🔸️حلقة 28
🔸️آدم_يحكي:
تكيت لتالي من غير حتى كلمة...خاطرني حسيتها مش قد بعضها...أكا علاش فضلت إني نسكت..خاطر باش تستلمني و ترجع اللوم فيا...دورت راسي شوية نغزرلها وجها أحمر باش يطرشق...كأنها تحب تبكي و شادة روحها على شعرة خذيت نفس نحكي
أنا:ملااك...شنية لي صار ؟
ملاك:حتى شي
أنا:نسمع فيك
ملاك:قتلك ما صار حتى شي...جيست حبيت نقعد وحدي شوية
مديت يدي شوية و دورتلها راسها شوية...عديت عينيا على وجها...نحكي
أنا:ملا على شنوة تحب تبكي ؟
بعدتلي يدي و نزلت عينيها من وجهي...عدات يدها على خدها و مسحت دمعتها لي هبطت بالوقت...تحكي
ملاك:مانيش نبكي..كان مفماش مشكلة نحكيو في موضوع الدار مبعد
خذيت نفس طويل و سكت شوية...منحبش نظغط عليها أكثر...باقي تمسح في دموعها ورا بعضهم...و تحكي فرد وقت
ملاك:أنا زادة كان باش يكون عندي كيفهم
أنا:شنوة ؟
ملاك:لينا و سارة
أنا:شكون هذوما ؟
ملاك:تواما في الروضة...أنا حتى ملحقتش باش نعرف جنس صغاري...كان سمعني مرة وحدة وقتها...راني نجمت نحافظ عليهم...أما كلشي كان يعملو هو يضربني...على كلمة...على كل فعل...أنا حتى مش مسموح ننسى و لا نحكي مع حد غريب...أصلا مكنتش نخرج منها الدار هذيكا و رغم ممنعتش منو و منجمتش نمنع صغاري...والله كان عندي أمل لي هو باش يتبدل بوجودهم و معادش يضرني أما مصااارش...حتى شي ما صااار من هذا الكل...خسرت أمي في الأول و بعد خسرت روحي و آخر شي صغاري
و معرفتش ننسى...معرفتش ننسى هذا الكل باش نكمل حياتي عااادي
طرشقت بالبكا أكثر...وين بقيت ساكت من غير حتى كلمة كل مرة تحكي على راجلها...نحس روحي دخلت بعضي و منعرفش كيفاش نتصرف...لتوا متقبلتش فكرة لي تعدات بيه الكل...كيما منجمتش نتحمل الحالة لي هي فيها توا قربت منها أكثر و مديت يدي متردد...حطيتها على كتفها و جبدتها..حطت راسها على صدري من غير ردة فعل..غرست
يدي في شعرها و تنهدت بالقاوي...خاطرني نعرف مش بالساهل تنجم تتعدا هذا الكل...فما حاجات متتنساش مهما حاولنا...و ساعات الوقت مش كافي باش يداوي الجروح دقايق تعدات...شهقاتها بدات تهدا...طليت عليها شوية نغزرلها...ترد في النفس بالسيف...مديت يدي شوية و عديت صوابعي على خدها...مسحت دموعها نحكي
أنا:نعرف صعيب تنسى...أما كان تحب تعيش مرتاحة لازمك تتناسى...و تتعدا الماضي
ملاك:قاعدة نحاول...أما الطفلة لي قابلتها اليوم نادتلي ماما...للحظة حسيت أني أمها بالحق...كانت تشبهني برشا و أختها زادة
أنا:هاك شوقتني باش نتعرف عليهم...مدامك تعلقت بيهم من أول مرة
ملاك:صدقني باش تحبهم...يا ريت كان عندي كيفهم
أنا:كان تحب نجيبو كيفهم عزيزتي...ماهيش مشكلة
جبدت روحها مني شوية...و هزت راسها غزرتلي ندرا كيف تحكي
ملاك:نجيبو شنية ؟
أنا:تواما كيما إنتي تحب...أما خليهم يكونو طفلة و طفل أحسن...الطفل نسميوه رائد و الصغرونة روسلين
ملاك:روسلين ؟
