🔸️حلقة 65
🔸️كنان_يحكي:
مديت يدي شوية و عديت صوابعي على خدها..أصلا من بكري ضايع في ملامحها...لتوا مش مصدق اللي صار رغم إني خوفي عليها قعد يكبر في كل لحظة تتعدا علينا..نعرف أنو اللي عاشتو قبل مش ساهل حتى خبرتها معدومة...أما اللي عشتو معاها ليلة أمس ما عشتو مع حتى حد غيرها...حتى سيلين...خاطر من غير العرس مكانتش تجمعني بيها مشاعر كاملة و لا حتى حسيت أنها المرا المناسبة في حياتي و تأكدت من هذا الكل بعد ما خرجت إيمان في طريقي خذيت نفس و نزلت بصوابعي لشفايفها...حلت عينيها شوية..تبسمت و بعدتلها خصلات شعرها لتالي نحكي
أنا:إيجااا عندي ترااه
قربت مني شوية و دخلت في حضني...حاوطتها بيديا زوز و بستها من راسها نحكي
أنا:صباح الحب
حطت يدها على جنبي من غير ما تحكي معايا جبدت روحي شوية و نزلت عليها...بستها من خدها نحكي
أنا:شبي صغرونتي ؟
إيمان:خليك معايا
أنا:هاني معاك...أما ميسالش تغزرلي شوية
هزت عينيها في وجهي...تبسمت و عديت صوابعي على خدها نحكي
أنا:شنية هذاا ؟
إيمان:شنووة ؟
أنا:ساعة مكنتش نعرف لي مرتي حلوة هكا
إيمان:حتى أنا مكنتش نعرف لي راجلي ينجم يقول كلام حلو
أنا:بالله ؟ هاني نتعلم عزيزتي...ساعة لتوا نحس في مخي مش معايا...بالرسمي محلاك يا عمري
ضحكت كي خبات وجها في رقبتي و عديت يدي على ظهرها نحكي
أنا:إيمااني
إيمان:ك..كنااان
أنا:روح كناان...منحبش لي صار يأثر فيك بطريقة سلبية...و لا حتى نحبك تحشم مني زادة
جبدت روحها شوية و مدت يدها حطتها على خدي تحكي
إيمان:أنا لباس كنان و لي صار مستحيل يأثر عليا بطريقة سلبية...خاطرني عشتو معاك...يكفي أنك معايا و باش نتعدا كلشي
أنا:عيش صغرونتي
إيمان:متخدمش اليوم ؟
أنا:و نخلي عروستي وحدها ؟
إيمان:معناها أنت متاعي اليوم
كبست على جنبها و جبدتها تحتي أكثر...خطقت بوسة من شفايفها نحكي
أنا:و كل يوم عزيزتي
عدات صوابعها على خدي و نزلت بيهم لرقبتي تحكي
إيمان:مرسي برشا كنان...على كلشي عملتو معايا و تفهمك ليا زادة و صبرك عليا
أنا:إيماان...قتلك قبل إنتي باش تكون بنتي قبل مرتي أكا علاش مستحيل يجي نهار و نتخلى عليك و لا حتى نخلي حد يقرب منك و يضرك
أنا:نعرف...أصلا أنا نحس بالأمان بوجودك معايا
تبسمت و نزلت عليها شوية...بستها من كتفها و عديت عينيا على وجها نحكي
أنا:شقولك تاخو دوش معايا توا
إيمان:أنا و أنت ؟
أنا:نظن لازمك تتعود عليا عزيزتي
جبدت روحي منها و نزلت عليها شوية...هزيتها في حملتي نحكي
أنا:إيجا هوني تراه
إيمان:كناان لحظة...خلينا نحكيو
أنا:باش نحكيو يا روحي
إيمان:منحبش ندوش توا
أنا:الفطور باش يبرد أكثر
إيمان:إمتى حضرت الفطور ؟
أنا:مممم وقت لي إنتي غاطسة في النوم
إيمان:علاش إمتى فقت ؟
حطيتها من حملتي و قربت منها أكثر...حصرتها مع الحيط لي وراها نحكي
أنا:مرقدتش من أصلو
