🔸️حلقة 89
🔸️إيمان_تحكي:
وقفت مترددة..للحظة حسيت روحي تسرعت بقراري
و مكانش لازمني نعمل هكا..أصلا مفما حتى سبب يخليني نطلب باش نقابلو بعد اللي عملو فيا الكل قرب مني شوية و حط يدو في يدي...كبس عليا يحكي
كنان:إيمان...مش لازم تقابلو يا روحي
أنا:ميسالش كناان...يمكن المرة هاذي يجاوبني على أسئلتي و يخليني نرتاح
كنان:أسمعني...رد باالك تظغط على روحك و لا حتى تخليه يأثر فيك وااضح
أنا:متخاافش عليا...ماهوش باش يأثر فيا...مش بعد القوة لي خذيتها من حبك ليا كنان
تبسم و نزل عليا شوية...باسن من جبيني...يحكي
كنان:نستناك هوني يا روحي
هزيتلو براسي باهي و غزرت للحارس لي مد يدو و حلي الباب...غزرت لكنان لي طمني بغزرتو و دخلت قربت بخطوات ثابتة لطاولة و قعدت...كبست على يديا زوز محاولة مني باش نهدي روحي...طلعت راسي مع صوت الباب لي تحل بالوقت و جات عيني في عينو قلبي خض بالقاوي...لدرجة حسيت أني جمدت في بقعتي و الكلام ضاع مني...حالتو كانت مختلفة على كل مرة ريتو فيها..الحاجة الوحيدة لي متبدلتش فيه...هي غزرتو...قرب مني بخطوات ثابتة و قعد مقابلني...دقايق الصمت طالت بيناتنا و الأسئلة لي حضرتها ليلة كاملة...حسيت روحي نسيتها و مشاعري اللي عشت بيها طول السنين لي فاتت معاه حضرت قدامو...وين لقيت نفس السؤال لي عشت بيه السنين هاذي الكل يدور في مخي...علاااش ؟ نحب على سبب واحد منو...يخليني نرتاح و ننساه مع الماضي...فقت من سرحتي مع صوتو يحكي
حازم:متوقعتش باش نشوفك مرة أخرى إيماان
كبست على يديا زوز و هزيت عينيا في وجهو..يمكن هاذي أول مرة نقعدو مقابلين بعضنا بالطريقة هاذي و بالقرب هذا زادة...خذيت نفس طويل نحكي
أنا:و لا أنا توقعت باش نتنازل و نجي نشوفك
حازم:شحالكم ؟
أنا:أفضل من قبل
هزلي براسو باهي و عدا يديه زوز على وجهو..يحكي
حازم:مهما عملت و مهما قلت توا...باش يكون زايد في سبيل إني نصلح اللي عملتو طول السنين لي فاتت
أنا:الشي الوحيد لي خلاني نجي لهوني...هو سؤال واحد...حتى حد ما ينجم يجاوبني عليه غيرك
غزرلي من غير حتى كلمة...خذيت نفس و كملت نحكي
أنا:علااش ؟ علااش عملت فيا هذا الكل ؟ علاش عمرك ما حبيتني و لا إعتبرتني بنتك و قطعة منك تكلم علااااش...لمرررة وحدة في حياااتك تصرف كيما العباااد و خبرني علاااش...أعطيييني سبب واااحد يبردني و يخليني ننسى الماااضي لي عشتو معاااك
ضربت يدي على الطاولة من غير ما نحس...نزل عينيه من وجهي و دور راسو...سكت شوية و عاود غزرلي يحكي
حازم:معنديش جواب
ضحكت و رجعت شعري بيديا زوز لتالي...نحكي