أنا:مممم يعجبني الإسم هذا أما كان تحب تبدلو مش مشكلة
سكتت شوية و مدت يدها على غفلة...ضربتني لصدري تحكي
ملاك:والله ما تحشمها يا آدم...شو أنا وين و أنت وين
أنا:شعندي عملت...زيد أنا مكنتش نخمم نجيب صغار..إنتي أول وحدة خممت نجيب منها صغار
ملاك:بالله ؟
أنا:والله
ملاك:الحق عليااا لي مزلت نحكي معاك...ساعة أنت كيفاش تقرب مني
أنا:ملااك ياخي باش نتعاركو توا زادة ؟
مدت يديها زوز و بعدت شعرها لتالي...قحرتلي تحكي
ملاك:أنسى كلشي خبرتك بيه...أنا جيست حبيت نحكي و كهو
أنا:و شنية عملنا في الحكاية ؟
ملاك:حكاية شنوة ؟
أنا:رائد و روسلين
ملاك:آدددم ميزيتش ياااخي ؟
أنا:باهي إنتي حرة...أما مدامك نفسيتك باش تتعب هوني من غير ما تبدا من أصلو...بلاصتك في السوسيتي موجودة لتوا
ملاك:قتلك قبل لي أنا منرجعش لبلاصة تطردت منها بطريقة غير مباشرة...يمكن المرة الجاية...نلقى روحي واحلة بتهمة أكبر من الأولى
أنا:تعرف لي هذا ماهوش باش يصير...يمكن خاطرني كنت متغشش منك...أكا علاش تصرفت معاك بالطريقة هذيكا
ملاك:مش هذا موضوعنا توا...أنا نحب نخدم هوني و متأكدة باش نكون مليحة مع الوقت...شنية صار في موضوع الدار ؟
أنا:قانونيا عندك الحق باش تبيع في أي وقت...لا خالتك و لا أي حد غيرها ينجم يوقفك
ملاك:باهي برشا...بيعها أنت ملا
أنا:ملاكي...أنا محامي مش وكيل عقارات
ملاك:وين باش نلقى لي يشريها...أنا ما نعرف حتى حد هوني...زيد لازمني نبيعها في أقرب وقت
أنا:بااهي...إعتبرها محلولة...من هوني لآخر الأسبوع تكون تباعت
ملاك:جووو...هاك تنجم تحل هاذي زدة
أنا:أما بشرط
ضيقت عينيها مستغربة...تقريبا فهمت وين هزها مخها ضحكت نحكي
أنا:ملاااك...حبس التخيلات متاعك توا
ملاك:شرط شنية لي تحكي عليه ؟
أنا:الشرط متاعي المرة هاذي...هي انو نعقدو هدنة بيناتنا مش لازم تشعل فيا في كل مرة نتقابلو...ساعة أنا صديق جيد...مدامك متحبش تكون معايا...خلينا صحاب
ملاك:أنا و أنت ؟
أنا:ممم إحنا
ملاك:لااا ماهيش باش تنجح
أنا:علاش ؟
ملاك:خاطرك مستفز و تعاني من إنفصام في الشخصية
أنا:ملااااك
ملاك:بااهي باااهي...خلينا نشوفو وين باش ترصالنا بالصداقة هاذي
كبست على صاكها و هزت روحها وقفت...ضيقت عينيا نحكي
أنا:يعني موافقة
ملاك:عالأغلب
أنا:مدام هكا...خلينا نعملو قهوة مع بعضنا
ضحكت و عطاتني بظهرها...تبسمت و خلطت عليها بالوقت...يمكن هاذي أحسن خطوة لينا...عالاقل تكون فرصة باش نعرفو بعضنا أكثر...أكا علاش توا بالظبط ما نحب نخمم في حتى شي...و نخلي الأمور تمشي من تخطيط مني و لا منها.
#آدم_ملاك❤
VOUS LISEZ
صرخة صمت 🌬
Roman d'amour🌬🌬🌬 🌬 🌬 #صَرْخَةُ_صَمْتْ 🌬🌬🌬🌬🌬🌬 🌬هل جربت يوما ان تصرخ و انت تعلم ان ليس هناك من يسمعك...او ان تصرخ في داخلك من دون ان تنطق بحرف واحد ؟ 💔 💠 موضوع حكايتنا الجديدة...عكس لي قريتو عليه قبل...عكس انا لي كتبت عليه قبل...ماهيش حكاية جديدة علي...
