🔸️حلقة 68
🔸️إيمان_تحكي:
حطيت يدي على جنبي و هزيت روحي تقعدت...نغزر للباب لي تحلت...ضيق عينيه مستغرب و قرب مني يحكي
كنان:إيماان فااش تعمل ياخي ؟
أنا:لباس عليا كنان...هاني نستنى فيك من بكري ياخي مزال باش تخرجني من هوني
كنان:مش قبل ما تنقص صحة راسك يا روحي
أنا:كنااني...والله لباس عليا...زيد أنت قتلي باش نكمل الإجراءات و نرجع...شبيك لتوا ؟
كنان:هاني كملتهم و تعديت لدكتور متاعك زادة..أكيد مانيش باش نخرجك قبل ما نتأكد لي إنتي باش تكون لباس
أنا:باهي...إيجا عندي
مديتلو يدي...قرب مني شوية...كبس عليا و باسني منها يحكي
كنان:متأكدة لي إنتي لباس ؟
هزيتلو براسي إيه...كبست على يدو و وقفت وين دخل بعضو أكثر...تبسمت نحكي
أنا:والله لباس عليا سي كناان...زيد خوفك الزايد هذا باش يخليني ندلل عليك أكثر
كنان:أش خص يا روحي...ياخي أنا عندي غيرك
أنا:و ماهوش باش يكون زادة
قربت منو أكثر و بستو جنب شفايفو...عنقني و عدا يدو على شعري يحكي
كنان:عيش بنتي
تبسمت و كبست عليه أكثر...عدا يدو على ظهري و جبد روحو شوية يحكي
كنان:هيا خلينا نمشيو
هزيتلو براسي باهي...وخر لتالي و جابلي كبوطي لبستو...غزرتلو نحكي
أنا:شبيها أمي مرجعتش عندي ؟
زينب:هااني يا روحي
تبسمت كي ريتها دخلت و نزار وراها...قربت مني و عنقتني...فرحت عاللخر...خاطر وجودها معايا يهديني و يخليني نحس بالأمان...كبست عليها نحكي
أنا:لباس أمي ؟
زينب:مدام بنتي لباس...أنا لباس زاادة
نزار:حمد الله على سلامتك
أنا:عيشك نزار
هزيت راسي شوية...غزرت لملاك و أيمن لي دخلو مع بعضهم و آدم وراهم...قربت مني و شدتني من يدي تحكي
ملاك:فرحت برشا برجوعك لينا
أنا:ربي يخليك ليا يا روحي
آدم:كيفاش خلاك سي كنان تاقف على ساقيك ؟
أنا:أنا لباس والله...زيد أنت شبيك تذكر فيه لي أنا واقفة على ساقيا
آدم:نعمل في واجبي مرت خويا
تبسمت بالوقت...خاطر قبل شهور من توا قال نفس الكلمة و متوقعتش حتى لحظة أنها تتحقق...غزرت لكنان لي قرب مني شوية و حط الكاشكول على رقبتي يحكي
كنان:كان مفماش مانع...نخطف مرتي توا...خاطر تستنى فيها ثنية طويلة
زينب:بااهي...رد بالك عليها و متخليهاش تاكل حاجات باردة...هاك تعرف عنادها
أنا:أمممي
كنان:تهنى زينب...مانيش باش نخون أمانتك مرة أخرى
زينب:عيشك كنان
نزل عليا شوية باسني من خدي و همسني في وذني يحكي
كنان:خلينا نهربو من هوني
تبسمت و هزيتلو براسي باهي...كبس على يدي و خرجني معاه...خلطو علينا بالوقت...حلي الباب ركبت بعد ما ودعتهم...خلط عليا بالوقت...تكيت لتالي نحكي
أنا:و أخيييرااا باش نرتاح من الكلينيك هاذي
كبس على يدي...باسني منها و خدم الكرهبة يحكي
كنان:أما ماكش باش تخلص مني بالساهل مدامك مزلت مريضة
أنا:والله أنا مرتاحة بوجودك معايا و باش نحاول ننسى كلشي عشتو نهارتها
شد الفران على جنب و تلفت عندي شوية...عدا صوابعو على خدي يحكي
