🔸️حلقة 63
🔸️إيهاب_يحكي:
شديت الفران و هزيت روحي نزلت...تكيت على الكرهبة و شيعت راسي لتالي...نغزر للنجوم في وسط السما الصافية...منعرفش علاش جيت هوني و لا علاش نحس في روحي مخنوق لهدرجة...يمكن بيني و بين روحي بديت نتقبل فكرة خسارتها و لي هي مستحيل ترجعلي...حتى انها ولات ملك راجل آخر راجل ينجم يمسها و يغوص في تفاصيلها...أما فرد وقت مزلت نحس في روحي بحاجة وجودها معايا و ريحتها لي تخليني نغفى و أنا مرتاح...نعرف روحي غلطت و تمردت عليها...كيما نعرف إني تأخرت برشا باش تداركت وضعي...أما رغم هكا فقدت كل فرصة تخليني نقرب منها و ناخوها في حضني مرة أخرى و نعتذر منها على كلشي خليتها تعيشو جرايري...كبست على تليفوني...و حليتو على الرقم متاعها...باقي ندور فيه بيدي...منعرفش علاش أول وحدة خممت إني نحكي معاها توا...يمكن هي الوحيدة لي تفهمني و لي نجم نحكي معاها في كلشي من غير ما نعمل حساب لشي...خذيت نفس و بعثتلها ميساج بالوقت << أنا بحاجة إني نحكي معاك توا>> كبست عليه في يدي نستنى في الرد متاعها...لي وصلني بعد دقايق قليلة حليت الميساج نقرا فيه << وينك توا ؟ >> تبسمت و بعثت العنوان بالوقت..خذيت نفس و عاودت تكيت لتالي...كبست على تليفون أكثر و تبسمت...منعرفش علاش حسيت روحي إرتحت بفكرة إني باش نشوفها
و نحكي معاها...غطست في أفكاري مرة أخرى و فقت من سرحتي...على صوت كرهبتها...دورت راسي شوية نغزرلها...نزلت و قربت مني شوية...حطت كيس صغير في يدي تحكي
سيلا:كنت باش نتعشى...عملت حسابك معايا..متأكدة أنك مكليتش لتوا
أنا:صحيح...يعطيك الصحة
سيلا:من غير مزية...محلاه المنظر من هوني...شبيني مزرتهاش البلاصة هاذي قبل ؟
أنا:والله حتى أنا جيت لهوني لأول مرة و حبيت البلاصة كيفك بالظبط
تبسمتلي و تكات على الكرهبة بجنبي...حلت الكيس متاعها...لي خلاني نعاندها خاطرني منحبش نردها غزرتلي تحكي
سيلا:نظن باش تولي البلاصة المفضلة عندي
أنا:هاني نفعتك بحاجة ملا
تنهدت بالقاوي و كبست على السندويتش في يدي غزرتلي تحكي
سيلا:إيهاب أنت لباس ياخي ؟
أنا:منعرفش صدقني...كلشي حبيت عليه أنو يكون فما حد بجنبي و إنتي الوحيدة لي نجم نرتاح معاها
سيلا
سيلا:الوقت باش يعاونك أنك تنسى إيهاب و تكون أقوى زادة...حتى أنا باش نكون بجنبك ديما
أنا:يمكن هذا لي أنا كنت بحاجتو ديما...أنو حد ياقف معايا و يقولي أنا بجنبك...صدقني منتذكرش قبل إني إعتمدت على حد في حياتي و لا حتى كنت بحاجة شكون يسمعني و لا يكون معايا...منعرفش شنية لي تبدل توا و لا علاش منجمش نتواصل مع أي حد غيرك إنتي...ظاهر مزلت باش توحل بيا و باش يوجعك راسك مني برشا
