🔸️حلقة 72
🔸️إيمان_تحكي:
قربت منو شوية بستو من خدو...كبس على يدي و عدا عينيه على وجهي يحكي
كنان:رد بالك على روحك...و أطلبني كي تكمل
أنا:متخافش عليا...زيد ملاك باش توصل بعد شوية في الوقت هذا نحاول نكتب شوية دروس فاتتني
كنان:باهي يا روحي...نشوفك مبعد
تبسمت و هزيتلو براسي باهي...باسني و جبد روحو خذيت نفس و نزلت من الكرهبة...شاورتلو بيدي و كملت ثنيتي للكافي...مدام مزال شوية على الكور حطيت أوراقي على الطاولة..منحبش نضيع الوقت أكث من هكا...يمكن نخلط عليهم...خذيت قهوة و غطست في الدروس لي قدامي...هزيت راسي شوية مع ريحتو لي ضربت في خشمي...جبد الكرسي و قعد مقابلني يحكي
أمير:ليك وحشة أميرتي
حطيت الأوراق من يدي و قحرتلو بالوقت...نحكي
أنا:فااش تعمل هوني ؟ أصلااا شكون عطاك الحق باش تقعد معايا على نفس الطاولة
أمير:توقعت ترحيب أكبر من هكا...مدام ولات بينا حاجات مشتركة
أنا:مفما حتى شي يجمعني بواحد واطي كيفك أنت
أمير:والله مفما حتى شي يشدني ليك من غير تصرفاتك هذوما
أنا:أمشي من هوني توا أمير...من غير ما يشوفك كنان و تولي في مشكلة حقيقة
أمير:تهنى منظنش راجلك عندو مانع إني نقعد معاك شوية...في الأخير إحنا شركاء توا
أنا:فاش تخرف ياخي...شنية هذا لي تقول فيه أنت ؟
مد يدو شوية...جبد كاستي متاع القهوة و خذا رشفة منها يحكي
أمير:صاار لتوا معندكش علم...أنو أنا و كنان متاعك مشتركين في نفس المشروع ؟
هزيت عينيا في وجهو...مصدومة من كلامو...لدرجة منجمتش نسألو و لا ننطق بحرف...تبسم يحكي
أمير:سامحني عزيزتي...توقعت عندك علم...و لا يمكن خبى عليك خاطرك باش ترفض...ساعة من الناحية هاذي عندو حق...خاطر مشروعو يستحق ممول كبير
كبست على يدي تحت الطاولة...نهدي في روحي و نرد في النفس لي حسيتها تقطعت في لحظة...هزيت راسي شوية و غزرتلو نحكي
أنا:والله أنا عندي ثقة في راجلي...و متأكدة أنو مهما كان اللي باش يعملو هو القرار الصحيح
أمير:للأسف...حد ماهو مثالي كيما إنتي متوقعة يا روحي...أنا باش نخليك توا...أما أعمل حسابك باش نتقابلو برشا في المرات الجاية
هز روحو وقف...حط فلوس القهوة على الطاولة و غمزني...بقيت نغزرلو من غير حتى كلمة...عطاني بظهرو و بعد عليا...لميت أوراقي بالزربة و قمت من بلاصتي...منعرفش كيفاش خرجت من الكافي...لقيت ملاك في وجهي...وقفتني تحكي
ملاك:إيمان شفما عزيزتي ؟
أنا:لازمني نشوف كنان...نحكيو مبعد
خليتها و زربت في خطواتي لبرا...حبست طاكسي و عطيتو عنوان السوسيتي...حسيت روحي في دوامة و منجمتش نستوعب لي صار جملة...أول ما وصلت خلصتو و نزلت نجري...ملقيتش نهاد في البيرو متاعها خلاني نحل الباب و ندخل...هز راسو و غزرلي مستغرب يحكي
كنان:إيماان
دورت راسي شوية غزرت لنهاد لي استأذنت و خرجت وقف و قرب مني يحكي
كنان:إيمان...شتعمل هوني يا روحي...صارت حاجة ياخي ؟
