Unicode
ယိချန်က မျက်လုံးလှိမ့်လိုက်ပြီး "ငါ စောင့်ကြည့်ကင်မရာကို ကြည့်ပြီးပြီ။ မင်းတို့မှန်းသိလို့သာ ဂရုမစိုက်တာ"
"ဪ ဒါဆို မင်းက ငါတို့ကို တော်တော်ယုံကြည်တာပေါ့နော်"
"....."
ယိချန်ဟာ ပြုံးနေတဲ့ ယွီကျစ်ယွီကို ကြည့်ပြီး ဘာပြောရမှန်း မသိတော့ပေ။
ဖူဟန် ယွီကျစ်ယွီအတွက် ကုလားထိုင်တစ်လုံး ဆွဲယူပေးလိုက်ပြီး "ထိုင်"
"ကျေးဇူးပါနော် လောင်ကုန်း!"
ယွီကျစ်ယွီ ငွေရှင်းကောင်တာဘေးနားမှာ ဝင်ထိုင်လိုက်ပြီး "နိုးပြီလား။ မင်း နိုးပြီဆိုရင် ငါ စမေးတော့မယ်နော်"
ယိချန်က စိတ်မရှည်တော့ပေ။
"မေး"
"ပြီးခဲ့တဲ့တစ်ခေါက်တုန်းက မင်း အလောင်းသယ်တဲ့ကားအကြောင်းပဲ ပြောခဲ့တာလေ။ သယ်တဲ့လူအကြောင်း မပြောခဲ့ဘူး။ သူက ဘယ်လိုလူမျိုးလဲ။ ဘယ်လိုပုံစံလဲ"
"မင်းက အဲ့ဒီရဲကိုကူပြီး မေးခွန်းထုတ်ပေးနေတာလား"
ယွီကျစ်ယွီက အဖော်ခံရလည်း မကြောက်သွား။ ဖောက်ထွင်းမြင်ခံလိုက်ရတောင် သူ ပြုံးနေတုန်းပင်။
"ဟုတ်တယ်"
"ဖုံးဖိဖို့တောင် မကြိုးစားတော့ဘူးလား"
ယိချန်က အထင်အမြင်သေးလျက် "ငါ မင်းကို မောင်းထုတ်လိုက်မှာ မကြောက်ဘူးလား"
ယွီကျစ်ယွီက မလှမ်းမကမ်းက အရောင်းစက်ကို လက်ညှိုးထိုးပြပြီး ပစ္စည်းရွေးနေတဲ့ ဖူဟန်ကို ကြည့်ခိုင်းလိုက်၏။
"ငါတို့က customerတွေပါ။ ဘယ်လိုလုပ် မောင်းထုတ်နိုင်မှာလဲ။ ငါ ဖုံးမကွယ်ထားတာက ရိုးသားမှုကို ပြသတာလေ။ ငါ ဒီကိုလာကတည်းက စဉ်းစားထားပြီးသား၊ မင်းက ဒီလောက် ဉာဏ်ကောင်းတာကို ငါ ဘယ်လိုပဲ ချောင်ပတ်ပြီး မေးမေး ဖော်ထုတ်ခံရမှာပဲ၊ ဒါကြောင့် ပွင့်ပွင့်လင်းလင်းပဲ တိုက်ရိုက်ပြောတာက ပိုကောင်းတယ်"
ယိချန်က သူ့ကို ဉာဏ်ကောင်းတယ်လို့ ချီးကျူးတာကို သဘောကျပြီး စိတ်ထဲမှာ သက်တောင့်သက်သာ ဖြစ်သွားပေမဲ့ ချက်ချင်း ထောင်ချောက်ထဲ မဝင်ခဲ့။
"မြှောက်ပင့်မပြောနဲ့၊ ငါ မဝယ်ဘူး"
YOU ARE READING
ဇာတ်လိုက်နဲ့စေ့စပ်ပွဲပျက်ပြီးနောက် သူ့ဦးလေးနဲ့လက်ထပ်လိုက်တယ်
Romanceဖူဟန် × ယွီကျစ်ယွီ