أنا:معندكش جواب...ياخي أنت عيشتني هذا الكل من غير سبب ؟ ملااا كان فما سبب شنوووة كنت باش تعمل فيااا...أنت حررمتني من كلشي باباااا..أنت حرمتني من حضننك و من قرايتني و من أحلااامي حررمتني من الأماان..حتى أنك وقفت مع أمير ضددي...كنت تضرب أمي باااش توجعني و تقهرني و هذا الكل من غييير سبب ؟ أنااا بنتك راااني...بنتك من لحمك و دمك...شنية عملتلك باااش تكرهني لهدرجة ؟
حسيت روح هبلت في لحظة حتى دموعي منجمتش نتحكم فيها...كبس على يديه زوز فوق طاولة و غزرلي يحكي
حازم:منحبش نجاوبك...خاطرني منحبكش تكرهني أكثر إيمان...منحبكش تحقد عليا...خاطرني حاقد على روحي بعد اللي خليتك تعيشو إنتي و أمك...أنا وقت ريت زينب أول مرة...منجمتش نحيها من مخي حبيتها لدرجة إني منجمتش نتخلى عليها و لا حتى نستناها تكبر باش ناخوها...حاولت نكون كيما تحب و تحلم هي..أما صار العكس...خاطرني ولا مرة حسيت أنها بحاجتي و لا حتى حسيت بحبها ليا..وين لقيت روحي عبد آخر...و رغم إني كنت نكره روحي في كل مرة نحط يدي عليها أما منجمتش نتراجع عاللي نعمل فيه جملة
أنا:ب..باهي و أنا ؟ أنا شنية ذنبي وسط هذا الكل ؟
حازم:زينب وقت حبلت بيك...وليت إنتي السبب اللي يخليها ترضى بكلشي و السبب اللي يخليها قاعدة معايا بالسيف عليها...أكا علاش مكنتش نجم نقربلك خاصة وقتها حسيت أنك فكيتها مني و معادش تهتم بيا إذا كنت باش نتبدل و لا لا..كانت تخاف مني حتى وقت نهزك بين يديا و لا كي نلعب معاك...إنتي كنت خط أحمر بالنسبة ليها...كلشي كان ليك وحدك إيمان...ضحكتها...حنانها...خوفها...أحلامها..لي ما كان فيهم حتى حد غيرك
بقيت نغزرلو من غير حتى كلمة...مد يدو يمسح في دموعو لي هبطت...متوقعتش أنو يحبها لهدرجة لدرجة أنو كره وجودي خاطرني حرمتو منها...خذيت نفس و هزيت روحي وقفت..وقف في جرتي و غزر لكرشي مصدوم يحكي
حازم:إنتي حبلة ؟
أنا:إي...أما الفرق الوحيد بنتي ماهيش باش تعيش لي عشتو معاك أنا جملة
حازم:سااامحني...كونك خير مني و سامحني..خاطر معنديش من غير الكلمة هاذي و صدقني باش تبقى الحرقة الوحيدة في قلبي لي مانيش باش نسامح روحي عليها
أنا:ربي يسامحك
وخرت خطوة لتالي باش نمشي و عاودت تلفت عندو نحكي
أنا:الجلسة بعد يومين...يا ريتك المرة هاذي تبرأني من إتهامك ليا...خاطر اللي عملو أمير أصلان ما يجي حتى شي قدام شهادتك ضدي
هزلي براسو باهي..دورت وجهي و زربت في خطواتي أكثر...دقيت الباب بكل قوتي..أول ما تحل قربت منو و دخلت في حضنو...كبس عليا يحكي
كنان:لباس يا روحي ؟
أنا:هزني عند أمي كناان..نحب نرقد عندها شوية
غرس يدو في شعري أكثر و باسني من راسي..دورت يديا على ظهرو و كبست عليه..يبقى هو بر الأمان لي يخليني ما نخاف من حتى شي في الدنيا...جبدت روحي منو شوية بعد ما حسيت روحي هديت حاوط وجهي بيديه زوز يحكي
كنان:عملك حاجة ياخي ؟
أنا:ل..لا...أما نحب نمشي عند أمي توا أماانك
