🔸️حلقة 49
🔸️إيمان_تحكي:
قعدت بجنب الشباك و حطيت تليفوني بجنبي...لتوا مفهمتش شنية لي صار و لا حتى علاش مطلبنيش كي العادة...أصلا منحبش نخمم في الفازة متاع أمس و لا علاش تصرف معايا بالطريقة هذيكا حتى مفهمتش علاش مرضت خالتي فاطمة و لا علاش تصرف مع سيلين بالطريقة هاذي...غزرت لملاك لي قعدت بجنبي تحكي
ملاك:وين سرحت ؟
أنا:هاو من بكري هوني و محاولش حتى يشوفني
ملاك:متأكدة أنك ما قتلو شي ؟
أنا:شعندي نقولو ملااك...هو حتى محبش يسمعني و خلى آدم يوصلني زادة
ملاك:والله حتى آدم محبش يحكي معايا في اللي صار
جيت باش نحكي أما سكت كي ريت كرهبة وقفت قدامو دارو...بعدت الريدو بالوقت...نغزر لمرا هابطة منها...كأني ريتها من قبل معاه أما شتعمل هوني ؟ غزرتلي ملاك تحكي
ملاك:شكون هاذي ؟
أنا:منعرفش...ريتها معاه مرة...أما منتذكرش وين
ملاك:ملا حاول تتذكر
زينب:شفما زادة ؟
هزيت عينيا في وجها...أما منجمتش نردلها...خاطر تفكيري الكل في المرا وين ريتها...هزيت روحي وقفت بالوقت...نحكي
أنا:ريتها معاه في الكافي...وقت كنت نخدم غديكا
ملاك:متأكدة ؟
أنا:متأكدة...حتى عندنا زيارة توااا...خلينا نفهمو اللي قاعد يصير
ملاك:زياارة شنية ؟
أنا:قووم ملااك...قوم...وينو أيمن ؟
أيمن:هووني
أنا:هيا ألبس الفاست متاعك
زينب:إيمااان فاش تعمل يااخي ؟
أنا:أنا و ملاك باش نطمنو على خالتي فاطمة
ملاك:طمنا عليها الصباح
غزرتلها باش تسكت...قربت مني أمي...تحكي
زينب:باهي مدام هكا باش نجي معاكم
أنا:لاا أمي خليك هوني...يكفي انك تعطيني شوية من فطاير لي عملتهم
هزتلي براسها باهي و دخلت للكوجينة...لبست الفاست متاعي و إستلمت الصحن منها...أول ما خرجت...وقفتني ملاك تحكي
ملاك:إيمان فاش تعمل ياخي ؟
أنا:منعرفش ملااك...أما نحب نتأكد إذا صارت حاجة و لا قاعد يتجنب فيا على خاطر حس روحو تسرع
ملاك:باهي و أيمن علاش تاخو فيه معاك ؟
قربت منو شوية و حطيت يدي على كتفو نحكي
أنا:أنت تعرف شنوة تعمل بالظبط...يعني من غير خالتي فاطمة ما تخلي حتى حد يقعد بجنبو
أيمن:باهي طمن
ملاك:بالله إيماان فاش قاعدة تخمم
أنا:منعرفش...يعني نحبو منعزل عليهم باش نجم نتحكم في روحي و نعرف نخمم
غزرتلي مستغربة...حطيت الصحن في يدها...نحكي
أنا:هيااا أسبقنا إنتي
ملاك:علاش أنا ؟
أنا:باش إذا حل هو الباب...ميقولش أنا جبتكم
ملاك:تدلل
خذيت نفس و خلطت عليها...دقت الباب...دقايق و حلت حنين...إستقبلتنا و شدت الصحن على ملاك خذيت نفس و دخلت لصالة...ضيقت عينيا مستغربة كي لقيتهم قاعدين جنب بعضهم..قرصت أيمن بالوقت و عاودت غزرتلو...هز راسو شوية...جات عيني في عينو...هديت روحي و كملت دخلت...قعدت بجنبها نحكي
أنا:شحالك توا ؟
فاطمة:أحسن عزيزتي...قاعدة نتحسن
دورت راسي شوية...نغزر لأيمن لي قعد في وسطهم حط يدو على كتفو يحكي
كنان:شحالك يا بطل ؟
أيمن:لباس عيشك...شكون هاذي ؟
كنان:ليلى
