Unicode
ယွီကျစ်ယွီက သဘောမတူဘူး။
"ဒါပေမယ့် အခုချိန်မှာ တစ်ယောက်ယောက်က ပြဿနာကို လှုံ့ဆော်ပေးနေလို့ လူထုက X Universityက ကျောင်းသားတွေကို ဝေဖန်နေကြတယ်လေ။ ဒီအခွင့်အရေးကိုသုံးပြီး အသေးစိတ်ထုတ်ပြန်ချက်ထုတ်ရမလားဆိုတာ ဆရာ ကျောင်းနဲ့ဆွေးနွေးနိုင်တယ်။ တရားဝင်ထုတ်ပြန်ချက်ကပဲ ဒီပရမ်းပတာအသံတွေကို ငြိမ်စေပြီး positiveဘက်ကို ဦးတည်သွားစေမှာ"
အကြံပေးဆရာသည်လည်း ဒီသွေးသံရဲရဲ ကွန်မန့်တွေကို မြင်ထားရာ တုံ့ဆိုင်းသွားသည်။
ယွီကျစ်ယွီလည်း အလျင်အမြန်ကြီး သူ့စကားကို လက်ခံယုံကြည်ဖို့ မမျှော်လင့်ထားပေ။ ဆိုတော့ သူ အကြံပေးဆရာ အကြားချင်ဆုံးစကားကို ကမ်းလှမ်းလိုက်လေသည်။
"ရလဒ်က ဘာပဲဖြစ်ဖြစ်ပါ ဆရာ အကောင်းဆုံးလုပ်ခဲ့တာပဲ။ ဆရာ ဘာအမှားမှမလုပ်ထားဘူး၊ ဆိုတော့ ကိုယ့်ကိုယ်ကို အပြစ်မတင်ပါနဲ့"
အကြံပေးဆရာက ပြုံးကာ ပြောလာတယ်။
"ကျေးဇူးပါကွာ၊ မင်း အတန်းရှိသေးလား?"
"မရှိဘူး၊ ကျွန်တော် ပြန်တော့မလို့"
"ဒါဆို ဆရာ မင်းကို လိုက်ပို့ပေးမယ်၊ ဆရာ့မှာ ဝန်ထမ်းကတ်ရှိတယ်၊ ဆိုတော့ ဖြတ်လမ်းလိုက်လို့ရတယ်"
ယွီကျစ်ယွီက လူပျင်းတစ်ယောက်ပင်။ ဆိုတော့ ဒါပေါ့။ သူ အားအင်ကို ပျော်ပျော်ကြီး ခြွေတာလိုက်တယ်။
"ကောင်းပြီ၊ ကူညီတဲ့အတွက် ကျေးဇူးပါ ဆရာ"
ရုံးခန်းက အရှေ့တံခါး၊ ဘေးတံခါးများဖြင့် တော်တော်လေးကြီးမားသည်။ အရှေ့တံခါးသည် ကျောင်းသားတွေနှင့်အပြင်လူတွေ၏ ဝင်၊ထွက်ပေါက်ဖြစ်ပြီး ဘေးတံခါးသည် ဝန်ထမ်းကတ်နှင့်ပွတ်ဆွဲခြင်းဖြင့် အတွင်းလမ်းကြောင်းဖြင့် ထွက်နိုင်သည်။ ထိုလမ်းကြောင်းက ကားပါကင်နှင့် အလွန်နီးသည်။
ယွီကျစ်ယွီသည် အားအင်ခြွေတာချင်သောကြောင့် အတွင်းလမ်းကြောင်းကနေ ဖြတ်လမ်းလိုက်မိပြီးနောက်မှ တွေ့သမျှဆရာတွေကို လိုက်နှုတ်ဆက်ရသဖြင့် တော်တော်လေး ပင်ပန်းကြောင်းရှာတွေ့သွားရသည်။
YOU ARE READING
ဇာတ်လိုက်နဲ့စေ့စပ်ပွဲပျက်ပြီးနောက် သူ့ဦးလေးနဲ့လက်ထပ်လိုက်တယ်
Romanceဖူဟန် × ယွီကျစ်ယွီ
