Unicode
"ကိုယ် သူ့ကိုပေးထားတာ"
ဖူဟန်သည် ခွေးကို မတရားမခံစေချင်သောကြောင့် လက်ဦးမှုယူပြီး ရှင်းပြလိုက်သည်။
ယွီကျစ်ယွီ ပဟေဠိဖြစ်သွားလေတယ်။
"ဟင်? ခင်ဗျား ခွေးကို စနောက်ဖို့ နာရီကိုသုံးတယ်?"
"အင်း အဆင်ပြေပါတယ်"
"အဲ့ဒါ မသင့်လျော်ဘူးလေ။ အဲ့ဒါ နာရီအတွက်လည်းမကောင်းသလို တာ့ဟွမ်အတွက်လည်း မကောင်းဘူး။ နာရီကအရမ်းစျေးကြီးတယ် ပျက်စီးသွားရင် ဘယ်လိုလုပ်မလဲ? နောက်ပြီး တာ့ဟွမ် မတော်တဆ မျိုချမိသွားရင်ရော? ဒါ ဘဝကြီးကိုပါ ခြိမ်းခြောက်နိုင်တာနော်။ပြန်ယူလိုက်ပြီး နောက်ထပ်မလုပ်နဲ့တော့"
ယွီကျစ်ယွီက ခွေးကို မပျိုးထောင်ဖူးပေမယ့် ခွေးမွေးတဲ့ ဗီဒီယိုတွေအများကြီး ကြည့်ဖူးသည်။ ထူးဆန်းတဲ့ပစ္စည်းတွေကို မတော်တဆမျိုချမိရင် အန္တရာယ်ဖြစ်စေနိုင်ကြောင်း သူသိ၏။ ဒါကြောင့် သူ အလေးအနက်အဖြစ်ဆုံးအမူအရာကို တပ်ဆင်ထားပြီး ဖူဟန်ကို လက်ချာပေးဖို့ ကြိုးစားနေခဲ့သည်။
ယွီကျစ်ယွီက လုံးဝမခက်ထန်နေပါ။ လေအေးကြောင့် သူ့အသံကနှာသံတောင်ပါနေခဲ့ပြီး တော်တော်လေးနူးညံ့နေခဲ့သည်။
ဒါပေမယ့် နေ့တိုင်း ချိုချိုသာသာတစ်ချိန်လုံးခေါ်နေတဲ့ "လောင်ကုန်း"လို့ခေါ်သံနဲ့တော့ ကြီးမားတဲ့ ကွာဟချက်ကြီးရှိ၏။
ဖူဟန်က အရမ်းကြိီး မရိုးဖြောင့်လေဘူး။ သူ တင်းမာသော မျက်နှာထားဖြင့် နာရီကို ပြန်ယူလိုက်ကာ "သိပါပြီ" ဟုသာ ပြန်ပြောလိုက်သည်။
ထိုအစား တာ့ဟွမ်က ပျော်ရွှင်လာပြီး ထပျံတော့မတတ် သူ့အမြှီးကို ဝေ့ယမ်းလာခဲ့သည်။ ယွီကျစ်ယွီ ပတ်ပတ်လည်ကို ဝိုင်းပတ်ရင်း သူ့ခေါင်းဖြင့် ယွီကျစ်ယွီကို ပွတ်သပ်ရင်း အထိအတွေ့တောင်းလာခဲ့သည်။
"အမယ်လေး တာ့ဟွမ်, မင်းက အလိုလိုက်ခံရတဲ့ ကလေးလို ပြုမူတာ အရမ်းတော်နော်"
ယွီကျစ်ယွီ တာ့ဟွမ်ခေါင်းကို ပွတ်သပ်ပေးလိုက်ပြီး "လိမ်မာတဲ့ကောင်လေး အိမ်ပြန်ရအောင်"
YOU ARE READING
ဇာတ်လိုက်နဲ့စေ့စပ်ပွဲပျက်ပြီးနောက် သူ့ဦးလေးနဲ့လက်ထပ်လိုက်တယ်
Romanceဖူဟန် × ယွီကျစ်ယွီ
