🔸️حلقة 33
🔸️كنان_يحكي:
بقيت نغزرلهم من غير حتى حركة...فاش يعمل هوني و معاها ؟ صحيح حسيتها تاعبة أما مش لدرجة أنها تطلبو فقت من سرحتي كي قربت مني تحكي
حنين:كنان لباس ماهو ؟
أنا:حنين ميسالش نأجلو الخرجة هاذي لنهار آخر خاطرني منجمش نتجاهل حالتها أكثر من هكا
حنين:متنجمش تجاهل قربها منو...هيا برا طمن عليها مدامني جيت بكرهبتي...نكمل قضيتي و نمشي عند أمي فاطمة
أنا:باهي عزيزتي
خذيت نفس طويل و قربت منهم شوية...مدامها قريبة منو لهدرجة معناها ماهيش قد بعضها...خاطرني نعرفها ما تخلي حتى حد يقرب منها...غزرتلو نحكي
أنا:شفما هووني ؟
نزار:حتى شي...هاني باش نهزها أنا و تنجم تطمن عليها مبعد...خاطر حالتها متسمحش باش نبقاو هوني برشا
مديت يدي شوية و جبدتها من حضنو...دوب غزرتلي و حاولت تفك روحها تحكي
إيمان:س..سيبني فاش تعمل ؟
أنا:هيا إيجا باش نمشيو
إيمان:منحبش
نزار:سي كنااان...اللي تعمل فيه توااا غاالط...ياخي ماكش تشوف في حالتها
أنا:يكفي أنك تبقى بعيد عليها
جبدتها عندي أكثر و هزيتلها راسها شوية...نحكي
أنا:شبيك ؟ صارت حاجة أنا منعرفش بيها ؟
دموعها هبطو أكثر...لدرجة إستغربت حالتها...نزلت راسي شوية نغزر ليدها لي محطوطة على كرشها من بكري جبدت روحها شوية تحكي
إيمان:نحب نمشي من هوني و كهو
أنا:باهي خلينا نمشيو ملا
إيمان:لااا...هاني باش نمشي مع نزار
جيت باش نحكي أما سكت...كي حسيت بيها فقدت توازنها...كبست على يدها بالوقت نحكي
أنا:إيماان
نزلت راسي شوية نغزرلها...فقدت الوعي تقريبا...كبست عليها أكثر و هزيتها في حملتي...خلط عليا و حلي الباب يحكي
نزار:هذا الكل جراير عنادك
قحرتلو و خلطت عليها...حاولت نفيقها...دوب حلت عينيها و كبست على كرشها...عديت يدي على شعرها نحكي
أنا:إيمان...شنية يوجع فيك عزيزتي ؟
إيمان:حتى ش..شي
كبست على دبوزة الما و شربتها منها شوية...نحكي
أنا:هاني معاك توا...متخافش عزيزتي
كبست على يدها لي حسيتها باردة بصفة غريبة و خدمت الكرهبة...منعرفش على روحي كيفاش غفلت عليها لدرجة منحبش نخمم في الإحتمالات اللي كانت باش تصير و لا حتى كيفاش وصلت للكلينيك...كرزت أكثر كي ريتو خلط عليا...أما ظطريت نسكت...خاطر مخي مش فوقي...و منجمتش نتحرك من بقعتي...أول ما خرجت الدكتورة قربت منها نحكي
أنا:لباس توا ؟
هي:لباس متخافش
أنا:ملا من شنية كانت موجوعة
دورت راسي شوية...لقيتو مركز معانا...عديت يدي على وجهي نحكي
أنا:فهمني على إنفراد يكون أحسن
هي:حضرتك راجلها ؟
هزيتلها براسي إيه من غير ما نخمم مرتين..و بعدت عليه شوية...نسمع فيها تحكي
هي:مرتك لباس...جيست الدورة جاتها قوية...يكون أحسن إذا شافت مختصة نسائية إذا كان أول مرة يصير معاها هكا
أنا:باهي...نجم نشوفها توا ؟
هي:أكيد و كان مفماش مانع من غير ما تخبر السيد لي معايا السبب لي خلاها توصل لهوني