كنان:باهي يا روحي...حاول تاخو نفس ساعة
باسني من جبيني و كبس على يدي...خلطت عليه من غير حتى كلمة...حلي الباب ركبت...حطيت راسي على البلار نسترجع في كل كلمة قالها...لدرجة محسيتش بالوقت كيفاش تعدا و لاوحتى كيفاش وصلنا للحومة...كبس على يدي يحكي
كنان:إيماان...متأكدة تحب تشوفها توا ؟
هزيتلو براسي إيه و حليت الباب نزلت...زربت في خطواتي لدار...بعد ما تأكدت انو المطعم مسكر...حتى أنو خلط عليا مروهج و مش مستوعب اللي صار دقيت الباب بالقاوي...حلي أيمن يحكي
أيمن:شبيك إيمان ؟ شفما ؟
أنا:أ..أمي وينها ؟
أيمن:في بيتها
دخلت نجري و حليت الباب...خبات لي في يدها ورا ظهرها و غزرتلي تحكي
زينب:إيماان ؟ شفمااا عزيزتي...شبيك ؟
بقيت نغزرلها من غير حتى كلمة...الحروف وحلت في حلقي و منجمتش نقرب منها...حطت اللي في يدها من خوفها عليا و قربتلي تحكي
زينب:إيمان يا روحي شفما ؟ ياخي تعاركت مع كناان ؟ شبي بنتي ؟
جيت باش نحكي أما دموعي سبقتني...هبطت ورا بعضها...لي خلاني نضيع ملامحها...عنقتني بالوقت و كبست عليا...دورت يديها زوز على ظهري...و الشهقة لي كنت نشد فيها من بكري غلبتني...و منجمتش نقص عليها...قوات أكثر...كي ريت زوز روبات من الصوف على سريرها...واضح أنهم لبنتي و بنت ملاك دموعي قوات أكثر...لدرجة إني منجمتش ناقف على ساقيا...نزلت معايا على الأرض تحكي
زينب:يا إيماان شبيك ؟ فهمني يااا روحي...شنية صااار...راجلك وينو ؟
كبست على يدها بيديا زوز...دوب نجمت ناخو أنفاسي و أنا نحكي
أنا:س..سااامحني...سااامحني...سااامحني على كلشي عشتووو جرااايري...سااامحني على كل لحظة قهررر عشتها بسببي...سااامحني خاطرني كنت السبب في العذاب لي خلاك تعيشو...م..مكنتش نعرف مكنتش نعرف أنو كااان يحقر فيك و يعاااملك بالطريقة هذيكا بسببي...مكنتش نعرف والله...أمممي سااامحني...سامحني خاطرني كنت نزيييد عليك و نحملك سبب معيشتنا بالطريقة هذيكااا...أنا كنت خااايبة كيفو هو...خاااطرني سمحت لروحي في إني نصيح عليك و منخليكش تقربلي...أمااانك ساامحني
كبست على يدهاا أكثر و نزلت نبوس فيها...كل لحظة خايبة عاشتها معاه...تعدات قدام عينيا...كل ضربة كلاتها منو تعاودت في مخي...تذكرت عدد المراات لي كان يخرجنا فيها للجنينة في أيامات البرد...وين كانت تنحي دبشها و دفيني...و عدد المرات لي كانت تتحمل عصبيتي الزاايدة و تصرفااتي من الظغط ل كنت نعيش فيه...كبست عليها أكثر...نحكي
أنا:أ..أنا منستهلش...أم كيفك إنتي...م..منستهلش الحب و التضحيات لي قدمتهم على خاطري...يا ريتني مكنتش موجودة...يمكن راهو مضركش و عذبك لهدرجة...أصلاا إنتي كيفاش تحملت هذا الكل جرااايري...كيفاش نجمت تضحي برووحك هكا أمييي
