صرخة صمت 🌬

الحلقة الحادية عشر

🔸️حلقة 11
🔸️إيمان_تحكي:
هزيت صاكي و خرجت بالزربة...خلطت عليا و سكرت الباب معاها تحكي
ملاك:إيمان هدي رووحك
أنا:هيااا فيسع ملااك...لازمنا نلحقو بالكار توا
ملاك:نعرف...زيد مزال الحال
أنا:هيااا أمانك...والله مش مصدقة أنهم قبلوني...منحبش نتطرد من أول نهار
ملاك:هوكا الكافيتيريا طلعت قريبة لسوسيتي
أنا:شنعمل...حظي هكا...أما مدام عندهم كلشي داخل سوسيتي...يعني مستحيل نتقابل معاه
ملاك:عندك حق...والله حد ماهو عادي داخل السوسيتي هذيكا
أنا:والله حتى أنا لاحظت هذا زادة
مديت يدي وقفت الكار و ركبنا مع بعضنا...عديت الثنية على أعصابي...يمكن خاطرها أول مرة نخدم فيها و نتحمل مسؤولية...يعني كان مش الطفلة لي خرجت مستحيل كانو يوظفوني...و الأحسن أنو ملاك تكون قريبة ليا...عالأقل منحسش روحي وحدي...أول ما وصلنا...بستها و دخلت...وين كملت هي لسوسيتي استلمت لبستي و خذيت التعليمات منهم...و اللي خلاني نرتاح أكثر أنو الكل تعامل معايا بالقدا و نجمت نحفظ اسمائهم زادة...تعدا شطر النهار فيسع...وين لقيت روحي دخلت في الجو أكثر...هزيت راسي على صوت وحدة منهم تحكي
نادية:إيمان شوف طاولة 6 شنية يشربو
أنا:باهي
كبست على الكارني في يدي و قربت منهم...جيت باش نحكي أما جمدت في بقعتي و انا نغزرلو...قاعد مع وحدة ظاهر يحكيو في قضية معينة...فقت من سرحتي على صوتها تحكي
ليلى:نحب على قهوة سادة
هزيتلها براسي باهي و غزرتلو بالوقت...خذيت نفس نحكي
أنا:و أنت مسيو ؟
هز راسو شوية...غزرلي ندرا كيف...هز حاجبو شوية و تبسم على جنب يحكي
كنان:نفس الشي 
أنا:باهي
كبست على الكارني في يدي و قربت بالزربة...قطعت الورقة و حطيتها عالكونتوار...منعرفش علاش غزرلي أكاكا و لا حتى علاش تبسم معايا بالطريقة هاذي...أصلا معملتش حسابي باش نقابلو من أول يوم...بقيت في بلاصتي نستنى فيهم...و أفكاري تهز فيا و تجيب شديت الصينية عليه و رجعت عندهم حطيت من يدي و حطيت كيسان الما...فرد وقت نسمع في حديثهم هوكا يحكي معاها بالقدا و يسأل فيها بطريقة حلوة عكس لي عملو معايا...كبست على الصينية نحكي
انا:تطلبو حاجة أخرى
ليلى:لا عيشك
تبسمت و عطيتهم بظهري...وقفني قبل ما نمشي
يحكي
كنان:مدموزال
خذيت نفس طويل و تلفت عندو...جات عيني في عينو بعد الفنجان بيدو يحكي
كنان:سادة من غير سكر
أنا:أنت لي طلبتها هكا
كنان:بدلها ملا
انا:باهي
هزيت الفنجان في يدي و رجعت عندهم...حطيتها على الكنتوار نحكي
انا:المسيو يحب عليها من غير سكر
عماد:باهي...إنتي لباس ؟
هزيتلو براسي إيه و تلفت شوية قحرتلو من بعيد منعرفش علاش حسيتو يعمل هكا بلعاني...شديت الفنجان عليه مرة أخرى و رجعت لطاولة متاعهم نحكي
