Unicode
ဖူဟန်သည် လည်ပင်းညှစ်ခံလိုက်ရပေမယ့် အရမ်းစိတ်လှုပ်ရှားနေတဲ့ ယွီကျစ်ယွီကြောင့် ခဏမျှ သူ အောင့်အီးထားလိုက်သည်။ ခဏအကြာတွင်တော့ ယွီကျစ်ယွီမှာ လက်လွှတ်ဖို့အစ်ီအစဥ်မရှိကြောင်း သဘောပေါက်သွားသဖြင့် သူ့အဝတ်အစားထဲသို့ ညင်သာစွာ လက်လျှိုဝင်လိုက်ကာ ဆွဲဆိတ်လိုက်သည်။
ထိုနေရာက ယားတတ်သောနေရာထပ်ဖြစ်ပြန်သဖြင့် ယွီကျစ်ယွီ တုန်တုန်ရီရီနဲ့ လက်လွှတ်လိုက်မိသည်။ သူက မကျေမနပ်နဲ့ လှမ်းကြည့်ရင်း "ခင်ဗျား ကျွန်တော့်ကို မဖက်ချင်ဘူးပေါ့လေ?"
"တော်တော်ကြာနေပြီကို"
ဖူဟန် စားပွဲခုံကိုခေါက်လိုက်ရင်း "ကိုယ့်အိမ်စာ ကိုယ်လုပ်တော့"
"ကျွန်တော့်မှာအိမ်စာမရှိဘူး။ ကျွန်တော် အန်တီကို ဒီအတိုင်းအလွယ်ပြောလိုက်တာ"
"ဒါဆို Level 4 မေးခွန်းစာရွက်ကို လုပ်"
ဖူဟန်က ယွီကျစ်ယွီကို ထခွင့်မပေးပေ။ သူက သူ့ကိုချီမရင်း မတ်တပ်ရပ်လိုက်သည်။
ယွီကျစ်ယွီ လေပေါ်ပျံသွားသလို ထပ်ခံစားလိုက်ရပြီး အလွန်ထိတ်လန့်သွားခဲ့သည်။ balanceထိန်းဖို့ သူ့ကို အလိုလို ပွေ့ဖက်လိုက်မိပေမယ့် သူအောက်ပြန်ကျသွားခဲ့ပြီး ထိုင်ခုံပေါ်မှာထိုင်နေတဲ့ သူ့ကိုယ်သူ ပြန်တွေ့လိုက်ရသည်။
ဖူဟန်က ထိုင်ခုံကို စားပွဲခုံဘက်လှည့်လိုက်ကာ ဆိုလိုက်သည်။
"ရေး"
ယွီကျစ်ယွီ ပဟေဠိဖြစ်သွားလေတယ်။
"ခင်ဗျား ဘာလို့ ကျွန်တော် စာလေ့လာတာနဲ့ပတ်သတ်ပြီး အရမ်းစိတ်ဝင်တစား ဖြစ်နေရတာတုန်း?"
"မင်းကကျောင်းသားလေ၊ မင်း လေ့လာသင့်တယ်"
ယွီကျစ်ယွီ လှမ်းကြည့်လိုက်တော့ တကယ်ကို လေးနက်နေတဲ့ ဖူဟန်ကို တွေ့လိုက်ရသည်။ ပူပန်နေတဲ့ မိဘရုပ်နဲ့ တရုပ်ထဲပင်။
ဒါက နားလည်ပေးလို့ရပါတယ်လေ။ ဖူဟန်က ငယ်စဥ်ကလေးဘဝထဲက ထူးခြားသော self-controlရှိတဲ့ ထိပ်တန်းကျောင်းသားပင်။ သူက တက္ကသိုလ်မှာ အချိန်ဖြုန်းနေတာတို့၊ စာမေးပွဲနားနီးမှ အတင်းသွပ်ထည့်တာတို့၊ အောင်ရုံနဲ့တင်လုံလောက်ပြီဟုတွေးနေတာတို့ကို မယုံကြည်ပေ။ သူ့အတွက်ကတော့ CET- 4 ကျော်ဖြတ်နိုင်တာနဲ့တင် လုံလောက်တယ်ဆိုရင်၊ ဖူဟန်အတွက်ကတော့ အကောင်းဆုံးလုပ်နိုင်မှာ သေချာသလောက်ပင်။
YOU ARE READING
ဇာတ်လိုက်နဲ့စေ့စပ်ပွဲပျက်ပြီးနောက် သူ့ဦးလေးနဲ့လက်ထပ်လိုက်တယ်
Romanceဖူဟန် × ယွီကျစ်ယွီ