ليلى:أهلا بيك
أيمن:عيشك
كنان:و إنتي إيمان ؟
أنا:أنا شنوة ؟
كنان:شحالك ؟
أنا:لبااس عيشك و أنت ؟
كنان:لباس
ليلى:ياخي نعرفو بعضنا إحنا ؟
أنا:لاا...من وين باش نعرفك أنا
ليلى:كناان مش هاذي الطفلة لي كانت تخدم عند عم محمد
كنان:صحيح و توا ولات جارتنا و وحدة من العيلة
ليلى:إنتي محظوظة خاطرك سكنت في الحومة هاذي
أنا:عيشك
ليلى:نظن فما برشا حاجات باش نحكيو فيهم
كنان:أكيد
عديت عينيا على وجهو..وين حسيت أنو فما برشا كلام ورا غزرتو...خذيت نفس طويل نحكي
أنا:نظن جينا في وقت غالط...خلينا نمشيو أحسن
فاطمة:خليك إيمان...علاش حتى تمشي من توا
ليلى:خليك يمكن نتعرفو على بعضنا أكثر
هزيت عينيا في وجهو...تنهد بالقاوي من غير حتى كلمة...دورت راسي على صوت الباب...دخل آدم بالوقت أول ما شافها تبسم يحكي
آدم:ليلى عندنااا
ليلى:أهلا بييك آدم
قرب منها شوية سلم عليها...ضيقت عينيا كي مريتش ملاك و لي خرجت من الكوجينة كي سمعت صوتو وقفت تحكي
ملاك:آددم
جبد روحو من ليلى و قربلها بالوقت...وقف قدامها يحكي
آدم:صغرونتي هوني
ليلى:ظاهر صارت برشا تطورات في غيابي
آدم:عالأغلب
ملاك:معرفتناش على المدام
آدم:مدام ليلى...قرات معانا بكري
غزرت لكنان لي عدا يدو على شعرو...و هز روحو وقف...وقفت في جرتو نحكي
أنا:نشوفك غدوة خالتي...أنا باش نمشي توا...تصبحو على خير...هيا أيمن
فاطمة:تصبح على خير عزيزتي
أيمن:تصبح على خير مدام ليلى
ليلى:و أنت بخير عزيزي
قحرتلو...قرب مني بالوقت...شديتو من يدو و هزيت روحي خرجت معاه...خلطت علينا ملاك بالوقت غزرتلها نحكي
أنا:علاش خرجت إنتي ؟
ملاك:منعرفش...أما محبيتش الجو الداخل...خلي ليلى تنفعهم
أيمن:أنا حبيتها...يعني علاش خرجنا توا ؟
غزرتلو أنا و ملاك فرد وقت...دور عينيه علينا...يحكي
أيمن:أنا باش نرجع لدار توا
هرب يجري...خذيت نفس طويل و دورت راسي نغزر لآدم لي خرج و قرب منا يحكي
آدم:شبيكم خرجتو هكا ؟
أنا:أنا تاعبة و باش نمشي نرتاح
ملاك:و أنا باش نمشي معاها و موضوع ليلى باش نحكيو فيه غدوة عزيزي...أكا علاش من المستحسن تمشي توا و متبقاش هوني أكثر من هكا
آدم:تدلل يا روحي...عندك أوامر أخرى
ملاك:لااا...تصبح على خير
آدم:و إنتي بخير عزيزتي
نزل عليها و باسها من خدها على غفلة...تبسمت و سبقتها لدار...توا بالظبط منحبش نخمم في اللي صار خاطر توقعت ردة فعل أخرى منو...مش كوجودي كعدمو و مدام يحب ينسحب من العلاقة هاذي باش يصير لي يحب عليه...خاطر مستحيل نفرض روحي عليه و لا نحاول نفهم منو اللي صار أكثر من هكا.
#كنان_إيمان❤
VOUS LISEZ
صرخة صمت 🌬
Romance🌬🌬🌬 🌬 🌬 #صَرْخَةُ_صَمْتْ 🌬🌬🌬🌬🌬🌬 🌬هل جربت يوما ان تصرخ و انت تعلم ان ليس هناك من يسمعك...او ان تصرخ في داخلك من دون ان تنطق بحرف واحد ؟ 💔 💠 موضوع حكايتنا الجديدة...عكس لي قريتو عليه قبل...عكس انا لي كتبت عليه قبل...ماهيش حكاية جديدة علي...