أنا:تفضل
غزرلي ندرا كيف و هز الفنجان...خذا رشفة و عاود حطها يحكي
كنان:بااردة
ليلى:لباس كنان ؟
كنان:سافا...يمكن المشكلة عند المدموزال
أنا:مفما حتى مشكلة...هاني باش نبدلها كان تحب
كنان:باهي
نزلت على سناني و هزيتها في يدي...عطيتو بظهري نحكي
أنا:ساااقط
حطيتها عالكنتوار مرة أخرى و هزيت راسي غزرت لعماد نحكي
أنا:أماانك أعطيه قهوة سادة و تكون سخونة...أحسن ما يزيد يوحل في راسي...ان شاء الله يتحرق بيها
عماد:تفضل...هزها فيسع
أنا:باهي هات عليك
كبست عليها و رجعت عندهم...حطيتها قدامو و قحرتلو نحكي
أنا:تأكد سي كنان...يمكن فما مشكلة أخرى
شرب منها شوية...و هز راسو غزرلي...دوب تبسم يحكي
كنان:سافا تعدي روحها...أما كان تجيبلي تاي يكون أحسن
كبست على الصينية بكل قوتي...للحظة تخايلت روحي ضربتو بيها و خرجت غشي فيه الكل..أما تمالكت روحي و تبسمت نحكي
أنا:كيفاش تحبو ؟ بالسكر و لا مر ؟
كنان:مر
أنا:باهي
وخرت خطوة لتالي و رجعت..طلبت كاسة تاي و رجعت عندو...حطيتو قدامو نحكي
أنا:صحة و عافية
كنان:تنجم تجيبلنا تشكيلة من الحلو لي موجود هوني
هزيتلو براسي باهي...و رجعت لتالي...أصلا فهمت منو لي يعمل في هذا الكل بلعاني...يمكن باش يرجعلي الفازة متاع بكري...طلبت الحلو و قعدت عالكرسي...معادش فيا أكثر من هكا...دورت راسي شوية نغزرلو يحكي معاها قحرتلو نحكي
أنا:على أساس محترم...واطي ميحشمش
عماد:شبيك ؟
أنا:شي...الحلو حاضر
عماد:تفضل
أنا:حط كلشي على حسابو...حتى القهاوي لي بدلهم و هات الأبراي لهوني
شديت عليه كلشي و رجعت عندهم...حطيت الصحن في وسط الطاولة...و الأبراي قدامو نحكي
أنا:هذا الحساب متاعك
كنان:مطلبتش الحساب
أنا:في رايي مكاش باش تطلب أكثر من هكا
قربلي الأبراي بيدو و هز عينيه في وجهي...غزرلي ندرا كيف يحكي
كنان:خليهم يحضرو تشكيلة أخرى باش نهزها معايا و جيبلي الحساب مرة أخرى
غمضت عينيا بالقاوي و عاودت حليتهم...هز حاجبو شوية كأنو يستنى في جوابي...تبسمت نحكي
أنا:باااهي...كيما تحب
كبست على يدي بالوقت...باش منعملش حاجة نندم عليها خاصة أني بديت اليوم...طلبت تشكيلة أخرى و رجعت عندو...حطيتها قدامو نحكي
أنا:طلبيتك حاضرة...مزال تحب شي آخر ؟
كنان:لااا تنجم تمشي
أنا:باهي
جبدت الأبراي من يدو و عطيتو بظهري...نحكي
انا:زايد ميحشمش و متكبر زادة
كنان:قلت حاجة ؟
أنا:شي...بصحتكم
عطيت على ساقيا قبل ما يشدني مرة أخرى...حطيت الأبراي من يدي...و خرجت للجماعة لي برا...عالاقل باش منشوفش وجهو أكثر من هكا...خاطر مستحيل نجم نتحملو أكثر و منحبش نفقد أعصابي و نخسر الخدمة من أول نهار جرايرو...خاطر كلشي يهمني توا...أني نوصل للهدف متاعي و كهو...خذيت بقية الطلبيات و دخلت...حطيتهم فوق الكونتوارو دورت راسي شوية...جات عيني في عينو...قحرتلو نحكي
