Unicode
ယွီကျစ်ယွီ မုန့်ဝယ်ကျွေးမည်ဟု ကမ်းလှမ်းလိုက်ခြင်းသည် ဟယ်လီယာရဲ့ပါးစပ်ကို ပိတ်စေရုံသာ မဟုတ်ရပါ။ သူ တခြားသူတွေကိုလည်း လျော်ကြေးပေးချင်သည်။ လမ်းတစ်လျှောက်လုံး သက်တော်စောင့်တွေခေါ်ဆောင်လာပြီး သရေစာမုန့်လေးဝယ်ချင်ရုံနဲ့ တခြားသူတွေကိုပါအနားကပ်ခွင့်မပေးတာက အရမ်းအနှောင့်အယှက်ပေးလှသည်။
သူ စကားကိုပျံ့နှံ့စေလိုက်ပြီး snack bar ပိုင်ရှင်ကို တွက်ခိုင်းလိုက်၏။
"ကျွန်တော့်ရဲ့.....ကျွန်တော့်လောင်ကုန်းရဲ့အကောင့်ထဲထည့်ထားလိုက်"
ကြွားဝါပြီးနောက်မှ သူ ဖူဟန်၏ငွေကို သုံးစွဲနေခြင်းဖြစ်ကြောင်း သတိရလိုက်သည်။ သူ တန်းစီနေသော လူတန်းကြီးကိုကြည့်ပြီး ခိုက်ခိုက်တုန်သွားရ၏: ဒီနှုန်းနဲ့ဆို ဖူဟန် ပိုက်ဆံတွေအများကြီး သုံးရလိမ့်မယ်။
ယွီကျစ်ယွီတစ်ယောက် အပြစ်ရှိစိတ်နဲ့အတူ လှမ်းကြည့်လိုက်သည်။
"လောင်ကုန်း, ခင်ဗျားရဲ့ငွေတွေဖြုန်းလိုက်ပြီ"
"အဆင်ပြေပါတယ်"
ဖူဟန် သူ့ခေါင်းလေးကို ထိလိုက်တယ်။
ယွီကျစ်ယွီ ထိုသူ့ကို ပွေ့ဖက်လိုက်ပြီး "ဝိုး ခင်ဗျားက အရမ်းကောင်းတာပဲ"
ဖူဟန်က သူ့ကျောကိုတင်းတင်းကြပ်ကြပ် ဖက်လာကာ သူ့နားထဲတွင် ရက်စက်သောစကားတစ်ချို့ကို တီးတိုးပြောလာလေတယ်။
"မင်းစားသလောက် သူတို့မစားပါဘူး"
".....''
ယွီကျစ်ယွီ ခေါင်းထောင်လိုက်ပြီး မကျေမနပ်နဲ့ဖူဟန်ကို ကြည့်လိုက်တယ်။
ဖူဟန် ရယ်လိုက်ကာ ယွီကျစ်ယွီရဲ့ဆံပင်တွေကိုဖွလိုက်၏။
"ဟွန့်"
ယွီကျစ်ယွီ မပျော်မရွှင်ဖြင့် သူ့လက်ကို လွှတ်လိုက်ပြီး ထွက်သွားလိုက်သည်ပင်။
"ကျွန်တော် ခင်ဗျားကို လျစ်လျူရှုလိုက်ပြီ။ သူဌေးကိုပဲ သွားကူညီပေးတော့မယ်~"
ဖူဟန်သည် ယွီကျစ်ယွီရဲ့ ရွှင်မြူးနေတဲ့ကျောပြင်လေးကိုကြည့်ပြီး သူ့ကိုမတားတော့ပေ။ သက်တော်စောင့်ကိုသာ သူ့နောက်ကို လိုက်ဖို့ပြောလိုက်တယ်။ ထို့နောက် သူ ဘေးဘက်ကိုလျှောက်သွားလိုက်ပြီး စုံစမ်းတာ တိုးတတ်မှုရှိ၊မရှိ လော့ခိုင်ကို မေးလိုက်တယ်။
"ဘယ်လိုဖြစ်သွားပြီလဲ"
YOU ARE READING
ဇာတ်လိုက်နဲ့စေ့စပ်ပွဲပျက်ပြီးနောက် သူ့ဦးလေးနဲ့လက်ထပ်လိုက်တယ်
Romanceဖူဟန် × ယွီကျစ်ယွီ
