ဇာတ်လိုက်နဲ့စေ့စပ်ပွဲပျက်ပြီးနောက် သူ့ဦးလေးနဲ့လက်ထပ်လိုက်တယ်

Ep - 86

Unicode

ယွီကျစ်ယွီရဲ့ စိတ်ကတခြားဆီရောက်သွားပြီး ဗီရိုထဲမှာဝှက်ထားတဲ့ မူလပိုင်ရှင်၏စာအုပ်ကို ရှာလိုက်၏။

ဖူဟန်က လင်းပိုင်လေး၏လျှို့ဝှက်ချက်ကို ရှာတွေ့ပြီးနောက် သူက ဖွက်တဲ့နေရာကို ပြောင်းထားခဲ့၏။ သူက အဝတ်ဗီရိုကြီးရဲ့အံဆွဲထဲမှာ ဖွက်ထားခဲ့ပြီး ပလတ်စတစ်အိတ်ဖြင့်ဖုံးကာ  အံဆွဲအလွတ်ရဲ့ အပေါ်ဘက်မှာကပ်ထားသည်။ အိတ်သည် အလွယ်တကူ ဆန့်ထွက်ကာ အပေါ်ဘက်တွင် ဒိုင်ယာရီစာအုပ်တစ်အုပ် ရှိနေသည်ကို သတိပြုမိရန်ခက်ခဲ၏။

ယွီကျစ်ယွီသည် သူ့လှည့်ကွက်လေးက ဖူဟန်အပေါ်အလုပ်ဖြစ်မလား မသိသောကြောင့် စာအုပ်ကိုအရင်ဝှက်ထားပြီး နောက်မှ အဖြေတစ်ခုခု စဥ်းစားမည်ဟု စီစဥ်ထားသည်။

အဖြေရှာဖို့မစဥ်းစားခင်မှာ ဒိုင်ယာရီစာအုပ်ကို နောက်တစ်ခေါက်ကြည့်ရမယ်။

ယွီကျစ်ယွီသည် သူ့ရဲ့ပုံသေအတွေးအခေါ်ကို ချိန်ညှိလိုက်ပြီးမှ မူလပိုင်ရှင်၏ဒိုင်ယာရီကို ထပ်ကြည့်လိုက်တော့ ပထမအကြိမ်ကလောက် ကမောက်ကမ မဖြစ်တော့ကြောင်း တွေ့လိုက်ရ၏။

မူလပိုင်ရှင်ရဲ့ အရေးအသားတွေအကုန်လုံးက ဝန်ခံချက်တွေချည်းပဲမဟုတ်ဘဲ အငြင်းပွားမှုတွေလည်း ပါဝင်၏။ အငြင်းအခုံဖြစ်ပြီးနောက် မူလပိုင်ရှင်သည် အပြင်ထွက်စားသောက်လေ့ရှိသည်။ တစ်ခါတလေ နာနတ်သီးရေခဲခြစ်၊ တစ်ခါတလေ ထူးရှယ်ဝက်ဆားနယ်ခြောက် ၊ တခါတလေ ဘလူးဘယ်ရီအချိုပွဲများဖြင့် စားသောက်တည်ခင်းတတ်၏။

ယွီကျစ်ယွီ ပြုံးပြီးပြောလိုက်တယ်။
"သူက ငါ့နက်အရမ်းတူတာပဲ။ ငါလည်းပဲ စိတ်အခြေအနေမကောင်းရင် စားရတာကြိုက်တယ်.....ဟမ်? သူ လိပ်စာတောင် ချရေးထားသေးတယ်။ သူမေ့သွားမှာ စိုးလို့လား?"

မူလပိုင်ရှင်က သူဘာစားခဲ့ကြောင်း ရေးရုံသာမကပဲ ဘယ်မှာစားခဲ့ကြောင်းပါ အသေးစိတ် မှတ်တမ်းတင်ထားသည်။

ယွီကျစ်ယွီ ဒီကိုရောက်တာ လအနည်းငယ်လောက်ရှိပြီဆိုတော့ City A အကြောင်း အတော်လေးရင်းနှီးနေပြီဖြစ်သည်။ သူ အမြန်ကြည့်လိုက်တော့ စားသောက်ဆိုင်တည်နေရာတွေက ဟိုတစ်စုသည်တစ်စု ပြန့်ကြဲနေကြောင်း တွေ့လိုက်ရပြီး ထိုထဲမှတစ်ချို့ဆို မြို့တစ်ဝက်လောက်ထိတောင် ကွာဝေးသည်။