🔸️حلقة 50
#إيمان_تحكي:
مديت يدي شوية نغزر للجرح...عديت صوابعي فوق البونداج و تنهدت بالقاوي...لتوا منجمتش نستوعب لي صار أمس...هزيت راسي شوية نغزر لأمي لي تحضر في روحها...خذيت نفس نحكي
أنا:وين ماشية ؟
زينب:باش نمشي نجيب أيمن و ناخو شوية قضيات في ثنيتي
أنا:ميسالش...تو نتعدالو أنا
زينب:لااا...حاول ترتاح إنتي
أنا:أماانك أمي...نحب نمشي شوية و إنتي أكتبلي لي حاجتك بيه و تو نجيبو معايا في طريقي
زينب:متأكدة باش تكون لباس ؟
تبسمت و هزيتلها براسي إيه...لبست كبوطي و شديت عليها الورقة و خرجت...حسيت الجو هداني شوية محسيتش بروحي كيفاش وصلت للمدرسة أصلا وقيت باش يخرجو...دخلت بعضي كي ريت شكون يجبد فيه من بعيد...قربت منهم بالزربة نحكي
أنا:سييبو...فاااش تعمل ياخي ؟
كبس على يدو أكثر و دار عندي بالوقت...وخرت خطوة لتالي مروهجة...هو كان آخر واحد توقعت إني نشوفو أصلا من نهار المحكمة الأولى معادش ريت وجهو...توا تقريب 7 أشهر و لا فايت...كبست على يدي نحكي
أنا:أنت ؟؟
هزني و حطني في لحظة و عدا عينيه على وجهي يحكي
حازم:أهلا بيك عزيزتي
خذيت نفس طويل...محاولة مني باش نخبي كل ذرة خوف...حسيتها ناحيتو...مديت يدي لأيمن نحكي
أنا:مدخلش أيمن بيناتنا...كااان فما شي جيت على خاطرو...أعملو من غير ما تخليه جزء من اللعبة متااعك
حازم:هاااك وليت تعرف تحكي زاادة و ترد الكلام في وجهي
نزلت راسي شوية...نغزر لأيمن لي ملامحو تكبست أصلا ولا عدواني برشا على قبل و لي خلاه يعضو من يدو و يدزو لتالي...يحكي
أيمن:سيييبني...منحبش نجي معاااك
قرب مني بالزربة و وقف بجنبي...مديتلو يدي...كبس عليا بالوقت...ضحك يحكي
حازم:نجحت باش تعبيلو راسو ؟
أنا:للأسف كبر و ينجم يفرق بين الصحيح و الغااالط و بين المليح و الدوني زادة و أنت بالظبط متستهلش باش تكون أب لا ليا و لا ليه زادة
قحرلي و عاود هد علينا...جبدو من يدو بالقاوي وين بدا يقاوم فيه...دخلت بيناتهم و دزيتو لتالي نحكي
أنا:قتلك أبععععد عليييه...معاااادش تقربلو مرررة أخرى و لا باش نظطر نشتكي بيك
سكت كي ضربني كف بكل قوتو...وخرت لتالي مروهجة و حطيت يدي على خدي...ملحقتش حتى باش نغزرلو زاد ضربني مرة أخرى كأنو لقى فرصة باش يخرج الغل لي كان داخلو شهور...لميت قوتي الكل في لحظة و دزيتو لتالي...مسحت الدم لي نزل من خشمي و غزرتلو نحكي
أنا:حتى كااان تقتلني...أيممن مستحيل يكون ليك و لا باش نخليك تقرب منو مرة أخرى و لي عملتو توااا باش تخلص حقو زاادة
حازم:صدقني ياا إيمان...باش نكون الجحيم متاعك إنتي و أمك بعد توا...باش تظطر تواجهني و تشوفني في كل مرة تفكر فيها أنك تخلصت مني
أنا:للأسف تهديدك ماهوش باش يخوفني...خاطر وجودك و عدمو نفس الشي بالنسبة ليا و أمي باش تتحرر منك و تشوف حياتها...على فكرة ننصحك تعمل دورة في المحكمة باش تستلم الطرد متاعك نقصد ورقة الخلع..غير هكا أنا مانيش إيمان لي تعرفها بالمختصر لي عملتو توا باش تظطر تفسر السبب متاعو عند الحاكم
