🔸️حلقة 20
🔸️كنان_يحكي:
مديت يدي لأخرى و كبست عليها بالوقت..تكيتها عليا و نزلت بيدي لوسط ظهرها نفيق فيها..أما شي...فقدت وعيها جملة...أصلا كان واضح لي هي مش قد بعضها و ماهيش باش تقاوم أكثر...خذيت نفس طويل و هزيتها بين يديا أحسن شي الكرهبة مكانتش بعيدة برشا وقفت اول واحد متعدي حلي الباب...حطيتها عالكرسي و طيحتو لتالي سكرت الباب و خلطت عليها...حليت دبوزة الما و مسحت وجها...نزلت بيدي لرقبتها نحكي
أنا:إيماان...هيا قوم...هاني معاك
حلت عينيها شوية و عاودت سكرتهم...دوب سمعتها و هي تحكي
إيمان:ن..نعسانة برشااا...س..سيبني
أنا:إيمااان هيا قوم توااا...اللي قاعد يصير معاك مش من النعاس...قاوم و حل عينيك توا
إيمان:أ..أبعد عليااا...ديما تنكد على كلشي...شمدخلك فيا إذا كنت باش نرقد و لا نموت
أنا:الصبر يا ربي
حركت راسها شوية و غطست في النوم..مديت يدي شوية حطيتها على جبينها...سخانتها طالعة شوية خاصة و انو الجو بدا يبرد...نحيت الفاست متاعي و غطيتها بيها نحكي
أنا:ديما تعمل اللي في راسك...الصبر و برا
جبدت روحي منها و خدمت الكرهبة...أول ما خرجت من الدشرة متاعهم...شديت الفران على جنب و تكيت لتالي دورت راسي شوية نغزرلها...ملامحها ولات هادية أكثر و هي راقدة...مديت يدي شوية و بعدتلها خصلات شعرها لتالي و نزلت بصوابعي على تكنفيرة خدها لين وصلت بيهم لشفايفها و جبدتها قبل ما نتمادى أكثر و ننجر ورا اللي نفكر فيه...دقايق عديتهم من غير ما نزل عينيا من وجها...مفهمتش شنية لي قاعد يصير معايا بالظبط...هاذي أول مرة نتحط في موقف هكا و لا تشدني طفلة بالطريقة هاذي...طول السنين لي فاتت عملت حاجز و ما خليت حتى وحدة تكسرو...حاجز كان يعزلني على سيلين و الصنف متاعها...أما إيمان كسرت إعتقادي و فكرة أنهم كلهم كيف بعضهم...يمكن لتوا معرفتش شنية لي يميزها عليهم..أما يكفي أنها تتصرف بتلقائية و تجري ورا أحلامها و أهدافها من غير ما تستنى حد...اللي عشتو مع سيلين قبل خلاني نشوف قداش كانت فارغة من الداخل..همومها تقتصر عليا أنا و كهو...لدرجة نسات روحها و مركزها و مبادئها...هلوستها و هبالها كانو كافيين باش يحطمو كلشي رغم إني عديت تنازلت و حاولت نصلح...أما ساعات فما حاجات أقوى من أنو الواحد يتنازل عليهم و يسمح فيهم و غفراني ليها خلاها تتمادى من غير ما تعمل حساب لحد فقت من سرحتي كي تحركت شوية...تحكي
إيمان:س..سيبني أمييير...أبعد عليااا
ضيقت عينيا مستغرب...متوقعتش باش تهتري بيه و هي في الحالة هاذي...مديت يدي شوية و حطيتها على خدها نحكي
أناإيمااان هيااا فيق تواا...حل عينيك
كبست عليها أكثر...حلت عينيها مروهجة...غزرتلي ندرا كيف تحكي
إيمان:ك..كنان
أنا:لاازمك تفيق توااا
غزرتلي ندرا كيف...جبدت يدي منها...هزت روحها شوية تحكي
إيمان:نحس في راسي رزين برشا
أنا:طبيعي خاطرك فقدت وعيك
هزت روحها شوية تقعدت و رجعت شعرها لتالي...تحكي
