صرخة صمت 🌬

الحلقة الرابعة و الخمسون

🔸️حلقة 54
🔸️أمير_يحكي:
كبست على الستيلو في يدي و تكيت لتالي...نغزر لتصاورها في البيسي...لتوا نحس في روحي عاجز باش نتصرف...و لأول مرة منحبش نضرها...قد ما نحب نرجعها ليا من غير ما نخسرها و لا نبني حواجز أخرى بيني و بينها...فرد وقت مستحيل نعدي الحرب هاذي بالساهل و لا حتى نخليه...يدخل لحياتي بالبساطة هاذي و يفكلي حاجتي...فقت من سرحتي على صوت الباب...دخلت السكرتيرة تحكي
دنيا:سي أمير...فما وحدة إسمها عبير...تحب تشوفك
أنا:خليها تدخل
تبسمت على جنب و تكيت لتالي نستنى فيها...شوية و دخلت عندي...هزيتها و حطيتها نحكي
أنا:أهلا بيك عزيزتي
قحرتلي و قربت من البيرو شوية...وقفت مقابلتني تحكي
عبير:لازمنا نحكيو
أنا:في شنوة ؟
عبير:في كلشي
أنا:منظش الحديث معاك باش يفيد بعد توا...أصلا إنتي معادش تلزمني
عدات عينيها على وجهي من غير حتى كلمة...خذيت نفس و هزيت روحي وقفت...قربت منها شوية و وقفت قدامها بالظبط نحكي
أنا:قتلك و باش نعاودلك...إنتي كنت مجرد جسر عبور مش أكثر يا عبير...ياخي تستخايل لي أنا باش نحب وحدة كيفك ؟ ساعة غزرت لروحك في المرايا قبل ما تخمم تجيني لهوني...مفديتش و إنتي تذل في روحك بالطريقة هاذي ؟
هزت عينيها في وجهي...من غير حتى كلمة...أصلا هاذي أول مرة نشوفها بالهدوء هذا...ملامحها متبعدش برشا على إيمان...أما ماهيش كيفها و مستحيل تكون كيفها...وخرت خطوة لتالي تحكي
عبير:أنا حبلة
عديت عينيا على وجها من غير حتى كلمة...قلبي خض بالقاوي من الكلمة لي سمعتها...و نزلت بعينيا لكرشها لي كبست عليها بيدها في لحظة...دقايق عديتهم ساكت من غير ردة فعل مني على الشي لي سمعتو...كأني حبيت نستوعب كلامها أكثر...عاودت غزرتلها نحكي
أنا:متأكدة ؟
هزتلي براسها إيه و بعد عليا أكثر...كبست على كرشها تحكي
عبير:ملقيتش حل آخر من غير إني نخبرك و كهو خااطر كان يسمع بابا يقتلني عادي...الحل بين يديك توا...رغم نعرف أنك باش تجبرني نطيحو...أما للأسف معاد عندي حتى حل
أنا:علاش طيحو ؟ كيفاش تتوقع مني نقتل صغير متاعي أنا ؟
غزرتلي مستغربة...خذيت نفس طويل و قربت منها في لحظة...حطيت يدي على كرشها...وين حسيت بدقات قلبي قوات أكثر...إحساس غريب عليا...قاعد نحس فيه لأول مرة...يمكن الصغير هذا مش وقتو أما مستحيل نقتل قطعة مني مهما كلفني اللي باش يصير...جبدت روحها مني تحكي
عبير:ش..شنية لي يخليني نصدقك ؟ بلكشي تغدرني مبعد و تجبرني علىى حاجة أنا منحبش عليها..أميير أنااا مستحيل ناثق فيييك...مهما عملت معايااا
خذيت نفس طويل و عاودت قربت منها شوية نحكي
أنا:مش مهم تاثق فيا...إذا إنتي حبلة بالرسمي مستحيل نضرك و لا نضر الصغير لي في كرشك
