Unicode
ယွီကျစ်ယွီသည် ဖူဟန် လက်ထဲက သတိပေးအညွှန်းစာရွက်ကို ဆတ်ခနဲ ဆွဲယူလိုက်သည်။ ထို့နောက်သက်တော်စောင့်ရဲ့လက်ထဲက ဆေးအိတ်ကိုပါ ယူလိုက်ပြီး ထွက်သွားတော့သည်။
ဒါဟာ ဖူဟန်အတွက် ယွီကျစ်ယွီဆီက ဒီလောက်အားပါပါနဲ့ ပြန်အော်ခံရတာ ပထမဆုံးအကြိမ်ပဲ။ ထို့အတူ လူအများရှေ့မှာ အော်ခံရတာလည်း ပထမဆုံးအကြိမ်ဖြစ်တာကြောင့် ခေတ္တမျှ ကြက်သေ,သေသွားခဲ့သည်။ နှစ်စက္ကန့်လောက် ကြောင်နေခဲ့ပြီး၊ ယွီကျစ်ယွီ တကယ်ထွက်သွားပြီဆိုတာကို သတိထားမိကာမှ နောက်က လိုက်ဖမ်းရတော့သည်။
"ဘယ်သွားမလို့လဲ?"
"ဟွန့်"
"အိမ်ပြန်ဖို့လား?"
"ဟွန့်"
ဖူဟန်က အားကိုးရာမဲ့စွာ "ကိုယ်တောင်းပန်ပါတယ်၊ ခုနက ကိုယ်..."
ယွီကျစ်ယွီသည် ရုတ်တရက် ရပ်တန့်သွားကာ မေးလာခဲ့သည်။
"ဟိုရှေ့ကလူက ဘယ်သူလဲ? ဘာလို့ ကျွန်တော်တို့ကို စိုက်ကြည့်နေတာလဲ?"
ပြတင်းပေါက်နားမှာ သားရေဂျာကင်ဝတ်ထားတဲ့ လူလတ်ပိုင်းအရွယ် အမျိုးသားတစ်ယောက်ရှိနေသည်။ ကတုံးဆံတောက်ကေ၊ သာမန်မျက်နှာ၊ အရပ်အလယ်အလတ်နဲ့ ခန္ဓာကိုယ်တည်ဆောက်ပုံ ခပ်ပိန်ပိန်ဖြင့်ပင်။ သူက လက်ဆောင်ထုပ်တစ်ထုပ်ကို ကိုင်ပြီး အဲဒီနေရာမှာ ရပ်နေတာဖြစ်သည်။
ဖူဟန်သည် တစ်ချက်ကြည့်လိုက်ရုံနဲ့ မှတ်မိသွားပြီး "သူက ဝေဟုန်ဝေ့တဲ့၊ ရဲအရာရှိတစ်ယောက်ပဲ"
"အာ?"
ယွီကျစ်ယွီ ကြောင်သွားကာ "ခင်ဗျားနဲ့ သိတာလား?"
"အင်း"
ဖူဟန် လက်ဆန့်ထုတ်လိုက်ပြီး ယွီကျစ်ယွီရဲ့လက်မောင်းကို ကိုင်ကာ ရှေ့ကို ဆက်လျှောက်သွားသည်။
ယွီကျစ်ယွီလည်း အခုက စိတ်ကောက်နေရမည့်အချိန် မဟုတ်ဘူးဆိုတာသိသဖြင့် သူ့ရဲ့စိတ်ကောက်နေမှုကို ဘေးသို့ပို့ထားလိုက်ပြီး လိမ်လိမ်မာမာလေး နောက်ကလိုက်သွားခဲ့သည်။
ဝေဟုန်ဝေ့က သူတို့ လျှောက်လာတာကို အံ့သြခြင်းမရှိဘဲ ပြုံးလိုက်ပြီး__
"ဖူဟန် ငါ မင်းတို့ကို အနှောင့်အယှက်မပေးမိပါဘူးနော်?"
YOU ARE READING
ဇာတ်လိုက်နဲ့စေ့စပ်ပွဲပျက်ပြီးနောက် သူ့ဦးလေးနဲ့လက်ထပ်လိုက်တယ်
Romanceဖူဟန် × ယွီကျစ်ယွီ
