ဇာတ်လိုက်နဲ့စေ့စပ်ပွဲပျက်ပြီးနောက် သူ့ဦးလေးနဲ့လက်ထပ်လိုက်တယ်

Ep - 89

Unicode

ယွီကျစ်ယွီဟာ တောက်ပတဲ့အရောင်ရှိတဲ့ကွတ်ကီးအိတ်ထုပ်ကို ကောက်ယူလိုက်ကာ သွားဖြင့်ကိုက်ဖွင့်လိုက်သည်။

သူ၏လှုပ်ရှားမှုများသည် ပြေပြစ်ချောမွတ်ပြီး ကျွမ်းကျင်မှုရှိလှသည်။ ကံမကောင်းစွာပဲ၊ ကွက်ကီးထုတ်ပိုးမှုက ထူလွန်းနေသဖြင့် ပုံပန်းပျက်သွားသော်လည်း မဖောက်နိုင်ပေ။

ဖူဟန်က မူလကလက်လွှတ်လိုက်ချင်ပေမယ့် ထိုသို့မြင်ရတော့ ရပ်တန့်သွားတော့သည်။ သွားတဖြဲဖြဲဖြင့် ယွီကျစ်ယွီတစ်ယောက် ကွတ်ကီးတစ်ထုပ်နဲ့  တိုင်ပတ်နေတာကို ပြုံးပြုံးလေးကြည့်နေလိုက်၏။

ယွီကျစ်ယွီက ထောင့်ပြောင်းပြီးကိုက်တော့မလို့ပင်။ ဒါပေမယ့် သူ ဖူဟန်ကိုကြည့်လိုက်တော့ ရယ်နေတာကိုတွေ့လိုက်ရသည်။ သူ မပျော်မရွှင်ဖြစ်သွားပြီး ကွတ်ကီးထုပ်ပေါ် အပေါက်ကြီးတစ်ခုဖြစ်အောင် ဖြဲဖို့ သူ့ရဲ့ခွန်အားရှိသမျှကိုအသုံးပြုလိုက်သည်။
"ခင်ဗျား ဘာရယ်နေတာလဲ! ဒီမှာ မပွင့်လို့လားပြော!"

သူ စကားပြောနေရင်း တတ်နိုင်သမျှ ကွတ်ကီးနဲ့အတူပါးစပ်ကိုပါ ရှေ့သို့ဆန့်ထုတ်ကာ ဖူဟန်အနားတိုးသွားရင်း သူ့ရဲ့ ကြီးကျယ်ခမ်းနားသော အောင်မြင်မှုကြီးဖြစ်သော 'ပါးစပ်ဗလာနဲ့ကိုက်ဖွင့်ထားသော ကွတ်ကီး'ကို ကြွားဝါနေခဲ့၏။

ဖူဟန်က ဘာမှပြန်မပြောလေဘဲ အထုပ်ထဲက ကွတ်ကီးပိုင်းလေးကိုထုတ်ယူလိုက်တယ်။

ယွီကျစ်ယွီသည် ကွတ်ကီးထုပ်ကို အမြန်ပြန်ဆွဲယူကာ "ကျွန်တော် ခင်ဗျားကိုစားခွင့်မပေးဘူး"

သို့ပေသိ, ဖူဟန်ကတော့ဖြင့် ကွတ်ကီးကိုယူနှင့်နေပြီးကာ ထောင့်ပိုင်းမှဖဲ့ယူလိုက်ပြီး ယွီကျစ်ယွီ၏ဒေါသတကြီး အကြည့်အောက်မှာပင် ခွံ့ကျွေးလိုက်၏။
"စားပါ"

"ဒါမှ ပိုကောင်းတာ"
ယွီကျစ်ယွီ ခံစားချက်တွေပိုကောင်းမွန်လာပြီး ဖူဟန်ကျွေးတဲ့ ကွတ်ကီးတွေကို စားလိုက်သည်။

ဖူဟန်က အတော်လေး ဂရုတစိုက်ရှိလှ၏။ သူက အအေးတစ်ပုလင်းကိုယူပြီး အဖုံးကိုလှည့်ဖွင့်လိုက်သည်။