🔸️حلقة 92
🔸️زينب_تحكي:
كبست على الدفتر في يدي و تبسمت...لتوا نحس في كلشي قاعد يصير مجرد حلمة و باش نفيق منها هزيت راسي شوية و عديت عينيا على وجهو...قرب مني شوية و باسني من جبيني يحكي
نزار:مبروك يا روحي
أنا:عيشك نزار
خذيت نفس و تلفت ليهم...قربت مني إيمان أول وحدة...عنقتها بالوقت و كبست عليها...باستني من خدي تحكي
إيمان:مبروك أمي الغالية
أنا:عيشك يا روحي
تبسمت و عنقت ملاك لي قربت مني زادة...فرد وقت
غزرت لأيمن لي قاعد يحقر لشروق..خاطر الكل يمدح
فيها...حتى هي طلعت ملاك بالحق...خذيت نفس و قربت منهم نحكي
أنا:أيمن شنية وصيتك ؟
أيمن:ما عملت شي أمي
شروق:مش صحيح...من بكري و هو يقحرلي
أنا:أيممن...على أساس شروق باش تكون أختك الصغيرة...ياخي ترضى تغششها هكا ؟
أيمن:باهي منقصدش...سامحني
شروق:ياخي باش تعطيني قطوستك
أيمن:لا باش نعطيك وحدة من صغارها بعد ما تولد
شروق:جو...هكا تولي خاصة بيا أنا
أيمن:باهي مدام باش نعيشو مع بعضنا نهتمو بيهم مع بعض
شروق:إي حبيت الفكرة
فقت من سرحت و أنا نغزرلهم...كي حط يدو على ظهري و باسني من خدي يحكي
نزار:ظاهر قادمين على برشا مشاكل من نوع هذا
أنا:والله نعتذر من توا...خاطرني مكنتش نعرف لي هو باش يغير منها لهدرجة
نزار:بعد ما يكبرو يسندو بعضهم...زوز مزالو صغار هيا توا...خلينا نمشيو
أنا:باهي يا روحي
كبست على يدو و خلطت عليه...أصلا كتبنا صداقنا في البلدية و توقعت باش نمشيو للحومة...أما تصدمت كي لقيتو شد الثنية لبلاصة أخرى...كانت حفلة صغيرة في جنينة الفيلا متاعو...تبسمت نحكي
أنا:إمتى حضرت هذا الكل ؟
نزار:يكثر خير ملاك و إيمان...زيد مدامك رفضت العرس...فكرت أنو حفلة صغيرة مناسبة لينا
كبست على يدو أكثر و عديت عينيا على وجهو..حتى
الحضور متوقعتش باش يكون كبير لهدرجة و لا الكيكة زادة...للحظة حسيت روحي في حلمة...لدرجة تمنيت أنو اللحظات هاذي متوفاش جملة...و لي نعتبرهم أحلى شي عشتو بعد السنين هاذي الكل..فرد وقت عرفني على شوية من معارفو...حبيت أمو زادة خاطرها طيبة في تعاملها...غمضت عينيا شوية و رجعت سنين لتالي..وين كانت الحلمة هاذي مستحيلة
بالنسبة ليا...نزار كان هو الحلمة لي متوقعتش باش نعيشها جملة...حليتهم على واقع أجمل...على أحلى راجل قابلتو في حياتي...محسيتش بالوقت كيفاش تعدا...و لا حتى كيفاش بداو ينسحبو الضيوف..وين بقينا إحنا الأربعة و أمو...أصلا رفض باش يمشي أيمن و شروق للحومة و لا عند أي واحد منهم..غزر لأيمن يحكي
إيهاب:إيجا معايا...باش نوريك حاجة
غزرلي بالوقت...هزيتلو براسي إيه...تبسم يحكي
أيمن:باهي...عم نزار
كبس على يدي و عدا عينيه على وجهي...يحكي
نزار:هيا إيجا معانا إنتي زادة
خلطنا عليهم بعد ما طلعو قبلنا...غزر لأيمن يحكي
نزار:تفضل من هوني
قرب من الباب و كبس على البواني...حلها بالوقت و دخل...وين بقى ساكت شوية...حتى أنا تصدمت خاطر متوقعتش باش يعملو مفاجأة هكا و يحضرلو بيت خاصة بيه و في عمرو زادة...هز راسو يحكي