أنا:محسوب ناقصة همو السخطة هذا
هزيت راسي على صوت نادية لي قربت مني...تحكي
نادية:إيمان...سي كنان يطلب فيك
أنا:يطلب فيااا أنا ؟
نادية:والله حاولت ناخو طلبيتو...أما قال خليها تجي هي
أنا:طلبية شنية بربي...باش يكمل القهوة لي موجودة هوني...الصبر يا ربي
كبست على الكارني و هزيت روحي...نمد في الخطوة بالسيف...دوب نجمت نتحكم في أعصابي...وقفت قدامو نحكي
أنا:تفضل
كنان:أقعد
دورت راسي شوية...ملقيتش المرا لي كانت معاه قبيل خذيت نفس نحكي
أنا:معنديش حق باش نقعد و مفماش علاش نقعد معاك زادة
كنان:بالعادة منحبش نعاود كلامي أكثر من مرة
أنا:ماكش مظطر...خاطر متفرقش معايا
كنان:توقعت باش تعمل جهد أكبر على خاطر القضية متاعك
أنا:صحيح و مانيش باش نتراجع قبل ما ناخو حقي
أكا علاش حكيت مع محامي آخر و أحسن منك زادة
كنان:و صدقك ؟
عديت عينيا على وجهو و كبست على الكارني أكثر نحكي
أنا:عندك حق...قضيتي معدومة...من غير شاهد و لا دليل أما أنا عندي ثقة في ربي و نعرف لي باش يجي نهار و نحقق العدالة...غير هكا شنية الطلب متاعك سي كنان
هزلي براسو باهي و وقف...وخرت خطوة لتالي...غزرلي ندرا كيف يحكي
كنان:نستناك غدوة بعد ما تكمل خدمتك هوني
أنا:مانيش باش نجي
هز حاجبو مستغرب...خذيت نفس طويل و كملت نحكي
أنا:من غير ما تعب بروحك بقضية منجمتش تصدقها زيد أنا منرجعش لبلاصة تطردت منها...و مدام رديت فازتك بأنك تخليني نلبي طلباتك الكل...معناها تصافينا و معرفة خير...أنا لاش نخليك توا...لازمني نكمل خدمتي توا
نزلت عينيا من وجهو و عطيتو بظهري...كبست على الكارني أكثر...رغم أني نعرف لي هاذي أهم فرصة و ماهيش باش تجيني غيرها...أما قنعت روحي أني باش نلقى محامي أحسن منو و نربح في الأخير...خاطر بالرسمي منحبش نحس لي عشتو نهارتها...منحبش نقدم خطوات مع شخص ماهوش مصدقني و لي المفروض يعطيني فرصة وحدة عالأقل...خذيت نفس طويل..معادش نحب نبكي أكثر من هكا...بعدت لدرجة أنو مينجمش يشوفني مرة أخرى و طمنت من نادية لي هو خرج جملة كملت بقية نهار على أعصابي و من غير ما نحكي مع حد أول ما كملت لقيت ملاك تستنى فيا برا...قربت منها بالزربة و عنقتها بالوقت...حطت يدها على ظهري تحكي
ملاك:إيمان...لباس ماهو ؟ شبيك ؟
أنا:نحب نمشي من هوني و كهو
ملاك:صارت حاجة ياخي...محبيتش الخدمة هوني ؟
هزيتلها براسي لا و مديت يديا زوز رجعت شعري لتالي نحكي
أنا:لاا مش هكا...أما بكري قابلت كنان
ملاك:كنان العامري ؟
هزيتلها براسي إيه...غزرتلي مستغربة و كملت كلامها تحكي
ملاك:شنية لي صاار ؟