أنا:الكلام لي قالو أمير صحيح ؟ أنت وليت شريك
معااه ؟
غزرلي مستغرب و قرب مني بالوقت...يحكي
كنان:إنتي قاابلت الوواطي هذاا ؟
أنا:مش هذا المهم توااا...أنا نحب نعرف إذااا كان لي سمعتو منو...صحيح و لا لااا
كنان:هدي رووحك سااعة...الحكاية مش كيما في باالك
أنا:معناها صحيح...أنت وليت شريك أمير أصلاان ؟
مد يدو باش يمسني...وخرت لتالي بالوقت...دقات قلبي قوات لدرجة حسيتو باش ياقف في لحظة...عدا يدو على وجهو و تنهد بالقاوي يحكي
كنان:إيماان...إيجا أقعد تو نحكيو في الموضوع من الأول
أنا:منحبش...أصلا أنت كيفاش تخبي عليا حاجة هكا كناان...كيفااش تتعامل مع الساقط هذاا من غير ما تعملي حسااب جملة
كنان:بالله وليت هكااا أنا تواا ؟ فيييسع حطيتني في نفس الكفة معااه ؟
أنا:علااش غاالطة ؟ أنت لتوا متاثقش فياا كناان و ديما تخبي عليا الحاجات المهمة في حيااتك
كنان:إيمااان...يزي كهو...الموضوع مش كيما في بالك
أقعد و اسمعني عيش حبي
أنا:لااا...كان جيت و خبرتني قبل...كنت باش نتقبل الموضوع عاادي و نفهم وجهة نظرك...أما مداامك ترتااح كي تخبي عليا كلشي يصير معاك...مانيش باش نقلقك بعد تواا
قرب مني شوية...بعدت عليه أكثر و كبست على صاكي نحكي
أنا:أنا باش نمشي توا
كنان:تو نخرجو مع بعضنااا
أنا:لااا خليك أنت هوني...خاطر عندك برشا مشاريع خاصة اذا كانت مع عيلة أصلان
كنان:الصبرر يااا ربي...إيمااان...علااش ديما تعقد الأمور بالطريقة هاذي ؟ ياااخي لهدرجة متنجمش تقعد و تسمعني شوية
أنا:منحبش...و من غير ما تخلط عليا زادة...خاطرني بالرسمي على أعصابي كناان
كنان:باااهي...تفضل إرتااح ملاا
أنا:لااا...قتلك باش نمشي تواا
كبست على صاكي و قربت من الباب بالزربة...حليتها و خرجت...خلط عليا بالوقت و جبدني من يدي قبل ما ندخل للأصونصير...كبس عليا يحكي
كنان:يززي يا روحي...هيا إيجا و نوعدك باش نفهمك في كلشي من الأول
أنا:خليني وحدي كناان...أماانك
جبدت يدي منو و دخلت...مديت يدي و مسحت دمعتي لي هبطت و تسكرت معاها الباب بالوقت منحبش نتعارك معاه أكثر من هكا...أول ما وصلت اللوطة وقفني الشوفور يحكي
هو:تفضل مدام إيمان..سي كنان طلب مني باش نوصلك لدار
ترددت باش نمشي معاه...أما فرد وقت منحبش نحيرو عليا...خاصة بعد اللي تعدينا بيه آخر مرة...خذيت نفس نحكي
أنا:وصلني للحومة
هو:باهي تفضل
حلي الباب ركبت...كبست على صاكي و تكيت لتالي منحبش نمشي لدار و لا حتى نسمعو و لا نسامحو بالساهل...مدامو خبى عليا حاجة هكا...مجبور باش يتحمل العواقب مهما كانت.
#إيمان_كنان❤
VOUS LISEZ
صرخة صمت 🌬
Romance🌬🌬🌬 🌬 🌬 #صَرْخَةُ_صَمْتْ 🌬🌬🌬🌬🌬🌬 🌬هل جربت يوما ان تصرخ و انت تعلم ان ليس هناك من يسمعك...او ان تصرخ في داخلك من دون ان تنطق بحرف واحد ؟ 💔 💠 موضوع حكايتنا الجديدة...عكس لي قريتو عليه قبل...عكس انا لي كتبت عليه قبل...ماهيش حكاية جديدة علي...