سيلا:صراحة لا...خاطر قبل شهور من توا...أنت كنت مجرد واحد من المتابعين عندي...أما توا إختلف الوضع...يمكن خاطرك أول واحد غريب يقتحم حياتي...بالمعنى الصحيح أنت الوحيد لي نجمت نشارك معاه جزء من الماضي متاعي و من مرضي صدقني...أنا عديت سنين طويلة عايشة وحدي إعتزلت عيلتي و أصحابي...الشي الوحيد لي كان يونسني هو الحالات لي نتابعها يوميا...ساعات كنت نفركس على دوايا بيناتهم...كنت نحاول نلقى مرهم لجروحي لي مزالت تنزف لتوا...ساعات الحياة ترفض تعطينا فرصة أخرى و ترفض باش تخلينا ننساو أما فرد وقت مجبورين نكملو الثنية...مهما كان الثمن
أنا:مقصدتش باش نحيرلك وجيعتك
سيلا:أنا تقبلها و نظن أنت وقيت باش تعمل نفس الشي...يمكن الوجيعة عندها فوائد زادة...مثلا عرفتنا على بعضنا
غزرتلهل بالوقت...تبسمت و ضيقت عينيها شوية تحكي
سيلا:مممم و عطاتنا فرصة باش نواجهو الماضي و نحكيو عليه بصفة عادية و حتى ليها الفضل في إني نكتشف بلاصة هكا
تبسمت بالوقت...خاطرني متوقعتش باش تاخو الامور الكل بالإيجابية هاذي...يمكن هذا الش الوحيد لي يخليني نحب نكون معاها...أنها تعاوني باش نتقبل الأمر مهما كان سيء...خذيت نفس و تبسمت نحكي
أنا:حتى ليها الفضل في أنو حد يستدعيني على عشا هكا
سيلا:بالله سي إيهاب...ياخي محبيتوش ؟
أنا:نظن هاذي أحسن دعوة تلقيتها لتوا
سيلا:باش تعرف قداش أنا صديقة جيدة و منجمتش ناكل من غيرك
مديت يدي شوية...مسحت شوية من آثار الصوص جنب شفايفها و تبسمت نحكي
أنا:هاني نشوف و منظنش باش نلقى صديقة خير منك...صحة ليا
تبسمت و نزلت عينيها من وجهي...خذيت نفس و عاودت تكيت لتالي...منعرفش علاش حسيت روحي تخلصت من الخنقة لي كنت نحس فيها بكري و إرتحت أكثر بوجودها معايا...شيعت راسها لتالي شوية تحكي
سيلا:تصدق هاذي أول مرة نحب نتحرر من الماضي نقصد أنو معادش نحب نعيش على ذكرياتي و كهو يمكن بالطريقة هاذي نرتاح أكثر
أنا:نعرفك قوية سيلا و باش تنجح...أما فما سؤال مقلقني
سيلا:نسمع فيك
أنا:شنية صار بخصوص مرضك ؟ يعني فما تطورات جديدة ؟
غزرتلي شوية و نزلت عينيها من وجهي...تحكي
سيلا:لااا حاليا مفما حتى تطورات...أما الدوا عاوني باش نتخلص من الوجيعة و هذا المهم بالنسبة ليا خاصة أنو عندي برشا خدمة الفترة هاذي
أنا:أما أكيد فما حل...يعني مش لازم تعدي بقية حياتك بالدوا...باش تتغلب على الوجيعة
سيلا:منعرفش...يمكن مفماش حل...هاني باش نعاود تحاليل في أقرب فرصة
أنا:تنجم تعلمني بالنتيجة مهما كانت
سيلا:أكيد
تبسمت و خذيت نفس طويل...منعرفش علاش لقيت
روحي مهتم بتفاصيلها...أما بالرسمي نحب نطمن عليها و منحبش نخسرها...خاطرها تعتبر أقرب وحدة ليا وسط الظروف اللي تعدات عليا الكل.
VOUS LISEZ
صرخة صمت 🌬
Romansa🌬🌬🌬 🌬 🌬 #صَرْخَةُ_صَمْتْ 🌬🌬🌬🌬🌬🌬 🌬هل جربت يوما ان تصرخ و انت تعلم ان ليس هناك من يسمعك...او ان تصرخ في داخلك من دون ان تنطق بحرف واحد ؟ 💔 💠 موضوع حكايتنا الجديدة...عكس لي قريتو عليه قبل...عكس انا لي كتبت عليه قبل...ماهيش حكاية جديدة علي...