قربت مني أكثر و عنقتني بالوقت...كبشت فيها بكل قوتي...للحظة خفت من إني نخسرها و نعيش من غيرها..دموعها لي طاحت عليا حرقتني أكثر...باستني
من راسي تحكي
زينب:إنتي قااابلتوو ؟
هزيتلها براسي باهي...غرست يدها في شعري..تحكي
زينب:إنتي ما عندك حتى ذنب في اللي عشتو بكري معاه...أنا منجمتش نحبو و كنت رافضة فكرة عرسي لي أجبرني عليها عمي...باش يتهنى من الحمل لي عليه...و إنتي كنت العوض ليا إيماان...كنت الحاجة لي تخليني نتحمل كلشي و نقاوم كلش زادة...أنا كنت نغرس أحلامي لي معشتهاش فيك إنتي...كنت الأمل الوحيد في حياتي يا روحي...ساعة أنا كنت عاذرة تصرفاتك قبل...كنت نعرف الظغط لي تعيش فيه خاطرني تعديت بيه أنا زادة...يزززي معاادش تلوم روحك على حاجة إنتي معندكش ذنب فيها...أنسى الماضي الخايب الكل...توا عندك عيلة و باش تولي أم زادة...حتى العوض متاع الدنيا الكل لقيتو في كناان
أنا:م..مستحيل نكون أم كيفك إنتي
زينب:والله باش تكون أحسن مني زادة...ساعة وعدتني قبل باش تكون قوية ديما...علاش هكا تضر في روحك و في بنتك
أنا:مش قبل ما تسامحني
زينب:مفما حتى شي نسامحك عليه...إنتي روحي و قطعة مني...كان تطلب عمري نعطيك...معاادش نحب نشوفك في الحالة هاذي جملة
أنا:و أناا نحبك أمي...نحبك أكثر من روووحي
كبست عليها أكثر و غرست وجهي في صدرها نحكي
أنا:نحب نرقد عندك...كيما بكري
كبست عليا و مدت يدها تعدي فيها على شعري لدرجة إني منعرفش كيفاش هديت و غفيت بين يديها...حليت عينيا بعد ساعات على سريرها...و هزيت راسي شوية نغزرلو...تقعدت شوية نحكي
أنا:وينها أمي ؟
كنان:والله بالسيف باش وافقت تخليني ناخو بلاصتها...إيجا عندي تراه
قربت منو شوية و حطيت راسي على صدرو...باسني من جبيني و عدا يدو على كرشي يحكي
كنان:كيفاش تحس في روحك توا ؟
أنا:أحسن...أمي بكري قالت أنو ربي عوضني بيك
هزيت راسي شوية...عديت عينيا على وجهو و كملت نحكي
أنا:قتلك قبل لي أنا نحبك برشا كناان ؟ أنت كنت كل أحلامي لي رسمتها في الماضي
مد يدو شوية و بعدلي خصلات شعري لتالي يحكي
كنان:الأصح أنو العوض كان إنتي...إنتي بحد ذاتك حلمة بالنسبة ليا إيمان...ساعة باش نعترفلك بسر صغير...أنا لتوا نخاف كي نفيق صباح و منلقاكش بجنبي و تطلع حياتي معاك الكل مجرد حلمة
أنا:ماكش باش تتخلص مني جملة
ضحك و نزل عليا شوية...باسني من شفايفي و عنقني بالوقت...كبست عليه بيديا زوز و دخلت في حضنو أكثر.
#إيمان_كنان❤
VOUS LISEZ
صرخة صمت 🌬
Romance🌬🌬🌬 🌬 🌬 #صَرْخَةُ_صَمْتْ 🌬🌬🌬🌬🌬🌬 🌬هل جربت يوما ان تصرخ و انت تعلم ان ليس هناك من يسمعك...او ان تصرخ في داخلك من دون ان تنطق بحرف واحد ؟ 💔 💠 موضوع حكايتنا الجديدة...عكس لي قريتو عليه قبل...عكس انا لي كتبت عليه قبل...ماهيش حكاية جديدة علي...
