Unicode
"မဟုတ်ဘူး၊ ကျွန်တော် စျေးဝယ်ထွက်မလို့၊ သူအားရင် ကျွန်တော် သူ့ကိုဝင်တွေ့လိုက်မယ်"
"အဲ့ကလမ်းမှာ လူတွေအများကြီးနဲ့။ ငါ တင်ပြဖို့လိုတယ်"
ယွီကျစ်ယွီ ကြက်သေ,သေသွားသည်။
"ကျွန်တော်က တင်ပြဖို့လိုတုန်းလား? မတိုင်ခင်က ဒီလိုမဟုတ်ဘူးလေ"
သက်တော်စောင့်ခေါင်းဆောင်က ရှင်းပြလာသည်။
"မင်းက လူအများကြီးမရှိတဲ့ ကျောင်းအနားတစ်ဝိုက်ပဲသွားလေ့ရှိတာလေ။ တုန်းဝမ့်စီရင်စုကကျ မတူဘူး။ ဒီနေ့ဆိုပိုပြီးတောင် သတိထားရဦးမယ်။ မင်း ဒီနေ့ ဖူရွင်းနဲ့ထိပ်တိုက်တွေ့ခဲ့ပြီးတော့ သူ့ကို သုန်မှုန်သွားစေတယ်လေ သူ မင်းကိုကိုင်တွယ်ဖို့ တစ်ယောက်ယောက်ကို လွှတ်ထားနိုင်တယ်။ အခုထွက်သွားတာက အန္တရာယ်ရှိတယ်"
ယွီကျစ်ယွီ ထိုအကြောင်းတွေးလိုက်ကာ ပြောလိုက်တယ်။
"ဒါဆို ကျွန်တော် လောင်ကုန်းကို ပြောလိုက်မယ်"
သက်တော်စောင့်သာပြောရင် ဖူဟန်က လုံခြုံရေးကို ထိပ်တန်းတင်ပြီး ပွဲချင်းပြီး ငြင်းလိုက်မှာပဲ။ သက်တော်စောင့်က မရုန်းကန်တော့ဘဲ လက်ခံလိုက်သည်။ သူပြောရင်လည်း ဖူဟန်က ဘွင်းဘွင်းရှင်းရှင်းငြင်းမှာပဲပင်။ ဒါပေမယ့် သူက မျက်နှာပြောင်တိုက်ပြီး ချစ်စရာကောင်းအောင် ချွဲပလဲသဲစွာ ပြုမူပြီး ဖူဟန်ကိုကျော်ဖြတ်နိုင်သေးတယ်။
"ရတယ်လေ၊ ကျွန်တော်မေးလိုက်မယ် ညီအစ်ကိုတို့ ထွက်ဖို့ အဆင်သင့်ပြင်ထားကြတော့"
သက်တော်စောင့်ခေါင်းဆောင်သည် ယွီကျစ်ယွီ၏လှည့်ကွက်ကို သိသောကြောင့် ရလဒ်အကြောင်းမမေးတော့ဘဲ ပြင်ဆင်ဖို့သွားလိုက်သည်။
ယွီကျစ်ယွီ၏ ယုံကြည်ချက်တို့ တိုးသည်ထက် တိုးလာလေသည်။ သူ ဖုန်းမခေါ်ခင် လည်ချောင်းအစိုဓာတ်ရအောင် ရေနည်းနည်း အရင်သောက်လိုက်သည်။
သုံးစက္ကန့်အတွင်းမှာပဲ ဖူဟန်ပြန်ဖြေလာသည်။
"ဘာဖြစ်လို့လဲ"
ယွီကျစ်ယွီသည် ဖူဟန်ဘေးမှ စာရွက်ရှပ်တိုက်နေတဲ့အသံကို သတိပြုမိပြီး မေးလိုက်သည်။
"ခင်ဗျား အလုပ်များနေလား"
YOU ARE READING
ဇာတ်လိုက်နဲ့စေ့စပ်ပွဲပျက်ပြီးနောက် သူ့ဦးလေးနဲ့လက်ထပ်လိုက်တယ်
Romanceဖူဟန် × ယွီကျစ်ယွီ
