Unicode
"အဲ့ဒီလမ်းကျဉ်းလေးက ထွက်ပေါက်တစ်ခုပဲရှိတယ်။ ငါ လိုက်သွားတဲ့အချိန်မှာ ကားအိတ်ဇောနံ့ကိုပဲ ရတယ်။ ဘာမှမမြင်ရဘူး။ ငါ့ကို အဲ့ဒါတွေ ပြန်မတွေးခိုင်းနဲ့တော့၊ ငါ ဒီအကြောင်း အိမ်မက်ဆိုး မက်တတ်လို့ ငါအာမခံနိုင်တယ်။ ဒါတွေပဲ ငါမှတ်မိတဲ့ဟာတွေဆိုတာ လုံးဝ သေချာတယ်"
ယွီကျစ်ယွီက တခြားနေရာကနေ စတိုက်ခိုက်တော့သည်။
"အားတိကရော ဘယ်မှာလဲ"
"သူ ဘာမှမသိဘူး။ မတော်တဆမှု မဖြစ်ခင်ကတည်းက သူ အိမ်မှာ သိပ်မနေဘူး၊ တစ်ပတ်တစ်ခါ သူ့အမေနဲ့ တွေ့ရင်တောင် တော်တော်ကံကောင်းနေပြီ။ သူ့အမေ ပျောက်တာ ရက်အတော်ကြာပြီကိုတောင် သူ သတိမထားမိဘူး။ သူ့အမေ ပျောက်ဆုံးနေတာကို လုပ်ဖော်ကိုင်ဖက်တွေက ရှာတွေ့ခဲ့တာ"
ယွီကျစ်ယွီ စိတ်ပျက်လက်ပျက်ဖြင့် ဖူဟန်ကို ကြည့်လိုက်မိသည်။
ဖူဟန်က သူ့ခေါင်းလေးကို ပွတ်ပေးပြီး "ရပါတယ်၊ တခြားနည်းလမ်းတွေ ရှိပါသေးတယ်ကွာ"
ယွီကျစ်ယွီက ယုံကြည်မှု မရှိတော့ပေ။
"ဘယ်လိုနည်းလမ်းတွေလဲ။ ကျွန်တော် အခုပဲ ကြည့်လိုက်တာ နုန်ကျန်းဖန်ကနေ သံမဏိစက်ရုံအထိ ၂၃ ကီလိုမီတာရှိတယ်။ လမ်းမှာ ကင်မရာတွေ အများကြီးပဲ။ အလောင်းကို ဘယ်အချိန် သယ်သွားလဲဆိုတာ ကျွန်တော်တို့ မသေချာဘူး။ ကင်မရာ မှတ်တမ်းတွေ ရှာရင်လည်း ပင်လယ်ထဲမှာ အပ်ပျောက်ရှာသလိုပဲ ဖြစ်နေလိမ့်မယ်"
ယိချန် အကြံပေးလိုက်သည်။
"ငါ အိပ်မွေ့ချကုထုံး သွားရှာရင်ရော"
ယွီကျစ်ယွီ အံ့သြသွား၏။
"မင်း ဒါကို မယုံဘူး မဟုတ်လား"
"စမ်းကြည့်တာလည်း ဘာမှ မဖြစ်ပါဘူး"
ယိချန်ဟာ ယွီကျစ်ယွီနဲ့ ခဏစကားပြောဆိုပြီးနောက် မျှော်လင့်ချက်ရှိတဲ့ ခံစားချက်လေးကို ကြုံတွေ့လိုက်ရပြီး လက်လျှော့ဖို့ကို မလိုလားတော့ပေ။ ထို့ကြောင့် သူ နည်းလမ်းအားလုံးကို စမ်းသပ်ချင်နေသည်။
"အဲ့ဒါဆို ကျွန်တော် ရှာကြည့်လိုက်မယ်..."
"မဖြစ်ဘူး"
ဖူဟန် မျက်မှောင်ကြုတ်လိုက်ပြီး "ဖူရွင်းက မင်းကို စိတ်ကျန်းမာရေးမကောင်းဘူးလို့ စွပ်စွဲနိုင်ပြီး မင်းရဲ့ သက်သေထွက်ဆိုချက်ကိုလည်း ယုံကြည်လို့ မရတော့ဘူးလို့ ပြောလိမ့်မယ်"
YOU ARE READING
ဇာတ်လိုက်နဲ့စေ့စပ်ပွဲပျက်ပြီးနောက် သူ့ဦးလေးနဲ့လက်ထပ်လိုက်တယ်
Romanceဖူဟန် × ယွီကျစ်ယွီ
