Unicode
သူ ပန်းကန်တွေ သွားပို့တဲ့အခါ မီးဖိုချောင်ထဲမှာ ဖူဟန်နှင့် တွေ့လိုက်ရလေသည်။
ဖူဟန်သည် သူ့ပန်းကန်ထဲက ဟင်းသီးဟင်းရွက်တွေ အများကြီး ကျန်နေတာကို မြင်တော့ မျက်ခုံးပင့်ပြီး မေးလာသည်။
"ဘာလို့ မစားတာလဲ"
ယွီကျစ်ယွီမှာ ချက်ချင်းဆိုသလို မကျေနပ်ချက်တွေ ပေါက်ကွဲထွက်လာ၏။ သူပြောချင်တာက: ဟင်းနုနွယ်က ခါးတယ်၊ တို့ဟူးက မညက်ဘူး။ ပေါင်းထားတဲ့ အသားလုံးက ချင်းနံ့တွေချည်းပဲ၊ အသီးအရွက်မွှေကြော်ကလည်း အရသာမရှိဘဲ မြက်တွေ စားနေရသလိုပဲ ဟူ၍။ ဒါပေမဲ့ သူ ဖူဟန်ကို စိတ်ကောက်ပြီး စကားမပြောဖို့ ဆုံးဖြတ်ထားတာကို သတိရတာနဲ့ စကားလုံးတွေ အများကြီးကို ပြန်မြိုသိပ်လိုက်ပြီး နှာသံလေးနဲ့ "ဟွန်း!" ခနဲသာ ပြန်ဖြေလိုက်သည်။
ဖူဟန် ခပ်ဟဟရယ်လိုက်ပြီး ကော်ဖီခွက်ကို ကောက်ယူကာ တစ်ငုံသောက်လိုက်သည်။
ယွီကျစ်ယွီတစ်ယောက် ပါးစပ်ကို တင်းတင်းစေ့ထားပေမဲ့ သူ့မျက်လုံးတွေကတော့ သတိမမူမိဘဲ ဖူဟန်ဆီကနေ မခွာနိုင်ချေ။
၈ နာရီတောင် ရှိနေပြီ၊ ဖူဟန်က အခုထိ ကော်ဖီသောက်နေတုန်းပဲလား? စောစောအိပ်၊ စောစောထပြီး ကျန်းမာရေးနဲ့ညီညွတ်တဲ့ လူနေမှုပုံစံကို ကျင့်သုံးတယ်မဟုတ်လား။
ယွီကျစ်ယွီ ရုတ်တရက် ရှုပ်ထွေးသွားပြီး "ခင်ဗျား ဘာလို့..."
ဖူဟန်က ချက်ချင်းဆိုသလို လှည့်ကြည့်လာပြီး သူ့စကားကို နားထောင်ဖို့ ကော်ဖီခွက်ကို ချလိုက်သည်။
"မင်း ဘာလို့ ပိုက်ဆံပြန်မပေးသေးတာလဲ~"
ယွီကျစ်ယွီ သတိဝင်လာပြီး သူ့ကိုယ်သူ ဖုံးကွယ်ဖို့ အလွဲလွဲအချော်ချော် သီချင်းတစ်ပုဒ်ကို အတင်းအကျပ်ဆိုလိုက်သည်။
"ကမ္ဘာပေါ်မှာ အယုတ်မာဆုံးလူဟာ မင်းပဲ~"
သူ ဆိုရဲသလို ဖူဟန်ကလည်း နားထောင်ရဲသည်။
ဖူဟန်က နားထောင်ရဲရုံတင်မကဘူး၊ မျက်မှောင်ကြုတ်ပြီး commentပါ ပေးလာခဲ့သည်။
"ဆိုးလိုက်တဲ့အသံကွာ"
YOU ARE READING
ဇာတ်လိုက်နဲ့စေ့စပ်ပွဲပျက်ပြီးနောက် သူ့ဦးလေးနဲ့လက်ထပ်လိုက်တယ်
Romanceဖူဟန် × ယွီကျစ်ယွီ
