🔸️حلقة 52
🔸️ملاك_تحكي:
خذيت نفس طويل و جبدت روحي منو شوية و هزيت عينيا في وجهو...مديت يدي و حطيتها على خدو نحكي
أنا:آددم شنية لي صار ياخي ؟ تعاركتو مرة أخرى
هزلي براسو لا و كبس على يدي..باسني منها..يحكي
آدم:لاا مفما حتى شي من هذا
أنا:تنجم تحكيلي كان تحب بالطبيعة
آدم:كلشي داخل بعضو...إذا كنت باش نعطي فرصة ليا و لأسيل لازمني نواجه أمي و الماضي مع بعضهم
أنا:أما انت كنت تستنى في الفرصة هاذي
آدم:نعرف...أما مش لدرجة إني نرجع للفيلا و نعيش مع الذكريات اللي هربت منهم طول عمري
أنا:ماكش مجبور تهرب منهم آدم...مدام معندكش ذنب في اللي صار لخوك و مرتو...معادش تهرب من الماضي...لازمك تتقبل الواقع و تعيش بالطريقة اللي كنت تحلم بيها ديما و إذا كان هذا الحل الوحيد لي باش يرجع علاقتك بأختك و يخليها تتحسن مظطر باش تاخو بيه...و ترجع للفيلا
آدم:و نظطر نعيش معاها تحت سقف واحد ؟
أنا:تبقى أمك و إذا كنت تحب توريها الغلط متاعها مظطر باش تواجها
آدم:منعرفش ملاك...يمكن انا بحاجة وقت باش ننجم نفكر في هذا الكل
أنا:عندي ثقة لي أنت تنجم تصلح كلشي و تسترجع أختك زادة
هزلي براسو باهي و تبسم...مد يدو شوية و عدا صوابعو على خدي...يحكي
آدم:يتصلح كلشي خاطرك باش تكون معايا يا روحي
أنا:و باش نكون ديما معاك
كبس على خدي أكثر و نزل عليا...أول ما وصل لشفايفي...حبس مع صوت الباب...جبد روحو شوية يحكي
آدم:والله اليوم بالذات نحس في الكل قاعد يعس فيا تفضل
دورت راسي نغزرلها...دخلت شوية و غزرتلو تحكي
رغد:الزبون يستنى فيك...تحبني ندخلو توا ؟
آدم:خليه يستناني في قاعة الإجتماعات
رغد:باهي
وخرت لتالي و خرجت...قربلي شوية و باسني من خدي يحكي
آدم:مانيش باش نطول عليك
أنا:نستنى فيك
تبسم و خرج...رجعت شعري لتالي و تنهدت بالقاوي عديت الوقت ندور في البيرو متاعو...قربت من الجائزة لي ضربتو بيها أول مرة...عديت صوابعي عليها و تبسمت...كان يستهل اللي صار فيه...مدامو تصرف بالطريقة هذيكا...دورت راسي شوية نغزر للباب لي تحل...دخلت و سكراتو وراها...تحكي
رغد:توقعت باش تسمع كلامي آخر مرة...أما مجاش في بالي لي إنتي تحب تكون لعبة عندو
أنا:والله المشكلة فيك خاطرك متحبش تقتنع أنو أنا و إنتي مش نفس الشي
رغد:ماهوش باش يشكل فرق...خاطر في الحالتين باش يتخلى عليك و مهما حاول يقنعك انو هو باش يتبدل متصدقوش خاطرك باش تطلع خاسرة في الأخير
أنا:و نجم نعرف سر النصيحة هاذي
رغد:ماهيش نصيحة...خاطر أنا علاقتي بآدم وااضحة أما اللي قاعدة تطمح ليه إنتي هو اللي مش واضح تستخايل واحد كيما آدم و العلاقات اللي عاشها الكل في حياتو...ياقف عندك إنتي و يعرس بمرا كانت ملك راجل آخر في الماضي ؟
أنا:بااهي...شقولك متشغلش بالك بيا أكثر من هكا و تلتهى في روحك
رغد:حظ سعيد ملا