كنان:صدقي إيماني...مستحيل نخليها تفلت مني بالساهل...بعد اللي صار فيك
جيت باش نحكي...كبس على شفايفي بالوقت و كمل كلامو
كنان:نجمت نتوقع حجم الخوف لي خلاتك تعيشو و اللي ماكش باش تتخلص منو بالساهل بعد ما هدت عليك بالطريقة هاذيكا...أكا علاش كان تحبي نخرجو منها...نمشيو للفيلا و لا حتى نشري بارتمان أخرى
كبست على يدو و حطيت يدي لأخرى على خدو نحكي
أنا:لااا...خاطر قبل الحادثة...الداى هاذيكا جمعت بيناتنا كناان و عشنا تفاصيلنا فيها حتى لو مش برشا أما منحبش نخرج منها...أنا باش نكون لباس و أنت معادش تلوم روحك أكثر من هكا...باهي
بستو من شفايفو قبل ما يجاوبني...و كبست على خدو نحكي
أنا:نحبك كنان...صدقني أنت أحلى حاجة صارت في حياتي الكل
كنان:و أنا نموت عليك يا روحي...ساعة نسيت باش نقلك...أني حبيت هديتك برشا...حتى و أنها فسدت شوية
أنا:كنت باش نخليها مفاجأة...و غاضتني برشا كي قطعتها
كنان:نعرف يا روحي...كيما متأكد باش ترسم أحلى منها
أنا:إن شاء الله كناني
باسني و عاود خدم الكرهبة...تكيت لتالي و كبست على يدو...استغربت كي حسيت الثنية طوالت غزرتلو نحكي
أنا:كنان ياخي الكلينيك بعيدة برشا على دارنا ؟
كنان:تعبت ؟
أنا:لا مجرد سؤال و كهو
كنان:باهي...صراحة مانيش باش نهزك لدارنا توا
أنا:ياخي باش نقعدو عند أمي فاطمة ؟
كنان:لااا
أنا:ملا وين باش نمشيو ؟
كنان:والله بعد الأحداث لي صارت...نحب نبعد بيك شوية...لبلاصة ما فيها حتى حد غيرنا...لين ترتاح على الأقل
أنا:و خدمتك ؟
كنان:معنديش جلسات في الأيامات هذوما و باقي الخدمة جبتها معايا...كيما حضرت الفاليز متاعنا و لي نحتاجوه الفترة هاذي
أنا:معناها ماكش باش تخليني وحدي جملة
كنان:والله هذا اللي باش يصير عزيزتي...لازمك تتحملني شوية
ضحكت بالوقت و هزيتلو براسي باهي...نحكي
أنا:شعندي نعمل...مدامك راجلي باش نتحملك بالسيف عليا
كنان:بالله ؟
أنا:والله
ضحك و عدا صوابعو على خدي...تبسمت و سرحت مع الثنية...حتى أنا نتوقع لي باش تكون فكرة باهية خاطرني بحاجتو جنبي و معايا بعد اللي تعدينا بيه الكل...مديت يدي شوية و نزلت البلار...توحشت نسمة الصباح كأني عديت شهور في الكلينيك مش 3 أياام...غمضت عينيا نتحسس في الهوا لي ضرب على وجهي...نعرف أنو اللي تعدا عليا مش ساهل...أما باش نعتبرها تجربة جديدة و لازمني نتعداها...خاصة أنو عيلتي كبرت أكثر...مجبورة باش نبقى قوية و نتحدى الماضي و اللي يستنى فيا و كل شخص يسعى باش يدمرني و لا يدمر عيلتي زادة.
#إيمان_كنان❤
VOUS LISEZ
صرخة صمت 🌬
Romance🌬🌬🌬 🌬 🌬 #صَرْخَةُ_صَمْتْ 🌬🌬🌬🌬🌬🌬 🌬هل جربت يوما ان تصرخ و انت تعلم ان ليس هناك من يسمعك...او ان تصرخ في داخلك من دون ان تنطق بحرف واحد ؟ 💔 💠 موضوع حكايتنا الجديدة...عكس لي قريتو عليه قبل...عكس انا لي كتبت عليه قبل...ماهيش حكاية جديدة علي...
