Unicode
"မင်း ဘာလို့ ဒီကိုပြေးလာတာလဲ?"
"ခင်ဗျားကို လွမ်းလို့"
ယွီကျစ်ယွီ စပြီးချွဲသဲသဲပြုမူတော့သည်။
"ခင်ဗျား အိပ်နေပြီလား"
ဖူဟန် ရယ်မောလိုက်ကာ "မင်း အခန်းတံခါးဖွင့်နေတုန်း ကိုယ်နိုးတာတာ"
"တကယ်ကြီး? "
ယွီကျစ်ယွီ ပဟေဠိဖြစ်သွားတယ်။
"ကျွန်တော် အသံအဲ့လောက်မကျယ်ပါဘူး"
"မနက်အစောကြီးမှာ တံခါးဖွင့်တာနဲ့ system alarmက နှိုးပေးလိမ့်မယ်"
ယွီကျစ်ယွီသည် သူ တကယ်ကို နောက်ကျနေပြီဆိုတာ သိသောကြောင့် တိီးတိုးဆိုလိုက်သည်။
"ခင်ဗျားကို နှိုးမိတဲ့အတွက် တောင်းပန်ပါတယ်"
ဖူဟန်က "ခင်ဗျားကိုလွမ်းလို့" ဆိုတဲ့ ချိုမြိန်တဲ့စကားလေးနဲ့ အရူးအလုပ်မခံပေ။ ဒါကြောင့် သူထပ်မေးလိုက်၏။
"မင်း ဘာလို့ ဒီကိုလာတာလဲ"
ယွီကျစ်ယွီ အမှန်တိုင်းပြောလိုက်တယ်။
"ကျွန်တော် အိမ်မက်ဆိုးမက်လို့၊ အရမ်း ကြောက်စရာကြီးမက်တာ"
ဖူဟန်သည် နှစ်သိမ့်မှုမရှိသော်လည်း အလွန်းအမင်း ကျိုးကြောင်းဆက်စပ်သော အာမခံချက်ပေးလာသည်။
"အိမ်မက်တွေက တကယ်မဟုတ်ဘူး။ ကြောက်ဖို့မလိုပါဘူး"
"ဒါပေမယ့် ကျွန်တော်ကြောက်တယ်လေ။ ကျွန်တော် ဒီည ခင်ဗျားနဲ့အတူအိပ်လို့ရမလား?"
ယွီကျစ်ယွီ ဖူဟန်ကို စိတ်အားထက်သန်စွာ ကြည့်လိုက်သည်။ သူက မျက်မှောင်ခပ်ရေးရေးကြုတ်ကာ နှုတ်ခမ်းကိုက်ထားရင်း စိတ်အထိခိုက်ဆုံးသော အမူအရာကို တပ်ဆင်ထားပြီး သနားချင့်စဖွယ်အမူအရာမျိုး ရှိနေခဲ့သည်။
ဖူဟန် ရယ်မောကာ ဆိုလိုက်ချေသည်။
"မင်းမျက်နှာက တွန့်ရှုံ့နေတာပဲ၊ တကယ်ကြောက်နေပုံပဲနော်"
"တွန့်ရှုံ့နေတယ်?"
ယွီကျစ်ယွီ မပျော်ရွှင်တော့ဘူး။
"ကျွန်တော်က ချစ်စရာကောင်းနေတာပါနော်။ ချစ်စရာမကောင်းဘူးလား"
ဖူဟန်က ပြန်မဖြေလေဘဲ "အခန်းထဲဝင်"
"ကောင်းပြီ!"
ယွီကျစ်ယွီသည် ချစ်စရာကောင်းအောင်ပြုမူခန်း ကျရှုံးသွားတဲ့အချက်ကို လျစ်လျူရှုပစ်လိုက်ပြီး အခန်းထဲပြေးဝင်သွားလိုက်သည်။ နူးညံ့တဲ့အိပ်ယာကြီးကိုတွေ့တာနဲ့ သူ အိမ်စီးဖိနပ်ကို ရောက်ရာပေါက်ရာ ကန်ချွတ်ပစ်လိုက်ပြီး အိပ်ယာပေါ်ခုန်အုပ်ပလိုက်လေသည်။
YOU ARE READING
ဇာတ်လိုက်နဲ့စေ့စပ်ပွဲပျက်ပြီးနောက် သူ့ဦးလေးနဲ့လက်ထပ်လိုက်တယ်
Romanceဖူဟန် × ယွီကျစ်ယွီ