أنا:منعررفش...في الأول خلاني نمشي و نرجع لطاولة متاعو أكثر من مرة...مبعد يحب يحكي معايا و قالي إيجا للسوسيتي زاادة
ملاك:بالحق ؟ يعني قبل القضية متاااعك
أنا:لاا أنا رفضت باش نمشي من أصلو
ملاك:شنووة ؟ إيماان بالله علاااش ترفض ؟ بلكشي ماهيش باش تجيك فرصة هكا
أنا:نعرف ملاااك...والله نعرف...أما معنديش ثقة فيه..تتوقع باش يصدقني ؟ يمكن يعطيني أسئلة أخرى و في الأخير يطردني و يمكن حب ينتقم مني عاللي عملتو...صحيح أنا بحاجتو...و بحاجة محامي في المستوى متاعو...أما هذا ميعنيش إني نطيح من روحي..باش نكسب قضيتي..يمكن فما حل آخر...يمكن نلقى دليل يعاوني...أكيد فما مخرج لهذا الكل
ملاك:عندك حق و أنا عندي ثقة فيك...عندي ثقة لإنتي باش تحقق العدالة لروحك
تبسمت و عاودت عنقتها...كلامها خلاني نرتاح شوية خاطر
بالرسمي بحاجة شكون يصدقني و يسمعني...عالاقل الحمل ينقص شوية...خاصة و إني توحشت أمي بصفة غريبة...هاذي أول مرة نبعد عليها لهدرجة...من غير ما نسمع صوتها و لا نشوفها...تنهدت بالقاوي و جبدت روحي شوية نحكي
أنا:ااففف كملت عليك بمشاكلي و إنتي تاعبة
ملاك:متقولش هكا...تو نتغشش عليك...والله مكنتش نعرف كيفاش باش نعيش وحدي
أنا:ملااك...شقولك بعد فترة نكريو دار وحدنا...هكا تتهنى من ظغط خالتك و كلامها
ملاك:فكرة...خلي نكملو أول شهر و بعد نفركسو على دار تناسبنا
أنا:باهي يا روحي...هيااا خلينا نمشيو تواا...جراير الساقط هذاكا منجمتش ناقف على ساقيا أكثر من هكا
ملاك:والله باين عليك...إن شاء الله معادش يجي لهوني
أنا:على أساس عندو كلشي في السوسيتي متاعو...شنية لي يخليه يجي لهوني منعرفش
ملاك:هيااا إيجااا عزيزتي...ظاهر مزال باش تقابلو برشا
أنا:تقول هكااا ؟
ملاك:يعني منعرفش...حاول متخممش في الحكاية برشا و تو نعرضو قضيتك لمدام ذكرى...يمكن توجهنا
أنا:باهي إن شاء الله...هيااا فيسع قبل ما تفوتنا الكار
ملاك:باااهي
تبسمت و مشيت للمحطة...و تفكيري بعيد برشا...أول إحتمال جا في بالي...إني نولي نقابلو يوميا و نعاود نهار هذا بتفاصيلو...هزيت براسي لا نحكي
أنا:مستحيييل
ملاك:شبيك ؟
أنا:ملاااك...أنا مستحيل نجم نتحمل لي صار اليوم...السيد خلاني نخدم حق 7 طاولات من غير ما ناخو نفس...أنا بالرسمي منجمش نتحكم في أعصابي أكثر من هكاا
شدتني من يدي...كبست عليا و قربتلي أكثر...تحكي
ملاك:متخاافش...أكيد رجع فازتو و كهو...زيد إذا رجع مرة أخرى...بدل القسم لي تخدم فيه مع وحدة من لبنات باهي
أنا:عندك حق
رجعت شعري لتالي..كبست على يدها و ركبت...عديت بقية الثنية ساكتة..محاولة مني باش نقنع روحي بكلامها و بقية تفكيري مع أمي و أيمن و القضية و معادش نعرف وين نركز بالظبط
#كنان_إيمان❤