أيمن:هاذي بيتي ؟
قرب منو شوية و حاوط وجهو بيديه زوز...يحكي
نزار:صحيح بيتك...أنا وعدتك إني باش نخليك قريب من أمك ديما و مانيش باش نحرمك منها...منحبكش تكرهني و لا تاخو فكرة سيئة عليا...أنت و شروق بحاجة عيلة و إحنا باش نوفروها يا روحي
أيمن:يعني باش نعيش معاكم ديما ؟
نزار:أكيد...هاذي دارك بعد توا...حتى إني نعتبرك في مقام بنتي زادة
أيمن:تقصد أنك باش تكون كيما بابا ؟
نزار:إذا هذا كان باش يسعدك...أنا مذا بيا
تبسم و هزلو براسو إيه...نزل عليه شوية باسو من راسو و عنقو بالوقت...غزرت لشروق لي قربت مني و عنقتني تحكي
شروق:و إنتي باش تكون أمي بعد توا ؟
عديت يدي على خدها و نزلت عندها...بستها من جبينها نحكي
أنا:والله هذا باش يكون أحلى شي في حياتي إني نكتسب بنت أخرى...و يا ريت نسمع الكلمة هاذي منك ديما
شروق:يعني إنتي باش تتفرج معايا و تمشطلي شعري و طيبلنا هوني في دارنا...كيما أم ريم صحبتي ؟
هزيتلها براسي باهي و عنقتها بالوقت...فراغ الأم ما يعوضو شي و هذا حسيتو أكثر في كلامها...حتى أنا أمي توفات و خلاتني صغيرة برشا...غمضت عينيا هاربة من ذكريات الماضي...قرب مني شوية و وقف قدامي يحكي
نزار:شروق...هيا لبيتك توا عزيزتي...توا وقت النوم
شروق:منجمش نبقى أكثر
نزار:لاا غدوة لازمك تمشي لنادي بكري
شروق:باهي تصبحو على خير
نزل عليها شوية باسها و عدا يدو على شعرها..غزرت لأيمن لي غطس في الكتب لي لقاهم...تبسمت نحكي
أنا:تصبح على خير يا روحي
أيمن:و نتوما بخير أمي
تبسمت كي ريتو جبد بقية الكتب...أصلا من بكري يتعلق بأي كتاب يشوفو...خرجنا ورا شروق لي شدت بيتها...كبس على يدي و حل الباب...بيتنا مكانتش بعيدة عليهم...قلبي خض بالقاوي من أول خطوة كلشي كان مثالي عاللخر...تبسمت نحكي
أنا:مرسي برشا على كلشي نزاار
قرب مني شوية...حاوط وجهي بيديه زوز و باسني من جبيني يحكي
نزار:حتى شي ما يغلى عليك يا روحي
قرب من الكوافوز و هز بوات في يدو...حلها بالوقت عديت عينيا على الكوليي مستغربة أصلا ولا مرة ملكت واحد هكا من قبل...لدرجة إني ما نجمت نعلق على حتي شي...عديت يدي على رقبتي بعد ما لبسهولي جيت باش نحكي سكتني كي نزل على شفايفي باسني و جبد روحو شوية يحكي
نزار:إنتي أحلى صدفة في حياتي و حياة بنتي
أنا:أنا بالرسمي نحبك برشا نزار
نزار:و أنا نموت عليك
دورت يديا زوز على رقبتو و غرقت في شفايفو و في العالم اللي باش يكون خاص بينا إحنا و كهو.
#زينب_نزار❤
VOUS LISEZ
صرخة صمت 🌬
Romansa🌬🌬🌬 🌬 🌬 #صَرْخَةُ_صَمْتْ 🌬🌬🌬🌬🌬🌬 🌬هل جربت يوما ان تصرخ و انت تعلم ان ليس هناك من يسمعك...او ان تصرخ في داخلك من دون ان تنطق بحرف واحد ؟ 💔 💠 موضوع حكايتنا الجديدة...عكس لي قريتو عليه قبل...عكس انا لي كتبت عليه قبل...ماهيش حكاية جديدة علي...