هي:باهي طمن
خذيت نفس و رجعت لتالي...حليت الباب و دخلت عندها لقيتها دوب بدات تفيق...قربت منها شوية و قعدت بجنبها نحكي
أنا:لباس توا ؟
إيمان:فاش نعمل هوني ؟ وين نزار ؟
أنا:خليتو برا...نزل ظغطك أكا علاش جبتك لهوني
غزرتلي مستغربة..منجمتش نقول السبب و ندخلها بعضها أكثر...من غير شي خدودها باش يطرشقو...خلي تزيد تحشم و معادش توريني وجها جملة...هزت روحها شوية تحكي
إيمان:أنا لباس توا...نحب نخرج من هوني
كبست على يدها و رجعتها لتالي...جات عيني في عينها خذيت نفس نحكي
أنا:خليك إيمان...عالأقل لين يكمل السيروم و بعدها نوصلك لدار
إيمان:مش لاازم...نجم نمشي وحدي
أنا:كان جا مش لازم متطلبش نزار
إيمان:شمدخلك أنت ؟
أنا:بالله ملا كان عرف هو بحالتك أحسن ؟
قحرتلي و دورت وجها...نفخت بالقاوي...على أساس مانيش باش نحكي على حالتها...عديت يدي على شعري نحكي
أنا:أغزرلي هوني
إيمان:نحب نبقى وحدي
كبست على يدها...لي خلاها تغزرلي بالوقت...مديت يدي لأخرى و بعدتلها خصلات شعرها لتالي نحكي
أنا:منقصدش لي صار...زيد إنتي طلبت مني نبعد عليك و أنا إحترمت رغبتك...يعني كان عرفت أنو حالتك باش تسوء أكثر مستحيل نخليك لحظة
إيمان:ميسالش أنا نحس في روحي لباس توا...تنجم تمشي على روحك...من غير ما تتعطل جرايري أكثر منها
تبسمت و كبست على يدها أكثر...خاطر بالرسمي متوقعتهاش تتعب لهدرجة...زيد مفهمتش تقحيرتها لي محبتش تفارقها...عديت عينيا على وجها نحكي
أنا:كلشي ينجم يستنى في حضورك...زيد هاذي آخر مرة تطلب نزار و أنا موجود
إيمان:كناان
أنا:مممم
إيمان:ياااخي وليت تعاني من الزهايمر زادة...قبيل طلبت مني نحكي معاه و توا معادش يعجبك...ياخي باش تمشيني كيما تحب أنت
ضحكت و نزلت بصوابعي على خدها...نحكي
أنا:نظن لي إحنا حكينا في الموضوع هذا من قبل...عالأقل محسوب إحنا أصحاب توا
إيمان:وااضح برشا
أنا:حقك عليا المرة هاذي...حاول ترتاح شوية...لين نخرجو من هوني
إيمان:قتلك منحبش نجي معاك
أنا:تو نرجع
بستها من يدها و هزيت روحي خرجت...لقيتو مزال واقف برا...دوب تبسمت نحكي
أنا:لباس عليها توا...تنجم ترتاح
خليتو ورايا و رجعت لبيرو الطبيبة خذيت الوصفة من عندها و كملت بقية الإجراءات بالزربة...منحبش نخليها هوني أكثر...خاطرني نعرفها متحبش الجو هذا...فرد وقت منحبهاش تبقى قريبة منو لهدرجة...خاصة بعد اللي صار الكل...مهما كانت الظروف مانيش باش نخليه يقرب منها أكثر من هكا.
#إيمان_كنان❤
VOUS LISEZ
صرخة صمت 🌬
Lãng mạn🌬🌬🌬 🌬 🌬 #صَرْخَةُ_صَمْتْ 🌬🌬🌬🌬🌬🌬 🌬هل جربت يوما ان تصرخ و انت تعلم ان ليس هناك من يسمعك...او ان تصرخ في داخلك من دون ان تنطق بحرف واحد ؟ 💔 💠 موضوع حكايتنا الجديدة...عكس لي قريتو عليه قبل...عكس انا لي كتبت عليه قبل...ماهيش حكاية جديدة علي...
