Unicode
"ကိုယ် အခုလည်း ဒီလိုပဲ ပြောချင်နေသေးတယ်"
"ဒါဆို ခင်ဗျား ခုနက...."
ဖူဟန် မျက်မှောင်ကြုတ်လိုက်ပြီး အလေးအနက် ဆိုလိုက်သည်။
"မင်းကို ကိုယ်တစ်ယောက်တည်းကပဲ အပြစ်ပြောပိုင်ခွင့်ရှိတယ်"
ယွီကျစ်ယွီရဲ့အပြုံးက ပြန်ပြီး မှိန်ဖျော့သွားလေသည်။ သူ ကြက်ပေါင်တစ်ချောင်းကိုကောက်ယူကာ ဖူဟန်လို့ သဘောထားပြီး ကိုက်ဝါးလိုက်သည်: ဒါက ဘယ်လို ထူးဆန်းတဲ့ ပိုင်ဆိုင်မှုမျိုးကြီးလဲ? ဗီလိန်တွေက ဒီလိုပဲ ချစ်ကြတာလား?
၁၅ မိနစ်ကြာတော့ ဆိုင်ပိုင်ရှင်က လူနေရာရှင်းပြီး ဓာတ်ပုံရိုက်ဖို့ လာခေါ်လေသည်။
ယွီကျစ်ယွီက စိတ်အားထက်သန်စွာ ဟိုဟိုဒီဒီ လှည့်ကြည့်ရင်း ဓာတ်ပုံနံရံကိုတွေ့လိုက်ရသည်။ သူ ခဏရပ်ပြီး ကြည့်လိုက်၏။
"ဓာတ်ပုံရိုက်ကြတဲ့လူတွေက အများကြီးပဲရော်။ တစ်ယောက်တည်းရိုက်ထားတာရော၊ အုပ်စုနဲ့ရိုက်ထားတာရော ရှိတယ်"
ဖူဟန်လည်း လျှောက်လာပြီး ကြည့်လိုက်သည်။ သို့ပေမယ့် သူကြည့်နေတာက ဓာတ်ပုံနံရံမဟုတ်ဘဲ မျက်လုံးလေးတွေ တောက်ပနေအောင် ပြုံးနေသည့် ယွီကျစ်ယွီကိုပင်။
"မင်း ဓာတ်ပုံရိုက်ထားခဲ့ချင်လား?"
"မထားချင်ဘူး"
ယွီကျစ်ယွီသည် အပေါ်ဘက်က ဓာတ်ပုံတန်းကို လက်ညှိုးထိုးပြလိုက်သည်။
"အဲဒီမှာ ဖူလီဖန် ရှိနေတာတယ်၊ ကျွန်တော် ဓာတ်ပုံထားခဲ့မှာ မဟုတ်ဘူး"
ဖူဟန် လှမ်းကြည့်လိုက်တော့ တကယ်ပဲ ဖူလီဖန်ရဲ့ ဓာတ်ပုံတွေဖြစ်နေတာကို တွေ့လိုက်ရသည်။
ဖူလီဖန်က ဓာတ်ပုံ ၈ ပုံ ရိုက်ထားတယ်။ အဝတ်အစားမတူ၊ ပုံစံမတူပေမယ့် တစ်ယောက်တည်းပုံတွေချည်းပဲ။ နောက်ဆုံးပုံက စေ့စပ်ပွဲကနေ ထွက်ပြေးပြီးမကြာခင် ရိုက်ထားတဲ့ပုံဖြစ်နေသည်။
ယွီကျစ်ယွီ စပ်စုလိုက်သည်။
"သူ ဝမ်ယွင်ချန်နဲ့အတူတူ မလာဘူးလား?"
"အော်၊ ဒီလူလား"
မန်နေဂျာက သူ့ဘာသာ ဝင်ပြောလာခဲ့သည်။
"သူ အရင်က တစ်ယောက်တည်းလာတာ မဟုတ်ပါဘူး။ ဒါပေမယ့် တစ်ယောက်တည်းပုံတွေချည်း ရိုက်သွားတယ်"
YOU ARE READING
ဇာတ်လိုက်နဲ့စေ့စပ်ပွဲပျက်ပြီးနောက် သူ့ဦးလေးနဲ့လက်ထပ်လိုက်တယ်
Romanceဖူဟန် × ယွီကျစ်ယွီ
