🔸️حلقة 74
🔸️كنان_يحكي:
شديت الفران و نفخت بالقاوي...خاطرني لتوا منعرفش على روحي كيفاش طاوعتها...قربت مني شوية..باستني من خدي تحكي
إيمان:المرة هاذي كهو...على خاطري أمانك
أنا:بااهي إيماان...بااهي
ضحكت و حلت الباب نزلت...خذيت نفس و خلطت عليها...هزيت راسي نغزر لآدم خارج من عند فاطمة
غزرلي يحكي
آدم:على أساس ماكش باش تجي للحومة ؟
أنا:في الأصل أنت فاش تعمل هوني ؟ نظن مرتك بحاجة أنها تبقى وحدها باش تنجم تاخو قرار يرتحها
آدم:قرار شنية يا كنااان...ياخي تتوقع أنا نجم نعيش من غيرها
أنا:والله هذا كنت تخمم فيه قبل ما تتعدا حدودك معاها
آدم:غلطة و ماهيش باش تتعاود
أنا:ساعة حتى أنا معنديش ثقة في كلامك...يعني إذا كانت باش تعيش معاك تحت سقف واحد لازمها تكون ملاك ميغلطش معاك و إلا باش تخلص...مهما بررت آدم موقفك ضعيف قدامها...أنت سلبت منها الأمان لي كانت تحس فيه معاك...أكا علاش ما تستنى منها حتى شي
آدم:نعرف...نعرف هذا الكل و أكثر شي يهمني توا إني نجم نحكي معاها على الأقل...بعدها باش نصلح كلشي صار
هزيت راسي شوية نغزرلهم...ضيق عينيه...يحكي
آدم:ياخي ماشيين لبلاصة ؟
أنا:إيمان
آدم:شبيها إيمان ؟
أنا:نقصد إيمان ناقصتها حاجات...و تحب تشريهم مع ملاك
آدم:ملاك لتوا مريضة...منظنش باش تستحمل الخرجة هاذي
أنا:تستحمل هاني أنا باش نوصلهم و أنت كمل نهارك بحذا فاطمة...هاني باش نتعدالها مبعد
آدم:وين ماشيين
أنا:منعرفش
آدم:كيفاش ؟
أنا:نقصد منعرفش شنوة باش يشريو مع بعضهم
غزرلي مستغرب و سكت...عديت يدي على وجهي و شاورتلهم باش يركبو...جبدت روحي منو و رجعت للكرهبة...أول ما ركبت...حل الباب و ركب بجنبها من التالي...غزرتلي إيمان مصدومة...خذيت نفس نحكي
أنا:آدم فاش تعمل ياخي ؟
آدم:والله حتى أنا نحب نعرف وجهتكم
خذيت نفس و خدمت الكرهبة...و غزرت لإيمان نطمن فيها...في حين مسمعتش صوت ملاك جملة شديت ثنية الكلينيك...وين حسيت بتوتر إيمان زاد غزرتلها نحكي
أنا:هاني باش نحطكم في المول توا...و باش نكون في قهوة قريبة من هوني...كي تكملو أطلبني
إيمان:بااهي
هز راسو و قحرلي من المرايا...فهمت منو يحب يعدي معاها وقت أكثر...شديت الفران جنب أقرب مول للكلينيك و خليتهم نزلو...جا ركب بجنبي بعد ما شيعها و غزرلي يحكي
آدم:بالله أنا شعندي نعمل في القهوة ؟
أنا:والله حد ما قلك تبعنا...زيد الطفلة تقطع صوتها بوجودك...معناها محاولتك توا ماهيش باش تجيب نتيجة اليوم
آدم:والله أنا اللي باش يقتلني هو سكاتها و منجمش نقربلها أكثر من هكا...خاطر منحبهاش تكرهني أكثر و لا تفهمني بالغالط
أنا:باهي شقولك في قهوة مع بعضنا توا...و ملاك بحاجة وقت باش تنجم تستوعب لي صار و تعطيك فرصة باش تقرب منها مرة أخرى