عبير:و شنية المطلوب مني توا...نخبي على الناس الكل لي أنت بووه و نتحمل مسؤوليتو وحدي ؟
أنا:لااا...ولدي أنا لي نتحمل مسؤوليتو
عبير:كيفاش ؟ أميير أنا ما نجم نواجه حتى حد بالحكاية هاااذي...يزززي ما إستغليتني باش توصل لإيماان أمااانك
أنا:عبيير هدي روووحك ساعة و تو نحكيو في الموضوع و في حكاية الصغير زااادة
عبير:إذا كنت باش نحتفظ بيه...لازمك تعطيني وعد لي أنت ماااكش باش تفكو مني مهما صااار...مااكش باش تغدرني و تغدر ولدك أمييير
عديت عينيا على وجها...مخممتش في النقطة هاذي بالظبط...خاطرني مستحيل نخلي ولدي يتحرم من أمو كيما صا معايا بالظبط و لا نخليه يعيش نفس اللي تعديت بيه أنا قبل...خذيت نفس طويل و قربت منها شوية نحكي
أنا:إيجا أقعد ساعة
كبست على يدها قعدتها و قعدت بجنبها...نحكي
أنا:أغزرلي هووني...حبالتك ماهيش باش تبدل حقيقة أنو معادش حاجتي بيك...و لا باش تخليني نتنازل على إيمان زادة...أما تأكد أنك باش تبقى في حمايتي ديما و مستحيل نخلي حد يضرك و لا يضر ولدي وااضح كلامي
عبير:وين باش نمشي توا ؟ أنا ظطريت نكذب عليهم باش نجمت نقابلك اليوم
أنا:أنا باش نوفرلك كلشي تحتاجو هوني...إنتي و الصغير
عبير:معناها تحبني نتخلى على عيلتي..و منخبرهمش باللي قاعد يصير مش هكا ؟
أنا:منعرفش...أكيد مانيش باش نخمم في عيلتك زادة
عبير:أماا أنا باش نخمم...على خاطر صغيري لازمني نخمم في كلشي...حتى بوك...في رايك باش يقبل بالوضع هذا...يمكن أول واحد يحاول يحرمني منو
أنا:عبييير...مدااامك معاياا...حتى حد ماااهو باش يضرك و بابااا باش يتقبل الوضع هذا و الصغير زادة بالسيف عليه...أنا مستحيل نخليه يدخل في أي قرار يخصني و يخص حياتي
خذيت نفس طويل و مديت يدي شوية حطيتها على خدها...مسحت دموعها نحكي
أنا:يززي كهو...حاول ترتاح توا و ما تخمم في حتى شي
عبير:أنت لي وصلتني لهوني يا أميير..أنت لي خليتني نصدقك و نعفس على روحي و عيلتي و على إيمان زادة...أكااا علاااش متخلينيش نخسر أكثر من هكا متخلينيش نضيع جرايرك أنا و ولدي
أنا:باااهي...هدي رووحك توا و نوعدك أنو كلشي باش يكون لباس...إنتي و الصغير لي في كرشك زادة
هزتلي براسها باهي و قربت مني شوية..حطت راسها
على صدري...نزلت بيدي لظهرها و تنهدت بالقاوي خاطرني متوقعتش نسمع خبر كيما هذا منها و فرد وقت منجمش نتخلى على الصغير لي في كرشها مهما كنت خايب...مستحيل نكون كيما جابر و نحرم الصغير هذا من الحياة و لا من أمو زادة...و رغم نعرف أنها مشكلة كبيرة و باش تعرقلني أكثر خاصة بالنسبة لإيمان...أما توا بالظبط ما نحب نخمم في حتى شي قبل ما نوفرلها لي تحتاجو الكل و نطمن عليها هي و الصغير زادة...و بعدها نتفاضى للي حاجتي بيه و لي لازمني نوصلو في الأخير.
#عبير_أمير❤