إيمان:كيفاش وصلت لهوني ؟ و شبيه الكرسي هذا هكا ؟
أنا:أنا جبتك لهوني و بالنسبة للكرسي طيحتو لتالي باش ترتاح في نومتك
إيمان:كيفاش جبتني لهوني ؟
أنا:حملتك
إيمان:أنت ؟
أنا:علااش كنت تستنى في حد آخر و لا كان لازمني نستناك لين تفيق
إيمان:أفففف منك قداشك عصبي...هذا الكل جرد سؤال الصبر يا ربي منك
هزيت حاجبي مستغرب من كلامها...تبسمت بالوقت تحكي
إيمان:شي...أنا منقصدش لي قلتو...من غير ما تغزرلي هكاا
أنا:باهي...كيفاش تحس في روحك توا ؟
إيمان:منعرفش والله...إحنا وين توا ؟
أنا:منعرفش...منجمتش نمشي قبل ما نعرف إذا إنتي تحسنت...ساعة حرارتك طالعة شوية
حطت يدها على جبينها و هزت عينيها في وجهي تحكي
إيمان:صحيح والله
أنا:شقولك نمشيو للكلينيك توا ؟
دارت عندي و غزرتلي مرعوبة...هزتلي براسها لا تحكي
إيمان:لااا...أنا لباس عليا...كلينيك شنية لي تحكي عليها
أنا:باهي هدي روحك..باش نمشيو توا...ساعة لازمك تاكل حاجة
إيمان:منحبش
أنا:باهي...ملا باش نشد ثنية الكلينيك...خلي هوما يهتمو بيك
إيمان:قاعد تهدد فيا ياخي ؟
أنا:الأمر يرجعلك
إيمان:بااهي
أنا:شنوة لي باهي ؟
إيمان:خلينا ناكلو مع بعضنا
أنا:صحيتك
إيمان:اللي صار باش يأخر موعد الجلسة ؟
أنا:لا...أصلا يفصل على الجلسة عشرين يوم من توا القاضي باش يسمع أقوالك و أقوال أمير مرة أخرى و باش يعاود يطلب تحقيق في اللي صار الكل...من الحادثة لإختفاء الأدلة
إيمان:بلكشي محبش يصدقني و لا رفض يسمعني
أنا:متخافش...المرة هاذي ماكش وحدك و حتى حد ما ينجم ياقف في وجهك
تبسمت و هزتلي براسها باهي...تكات لتالي و كبست على الفاست متاعي تحكي
إيمان:سكر الشباك متاعك زادة...ياسر برد هوني
هزيتلها براسي باهي و طلعت البلار...دورت راسها شوية و غزرتلي تحكي
إيمان:والله هكا مرتاحة خير
أنا:المهم معادش ترقد تواا
إيمان:علااش ؟
أنا:خاطر تنجم تتعب أكثر...شوية برد شوف شنوة عمل فيك
إيمان:خاطر معملتش حسابي لي الجو يكون بارد هكا
أنا:ملا لازمك تلبس بالقدا المرة الجاية
إيمان:إن شاء الله ميكونش هز أمي لبلاصة بعيدة
أنا:متخافش...الحكاية توا ولات مجرد وقت مش أكثر
إيمان:تعبتك معايا برشا...متوقعتش لي الأمور باش تمشي للأسوء بالطريقة هاذي
أنا:معادش نحبك تخمم بالطريقة هاذي...كان باش نكملو في الثنية هاذي مع بعضنا...لازمك ترفع التكلفة لي بيناتنا و متعاودش الكلام هذا مرة أخرى..باهي
تبسمت و هزتلي براسها باهي...خذيت نفس و خدمت الكرهبة..توا بالظبط حتى شي ماهو مهم من غير صحتها و نفسيتها و الباقي الكل يتحل مع الوقت.
#كنان_إيمان❤
VOUS LISEZ
صرخة صمت 🌬
Romantizm🌬🌬🌬 🌬 🌬 #صَرْخَةُ_صَمْتْ 🌬🌬🌬🌬🌬🌬 🌬هل جربت يوما ان تصرخ و انت تعلم ان ليس هناك من يسمعك...او ان تصرخ في داخلك من دون ان تنطق بحرف واحد ؟ 💔 💠 موضوع حكايتنا الجديدة...عكس لي قريتو عليه قبل...عكس انا لي كتبت عليه قبل...ماهيش حكاية جديدة علي...