تبسمتلي و وخرت لتالي...خرجت و سكرت الباب وراها...مديت يدي حطيتها على رقبتي و خذيت نفس طويل...نهدي في روحي...منحبش نركز مع كلامها مدامني حبيت نعطيه الفرصة هاذي و إحتمال أنو هو ينجم يكون قدها...عديت بقية الوقت و أنا على أعصابي...محاولة مني باش نلهي روحي بأي حاجة أخرى...هزيت الجائزة متاعو في يدي مرة أخرى...وين تحل الباب بالوقت...غزرلي مستغرب يحكي
آدم:ملااكي...هاذيكا بالظبط معادش تهزها في يدك خاطر لتوا نحس بضربتها في راسي
حطيتها من يدي...و عاودت غزرتلو...نحكي
أنا:متخاافش...مانيش ناوية نضربك بيها مرة أخرى
آدم:أما غزرتك تقول العكس عزيزتي
أنا:لا جيست تعبت شوية و نحب نمشي لدار
غزرلي مستغرب و قرب مني شوية...حاوط وجهي بيديه زوز يحكي
آدم:شبي ملااكي ؟ صارت حاجة في غيابي ؟
أنا:لاااا...أما جا في بالي سؤال
آدم:نسمع فيك
أنا:أنت خممت في مصير علاقتنا وين باش توفى ؟
آدم:نظن حكينا في الموضوع هذا قبل
أنا:ميسالش نحب نسمع جوابك مرة أخرى
آدم:باش نجاوب حبي ملا...بخلاف أنك تحبني...نحب نكوْن عيلة معاك إنتي...العيلة لي تحرمت منها سنين طويلة
أنا:أهم من العيلة..أنت مستعد باش تتخلى على الماضي متاعك و على كل وحدة فيه
آدم:نظن إني عطيتك وعدي قبل
أنا:آددم أنا محتاجة لجوابك تواا
آدم:ملاااك...يااخي إنتي لتوا معندكش ثقة فيااا ؟
أنا:مدامني معاك توا...معناها ناثق فيك...أما فرد وقت خايفة آدم
تنهد بالقاوي...عدا يدو على شعري و نزل عليا شوية يحكي
آدم:ملااكي...منحبكش تخااف مني...خاطر مستحيل نضيع الفرصة لي خذيتها منك و لا حتى نتخلى عليك و لا نخونك زادة...خاطرني ديما نعتبرك فرصتي الأفضل لحياة جديدة
تبسمت و هزيتلو براسي باهي...وين نزل عليا أكثر دوب باسني و جبد روحو شوية يحكي
آدم:يكفي أنك تخمم في مستقبلنا و كهو
أنا:كان صار و منجمتش نعطيك العيلة لي تحب عليها
آدم:باش نكتفي بيك ملا
نزلت على شفايفي شوية...وين عدا صوابعو عليهم يحكي
آدم:متعملش هكاا
أنا:شنووة ؟
آدم:لحظة تراه
مد يدو شوية...بعد الجائزة لتالي و حط يدو لأخرى على آخر ظهري و جبدني عندو يحكي
آدم:لاازمني نااخو بالي على روحي بعد توااا
ضحكت بالوقت و جيت باش نحكي...قص عليا كي غرق في شفايفي أكثر...كبست على جنبو و حطيت يدي لأخرى على خدو...نحب نمحي الأفكار لي كانت دور في مخي دقايق لتالي...و معاادش نخليها هي و لا غيرها يأثرو عليا بالطريقة هذيكا...إذا كنت باش ناخو التجربة هاذي مع آدم...نحب نعيشها لتالي من غير ظغط من حد و لا خوف من اللي جاي...نحب نكون حرة حتى في علاقتي معاه...غير هكا ما نحب نخمم في حتى شي آخر.
#آدم_ملاك❤
VOUS LISEZ
صرخة صمت 🌬
Romance🌬🌬🌬 🌬 🌬 #صَرْخَةُ_صَمْتْ 🌬🌬🌬🌬🌬🌬 🌬هل جربت يوما ان تصرخ و انت تعلم ان ليس هناك من يسمعك...او ان تصرخ في داخلك من دون ان تنطق بحرف واحد ؟ 💔 💠 موضوع حكايتنا الجديدة...عكس لي قريتو عليه قبل...عكس انا لي كتبت عليه قبل...ماهيش حكاية جديدة علي...
