Unicode
ရှန်ကျူးယွင်က အချိန်ကိုမစစ်ဆေးမီ အချိန်အကြာကြီး စကားမပြောခဲ့ပေ။
"ရှောင်ယွီ, မင်း ဘယ်အချိန် ကျောင်းသွားရမှာလဲ?"
"အို့!"
ယွီကျစ်ယွီ သတိရသွားပြီး "ဒီနေ့ နမူနာမေးခွန်းဖြေစရာရှိတယ်၊ ကျွန်တော် စောစောသွားရမယ်"
ရှန်ကျူးယွင် ခေါင်းညိတ်လိုက်ပြီး "ဖူဟန်, သူ့ကိုလိုက်ပို့ပေးလိုက်ဦး"
"အင်း"
ဖူဟန် မတ်တပ်ရပ်လိုက်ပြီး သွားဖို့ပြင်ဆင်လိုက်တယ်။
ကျောင်းသို့သွားရာလမ်းတွင်, စားသောက်ပြီးနောက် အိပ်ချင်သည့်ဒဏ်ကို ယွီကျစ်ယွီတစ်ယောက်ခံစားနေရ၏။ ထို့ကြောင့် သူ ဟာသဗီဒီယိုအတိုလေးတွေကို အပျော်ကြည့်နေလိုက်ပြီး၊ စာမေးပွဲအတွက် မည်သည့်အလောသုံးဆယ်မှမဖြစ်လေဘဲ လမ်းတစ်လျှောက်လုံး ရယ်မောနေလေသည်။
ဖူဟန် ဆက်ကြည့်နေမနိုင်တော့ဘဲ "ဘာ စာမေးပွဲလဲ"
"CET- 4, အဲ့တာက တရားဝင်စာမေးပွဲမဟုတ်ဘူး။ အတန်းတစ်ခုချင်းစီက အင်္ဂလိပ်ဆရာမတွေ စီစဥ်ထားတဲ့ နမူနာမေးခွန်းပုံစံပဲ။ ကျွန်တော်ထင်တာတော့ ကျောင်းက ကျွန်တော်တို့ကို စာမေးပွဲမကြာခင် လာတော့မှာဖြစ်ပြီး ပြန်လည်ဆန်းစစ်ဖို့ အချိန်ရောက်ပြီဆိုတာကို သတိပေးချင်တာဖြစ်မယ်"
"မင်း ပိုင်ယွီရဲ့အတန်းကို ဖျက်သိမ်းပြီးတော့ ရီဗျူးကိုပဲ အာရုံစိုက်ထားဖို့လိုလား?"
"မလိုပါဘူး၊ ဒါက level- 4 လေးပါပဲ။ ကျွန်တော် အောင်နိုင်ပါတယ်"
ယွီကျစ်ယွီက တကယ်ကို ယုံကြည်မှုရှိတယ်။ သူ ကူးပြောင်းလာပြီးတဲ့နေ့တွေအပါအဝင် တက္ကသိုလ်ဝင်ခွင့် စာမေးပွဲမတိုင် လေးလပဲရှိသေးတယ်။ သူ၏ အင်္ဂလိပ်စာ levelသည် အနည်းငယ် ကျဆင်းသွားသော်လည်း level- 4 စာမေးပွဲကို ကိုင်တွယ်ရန် လုံလောက်သည်ထက်ပိုနေပါသည်။
ဖူဟန်သည် level- 4 မျှသာ ဖြစ်ကြောင်း သိလိုက်ရသောအခါ အလေးအနက်မထားတော့ဘဲ "ကောင်းပြီ၊ ဆက်လုပ်ထား"
စကားလုံးအချို့ဖလှယ်ပြီးနောက် ယွီကျစ်ယွီတစ်ယောက် အိပ်မငိုက်တော့ပေ။ ဖူဟန်က ဗီဒီယိုအတိုလေးတွေထက် ပိုလန်းဆန်းစေတာကို သူတွေ့လိုက်ရတော့ အနားကိုတိုးကပ်သွားပြီး ပြောလိုက်တယ်။
"လောင်ကုန်း, ကျွန်တော့်ကို အားပေးအနမ်းလေး မပေးချင်ဘူးလား"
YOU ARE READING
ဇာတ်လိုက်နဲ့စေ့စပ်ပွဲပျက်ပြီးနောက် သူ့ဦးလေးနဲ့လက်ထပ်လိုက်တယ်
Romanceဖူဟန် × ယွီကျစ်ယွီ
