင်တာလဲ?"
ဝမ်ယွင်ချန် မမေးခင် အသက်ပြင်းပြင်းရူလိုက်ပြီး "ဖူဟန်က မင်းကို အတင်းအကြပ်ဖိအားပေးခိုင်းတာလား?"
ယွီကျစ်ယွီ အသက်ပြင်းချလိုက်ပြီး "မင်း အများကြီးစဥ်းစားနေတာပဲ၊ ဒီလိုကောင်းတဲ့အရာ ဘယ်လိုလုပ်ရှိနိုင်မှာလဲ"
ဝမ်ယွင်ချန်: ? ? ?
ယွီကျစ်ယွီတစ်ယောက် ဝမ်ယွင်ချန် ရှုတ်ထွေးသွားတာမြင်တော့ ပြုံးလိုက်ပြီး "ဘာဖြစ်လို့လဲ? ဖူလီဖန်က ဒီမှာမရှိဘူး၊ ဒါကြောင့် မင်းက ငါနဲ့ဖူဟန်ရဲ့ ကိုယ်ရေးကိုယ်တာဘဝအကြောင်း မေးဖို့ ဒီလာတာလား။ ကျစ်, မင်း တကယ် pronကြည့်ပြီး အာသာမပြေလို့လား? ဒေါင်းလုဒ်ဘယ်လိုလုပ်ရမလဲ မသိလို့လား? ဒါဆို ငါ မင်းကို URLပို့ပေးလိုက်မယ်..."
"မင်း ရူးနေလား? မင်း ဘယ်လိုလုပ် အရမ်းအရှက်မဲ့သွားရတာလဲ!"
YOU ARE READING
ဇာတ်လိုက်နဲ့စေ့စပ်ပွဲပျက်ပြီးနောက် သူ့ဦးလေးနဲ့လက်ထပ်လိုက်တယ်
Romanceဖူဟန် × ယွီကျစ်ယွီ
