Unicode
ယွီကျစ်ယွီ တံခါးခေါက်သံကြားတော့ သူ အလုပ်ရှုတ်နေခဲ့တယ်။ သူ ခေါင်းထောင်လိုက်ကာ ဖူဟန်ကိုမြင်တာနဲ့ ချက်ချင်း ပြုံးပြပြီး "လောင်ကုန်း! ကျွန်တော် ရွှေ့လို့ပြီးပြီ"
"အင်း"
ဖူဟန်က သူ့လက်ထဲက ဖုန်းကို မြှောက်လိုက်ပြီး "အန်တီက နေ့လည်စာ အတူတူစားမယ်တဲ့"
"ကောင်းပြီ၊ ကျွန်တော် မနေ့ကမစားရဘူးဆိုတော့ ဒီနေ့အလျော်ပြန်ပေးရမယ်လေ။ ဘယ်မှာသွားစားကြမလဲ?"
"အိမ်မှာပဲ၊ အန်တီ ချက်ထားတယ်"
ယွီကျစ်ယွီတစ်ယောက် ဒါလည်းမဆိုးပါဘူးဟု တွေးလိုက်ပြီး "ကောင်းပြီလေ၊ ကျွန်တော် အိမ်လက်ရာကို မစားရတာတောင်ကြာပြီ"
ဖူဟန်က အနားကပ်လာပြီး သူ စားပွဲပေါ်နေရာချထားသော ဓာတ်ပုံရိုက်ခြင်းနှင့်သက်ဆိုင်တဲ့ပစ္စည်းကိရိယာတွေကို ကြည့်ကာ "မင်း photography(ဓာတ်ပုံပညာ) ကို တကယ် မလေ့လာဖူးဘူးလား?"
"ကျွန်တော် ဗီဒီယိုတွေ ကြည့်ပြီးတော့ သင်ယူထားတာ...ပြီးခဲ့တဲ့အကြိမ်တုန်းက ကျောင်းထုတ်သတင်းစာကနေ နည်းနည်းသင်ယူခဲ့သေးတယ်"
"အဲ့မတိုင်ခင်ကကော?"
ဒါဆို အတိတ်ဘဝနဲ့ပတ်သက်တဲ့ အကြောင်းအရာတွေကို ပြန်ပြီးပြောကြရအောင်။
ယွီကျစ်ယွီက ကြီးကြီးမားမားမဟုတ်ဘူးလို့ ထင်တဲ့အတွက်ကြောင့် လိမ်ဖို့ အလုပ်ရှုတ်မခံတော့ပေ။
"ဟင့်အင်း။ ဒီလို အခြေအနေမျိုးတွေ ကျွန်တော့်မှာ ဘယ်လိုလုပ်ရှိနိုင်မလဲ? ဓာတ်ပုံပညာနဲ့ကစားဖို့က အရမ်းစျေးကြီးတယ်။ ကျွန်တော် ရခဲ့တဲ့ ပထမဆုံးကင်မရာက တခြားသူတွေရဲ့ ဖယ်ရှားခံလိုက်ရပြီးတော့ ရိုက်ထားတဲ့ပုံအများစုကလည်း အဘွားပုံတွေချည်းပဲ။ အဘွားက သူမက အသက်ကြီးနေပြီမို့ ကြည့်မကောင်းတော့ဘူးလို့ အမြဲပြောတာကြောင့် ကျွန်တော် ဓာတ်ပုံရိုက်ပြီးတော့ သူမကိုပြချင်တာ"
ယွီကျစ်ယွီ သူ့အဘွားအကြောင်းပြောချိန်တွင် သူ့အသံသည် အနည်းငယ်ပျော့ပျောင်းလာသည်။
YOU ARE READING
ဇာတ်လိုက်နဲ့စေ့စပ်ပွဲပျက်ပြီးနောက် သူ့ဦးလေးနဲ့လက်ထပ်လိုက်တယ်
Romanceဖူဟန် × ယွီကျစ်ယွီ