هزلي براسو باهي و تكى لتالي...شديت الثنية لأقرب قهوة و قعدت معاه...تعدا الوقت بين الحديث على ملاك شوية و على الخدمة شوية أخرى...أما الأسوء إني قاعد نخبي عليه في حاجة أهم من هذا الكل غزرلي يحكي
آدم:هاني باش نخلط عليهم للمول توا...يمكن صارتلها حاجة
أنا:لااا...كان صارتلها حاجة راهي طلبتني إيمان
آدم:باهي أطلبها أنت
أنا:باهي...شقولك نطلبو قهوة قبل
آدم:كنااان هذا ثاالث كاس نشربو في ساعتين
أنا:باهي ملا خليني نطلب حاجة أخرى...تاي مثلا عالأقل نكملو بيه قعدتنا
آدم:معااد نجم نشرب حتى حاجة
أنا:لااا بااش تشرب
غزرلي مستغرب...مديت يدي شاورت لسرفور و طلبت منو مرة أخرى...غزرلي يحكي
آدم:كناان...بالله شنية لي قاعد يصير معاك ؟ زيد شنية الشي المهم لي قاعدين يشريو فيه باش قعدو الوقت هذا الكل...ميكونش فما شي أنا منعرفش بيه
أنا:لااا...مفما حتى شي مهم...هاني نسمع فيك و نخفف عليك مش كافي
آدم:عندك حق...أما نجم نسمعك من غير ما تشربني هذوما الكل
أنا:ميسالش زيد هذا باش يفرهدك
قرب منو السرفور و حط كاسة التاي قدامو...عدا يدو على وجهو و خذا رشفة منها...غزرت لساعة في يدي متوقعتش باش يطولو بالطريقة هاذي...وين قعد هو يغزرلي بشك...لدرجة حسيت روحي توترت خاطر مش بالعادة نخبي عليه شي...و حتى أنا منجمتش نكمل الكاسة متاعي بعد لي شربناه الكل...غزرتلو نحكي
أنا:كمل كاستك...و هاني باش نطلب إيمان
شدها في يدو...شربها فرد مرة...و قحرلي يحكي
آدم:إرتحت توا سي كناان...كان تحب نطلب كاسة أخرى
أنا:لا يكفيك هكا
آدم:باهي برشا ملا
نزلت راسي على صوت الميساج...عرفت منهم لي هوما في المول بعد ما كملو...غزرتلو نحكي
أنا:هيا قوم خلينا نمشيو
آدم:كملو ؟
أنا:إي
آدم:باهي خلينا نعرفو شنية الشي المهم لي يستحق الوقت هذا الكل
أنا:شيهمك في الموضوع أنت...ياخي ناصب العسة عليها ؟
آدم:خاطرني معاد نجم نركز في حتى شي غيرها كيما متأكد أنو فما شي أنا منعرفش بيه
أنا:هيا أمشي برك...على أساس من بكري ننصح فيك ساعة ما ينفع فيك حتى شي
عدا يدو على شعرو و سبقني...خذيت نفس و خلطت عليه...بالرسمي منعرفش كيفاش مزلت ساكت لتوا أما منحبش نكون طرف في الموضوع هذا و لا نعمل حاجة ضد رغبة ملاك...يمكن هي أدرى باللي تعمل فيه...مدام باش تعطيه خبر في الأخير...هذا المهم ركب بجنبي و حط يدو على كرشو...غزرتلو نحكي
أنا:شبيك ؟
آدم:والله نحس في المعدة تحرقت ضربة وحدة
ضحكت و خدمت الكرهبة...من غير شي على أعصابو من بكري...أكا علاش منحبش نوترو أكثر من هكا خاصة أنو ثنيتو مزالت طويلة باش ينجم يصلح اللي كسرو بيديه
#كنان_آدم❤
VOUS LISEZ
صرخة صمت 🌬
Romance🌬🌬🌬 🌬 🌬 #صَرْخَةُ_صَمْتْ 🌬🌬🌬🌬🌬🌬 🌬هل جربت يوما ان تصرخ و انت تعلم ان ليس هناك من يسمعك...او ان تصرخ في داخلك من دون ان تنطق بحرف واحد ؟ 💔 💠 موضوع حكايتنا الجديدة...عكس لي قريتو عليه قبل...عكس انا لي كتبت عليه قبل...ماهيش حكاية جديدة علي...