حطيت يدي على آخر ظهرها و جبدتها عندي...نحكي
أنا:منجمتش نرقد...محبيتش نضيع تفاصيلك و لا حتى نغفل عليك لحظة...صدقني اللي عشتو ليلة أمس ما عشتو مع حتى وحدة غيرك
هزت عينيها في وجهي...غزرتها خلاتني ننزل على شفايفها بالوقت...أما من غير ما نظغط عليها و لا نخليها تتحمل أكثر من طاقتها خاطرني نعرف أنها بحاجة وقت أكثر من هكا...كيما بحاجة أنها تحس بالأمان أكثر زادة حسيتها تفرهدت شوية..لبستها الكاب و بستها من خدها نحكي
أنا:صحة لصغرونتي
إيمان:عيشك يا روحي
تبسمت و خلطت عليها...قربت باش تجبد دبشها عنقتها من تالي و بستها من رقبتها نحكي
أنا:خليك...تلبس مبعد...شيح شعرك و كهو
إيمان:قصدك باش نفطرو هكا ؟
أنا:بالظبط يا روحي
فكيت من المنشفة من يدها...شيحتلها شعرها و طيشتها على الفوتاي...شديتها من يدها نحكي
أنا:هيا إيجا
كبست عليها و خرجتها معايا...غزرت لطاولة و طلعت راسها تحكي
إيمان:محلااها كناان...ياخي كيفاش حضرت هذوما الكل ؟ أنا أمس قعدت النهار الكل باش نجمت نحضر الطاولة
أنا:باهي...شقولك نعقدو صفقة ؟
إيمان:يعني ؟
أنا:كل ويكاند تتعلم حاجة و هكا نحلو الموضوع و معادش باش تقلق زينب و ملاك
إيمان:أنت باش تعلمني ؟
أنا:أكيد يا روحي
إيمان:حبيت الفكرة برشا...ملا باش نبداو من غدوة خاطر عطلة..زيد لازمني نرجع للمعهد مع بداية الأسبوع و باش نقيد في الفاك زادة
أنا:حكاية الفاك أنا نحلها...هاني باش نجيبلك ورقة
التخصصات و إنتي إختار لي تحب عليه
إيمان:لااا...أنا باش نقرا مع ملااك...يعني نحب نكمل نقرا الرسم في المعهد و نقرا حقوق في الفاك ممكن ؟
أنا:إذا كنت طالبة ممتازة ممكن عزيزتي
إيمان:صااار باش تتبرع و تقريني زادة
أنا:والله أنا يساعدني الموضوع...خاطرك باش تبقى تحت عيني ديما
إيمان:على حد علمي متقريش ديما
أنا:و حتى إنتي ماكش باش تقرا ديما
إيمان:والله متحمسة عاللخر و منحبش نضيع وقت أكثر من هكا
تبسمت و نزل عليها شوية بستها من جبينها و عديت
صوابعي على خصلات شعرها لي مبلولين نحكي
أنا:نحب نشوفك هكا ديما...و أي موضوع يقلقك و لا تتحسس منو تعطيني خبر بيه
إيمان:باهي باباتي تأمر
باستني من خدي و جبدت روحها مني...قربت من الطاولة...تبسمت و خلطت عليها..أصلا وليت نحب داري و نرتاح فيها أكثر بوجودها معايا و لي صار أمس...هي خطوة كبيرة بالنسبة لينا زوز...خطوة تستدعي باش نقدمو في حياتنا أكثر و الأهم إني نعيش كلشي تحرمت منو قبل...خاطر وجودها كهو كان كافي باش يبدل حياتي جملة.
VOUS LISEZ
صرخة صمت 🌬
Lãng mạn🌬🌬🌬 🌬 🌬 #صَرْخَةُ_صَمْتْ 🌬🌬🌬🌬🌬🌬 🌬هل جربت يوما ان تصرخ و انت تعلم ان ليس هناك من يسمعك...او ان تصرخ في داخلك من دون ان تنطق بحرف واحد ؟ 💔 💠 موضوع حكايتنا الجديدة...عكس لي قريتو عليه قبل...عكس انا لي كتبت عليه قبل...ماهيش حكاية جديدة علي...