أيمن:و أناااا منحبش نجي معاااك...منحبش نعيش مع وحش كيفك أنت...خليني مع أمي و أختي و ملاااك معااادش تجي لمدرستي و تفضحني مع أصحااابي نكرههك...نكرهههك
جبد يدو مني و هرب يجري...هزيت عينيا في وجهو و تبسمت نحكي
أنا:صدقني في الأخير باش تبقى وحدك حتى نتمنى أنك تعاني في حل لحظة من حياتك الباقية
وخرت لتالي و عطيتو بظهري...خلطت على أيمن و أنا نجري...منعرفش كيفاش لحقت بيه قبل ما يضيع قعدت على الكرسي بجنبو من غير حتى كلمة لين حسيتو هدا شوية...خذيت نفس نحكي
أنا:منقصدش لي صار اليوم...مكنتش نعرف لي هو إرتاح و عرف بلاصتنا
أيمن:إنتي ما عندك حتى ذنب إيمان...أكيد أمير هو اللي خبرو على بلاصتنا
أنا:نبقى أنا أساس المشكلة
مديت يدي شوية و كبست على يدو...نحكي
أنا:صدقني باش نعمل جهدي و منخليهش يضرك مرة
أخرى و لا نخليه يقرب من أمي زادة...بعد توا حتى حد ما عندو الحق باش يفرقنا يا روحي
أيمن:أما باش يبقى يضر فيك إنتي
أنا:لااا ماهوش باش يضرني كيما قبل للأسف هو قتل كلشي داخلي و حرمني من برشا حاجات ماهيش باش تتعوض
مد يدو شوية و مسحلي الدم من وجهي يحكي
أيمن:موجوعة ؟
أنا:لا يا روحي...هيا خلينا نمشيو قبل ما تستفقدنا أمي
أيمن:باهي
قربت منو شوية..حضنتو و هزيت روحي وقفت في جرتو...منعرفش كيفاش كملت لدار حتى القضية نسيت حكايتها...حاولت نهدي أمي لي دخلت بعضها أول ما شافتني و فهمتها لي صار...غسلت وجهي و بدلت دبشي حكيت مع نزار و فهمت منو إني لازمني نسترجع التقرير الطبي كأول خطوة خاطر صعيب برشا ناخو نسخة ثانية منو..أول ما وصلو خرجت عندهم نحكي
أنا:آددم لازمني نحكي معاك ضروري
ملاك:إيماان شبي وجهك هكا...شنية لي صاار ؟
أنا:نحكيو مبعد..حاجتي بآدم توا
آدم:تفضل
أنا:التقرير الطبي متاع أمي...عند كنان...كان مفماش مانع تجيبهولي أنت
آدم:والله منظنش باش يسلمني التقرير..مدام الحكاية تخصكم نتوما زوز...زيد هو شاهد مهم في قضية أمك على حسب علمي...خاطرو كان موجود يوم الحادثة
أنا:و نزار كان موجود زادة...يكفي إني نسترجع التقرير في أقرب وقت و كهو
آدم:هو في عطلة توا...غير هكا نحاول نستلم التقرير منو في أقرب فرصة
أنا:مفماش أقرب فرصة...خاطر حياة أمي و خويا في خطر...يكفي أنك تهزني عندو توا و إعتبرو آخر طلب مني ليكم خاطر لازمني نسلمو غدوة...مدامو دليل مهم في قضيتها
آدم:بااهي...خلينا نمشيو
هزيتلو براسي إيه خاطر أكثر شي يهمني من علاقتي بيه هو إني نخلي حازم بعيد علينا مرة أخرى.
#إيمان💔
VOUS LISEZ
صرخة صمت 🌬
Romance🌬🌬🌬 🌬 🌬 #صَرْخَةُ_صَمْتْ 🌬🌬🌬🌬🌬🌬 🌬هل جربت يوما ان تصرخ و انت تعلم ان ليس هناك من يسمعك...او ان تصرخ في داخلك من دون ان تنطق بحرف واحد ؟ 💔 💠 موضوع حكايتنا الجديدة...عكس لي قريتو عليه قبل...عكس انا لي كتبت عليه قبل...ماهيش حكاية جديدة علي...
