Unicode
ယွီကျစ်ယွီ၏ စားတတ်တဲ့အကျင့်ကို တွေးပြီး ဖူဟန် ကြိုတင်သတိပေးလိုက်သည်။
"စားစရာတွေမဝယ်ပေးနဲ့"
"ဒါပေါ့, စားစရာတွေက ခဏလေးနဲ့ ကုန်သွားတယ်လေ။ သုံးစရာပစ္စည်းကတော့ အကြာကြီးသိမ်းထားလို့ရတယ်။ ကျွန်တော် အန်တီအတွက်လည်း ဝယ်ပေးရမယ်။ အန်တီက ရင်ထိုးကြိုက်တယ်၊ ဒါပေမဲ့ ရင်ထိုးက အရမ်းဈေးကြီးတာ။ ကျွန်တော့်မှာ လုံလုံလောက်လောက် ပိုက်ဆံမရှိဘူး"
ယွီကျစ်ယွီ၏ တောင်ရောက်မြောက်ရောက် ပြောနေပုံကို နားထောင်ရင်း ဖူဟန်သည် ဒီယွမ်ထောင်ဂဏန်းနည်းနည်းလေးက အရမ်းအရေးပါသည်ဟု ရုတ်တရက် ခံစားလိုက်ရသည် - ဒါက လေအိုးလေး ပထမဆုံးရှာနိုင်တဲ့ ပိုက်ဆံပဲ။ လေအိုးလေး ပိုက်ဆံရတော့ ပထမဆုံးလုပ်ချင်တာက သူ့အတွက် လက်ဆောင်ဝယ်ပေးဖို့တဲ့လေ။
လေအိုးလေးကို အများဆုံးဆုငွေနဲ့ အနိုင်ရအောင် ဘယ်လိုလုပ်ပေးရမလဲ? ဖူဟန်က အတွင်းလူ စီမံတာကို တွေးမိပြီး ပိုင်ယွီကို မက်ဆေ့ခ်ျပို့ပြီး မေးလိုက်သည်။
ပိုင်ယွီ- [ပထမဆုံးဆုကတော့ သူ့ကို ရိုးရိုးသားသားပဲ ယူခိုင်းလိုက်ပါ။ သူ့လက်ရာက ဆုရဖို့ မျှော်လင့်ချက်ရှိပါတယ်]
ဖူဟန်- [သူ့လက်ရာက ဘယ်လိုပုံလဲ?]
ပိုင်ယွီက ပုံတစ်ပုံ ပို့လာသည်။
ပုံက လက်ဖက်ရည်သောက်နေတဲ့ အဘွားအိုတစ်ယောက်ပုံပင်။ အဘွားအိုက တိုက်ရှည်ကြီးတွေကို နောက်ခံထားကာ ထိုင်နေပြီး ယပ်တောင်ခတ်ရင်းဖြင့် ရေဒီယိုနားထောင်နေတာဖြစ်သည်။ သူမပုံက တော်တော်လေး နှစ်လိုဖွယ် ကောင်းလှသည်။
ဖူဟန်က ဓာတ်ပုံအကြောင်း နားမလည်ပေမဲ့ ဓာတ်ပုံပြပွဲတချို့ကိုတော့ ကြည့်ဖူးတယ်။ ဒီဓာတ်ပုံက တော်တော်လေး စိတ်ဝင်စားစရာကောင်းပြီး အဟုတ်ကို ဆုရတဲ့လက်ရာတွေနဲ့ ယှဉ်ပြိုင်နိုင်သည်။
ပိုင်ယွီလို ပြင်ပလူတောင်မှ ယွီကျစ်ယွီ ဆုရနိုင်မယ်လို့ အရမ်းယုံကြည်နေတာကို သူကတော့ဖြင့်.....
ဖူဟန်က သူပြောခဲ့တဲ့ ပထမဆုံးစကားကို ပြန်တွေးမိပြီး အပြစ်ရှိစိတ်လေးဝင်သွားသည်။
YOU ARE READING
ဇာတ်လိုက်နဲ့စေ့စပ်ပွဲပျက်ပြီးနောက် သူ့ဦးလေးနဲ့လက်ထပ်လိုက်တယ်
Romanceဖူဟန် × ယွီကျစ်ယွီ
