صرخة صمت 🌬

الحلقة السابعة و الثمانون

🔸️حلقة 87
🔸️عبير_تحكي:
هز عينيه في وجهي و قرب مني بخطوات ثابتة وقف قدامي بالظبط...دقات قلبي قوات بالوقت خاطرني معنديش إستعداد باش ناقف في مواجهتو قحرلي يحكي
أمير:أركب
عديت عينيا على وجهو و حطيت يدي على كرشي نحكي
أنا:علااش هكا ؟ علاش عملت هذا الكل ؟
أمير:أركب عبير...كلامي معاااك مش هووني
وخرت خطوة لتالي و حليت الباب ركب...خلط عليا من غير حتى كلمة و خدم الكرهبة...تكيت لتالي نحكي
أنا:توقعت أنك باش تخمم في ولدك قبل كلشي...أما مزلت على رايك...مزلت ناوي تدمر روحك و دمر كلشي معاك
ضرب يدو على الفولون أكثر من مرة...يصيح
أمير:أسكككككت عبييير...سككر فممممك...منحبش نزيد نسمع حسك إنتي زادة
نزلت البلار و دورت راسي...كان نلقى منقعدش حتى ثانية معااه...أصلا معرفتش شنية نعمل وقت لقيت روحي وحدي معاه...حتى إني معاادش نحب نرجع لدار هذيكا و لا نعيش معاه تحت سقف واحد...نزل على الفيتاس أكثر...لدرجة منعرفش كيفاش وصلنا شد الفران بالقاوي يحكي
أمير:أنززل
أنا:منحبش...منحبش نكون معاك بعد تواا
هز روحو نزل و حل الباب من جيهتي...كبس على زندي و نزلني بقوة...وين لقيت روحي نمشي في جرتو من غير مقاومة...خاطرني خايفة على ولدي منحبش نخسرو بعد ما تحملت كلشي على خاطرو خاصة أنو هو الأمل متاعي الوحيد في دنيا هاذي حل الباب و دزني الداخل...نحى الفاست متاعو و طيشها على الفوتاي يحكي
أمير:كيفاااااش وصل ل●●●●● تكلللم وين لقاااك هووو ؟
أنا:منعرررفش
أمير:متعرررفش ؟ توااا وليت متعررفش ؟ أصلااا إنتي كيفاش خرجت من هوووني ؟
أنا:اليوم الموعد متااع مع الدكتوورة و أنت نسيتو خااطرك كنت لااهي في أموور أهم من ولدك...ساااعة أنت شنية تحب منها ؟ طلق منوو و ترجعلك ليك أنت ؟ تهددم حيااتها على وااحد كيفك أميير
أمير:أمووري متهمكش واااضح
أنا:و أمووري أنا متهمكش زاادة...كان مشيت و لا قعدت...أنت آخررر حد عندو الحق يدخل في قرارتي سااعة كان فما شي نادمة عليه لتوااا هي علااقتي بيك و خاطرني وثقت في وحيد مريض كيفك و ميعرفش يفرق بين الصحيح و الغاالط...أنت كنت و باااش تبقى أكبر غلطة في حياتي الكل يااا أمير
وخرت لتالي باش نمشي و عاودت رجعت عندو مديت يدي في وجهو نحكي
أنا:لهوووني و كهووو...أنااا باااش نمشي من هووني و هااذي آخر مرة نبقى فيها تحت سقف وااحد مع عبد كيفك
جبدني من يدي قبل ما نبعد و كبس عليا...يحكي
أمير:أغزرلي هوووني...مدام ولدي عندك مستحيل تمشي لبلاااصة بعيدة عليااا وااضح
هزيت عينيا في وجهو و تبسمت على جنب...نحكي
أنا:مسكين ولدي...ساعة نشفق عليه خااطر أنت باش تكون بوووه
غزرلي ندرا كيف...غزرة مش مفهومة منو و رخف يدو من زندي...وخر خطوة لتالي و تنهد بالقاوي يحكي
أمير:حط تليفووونك هووني و أبععد من وجهي ساعة وين لقاك و كيفاش وصلتلو مزلنا باااش نحكيو فيه و إن شاء الله متكونش كذذبت عليااا
جبدت روح منو و وخرت خطوة لتالي...قحرتلو نحكي
أنا:و أنااا مانيش خااايفة منك...و لا من اللي باش تعملو بعد توااا زادة
أمير:حططط ●●●●●● تليفونك و أدخل لبييتك
أنا:ماهووش عندي...كنان فكهوولي وقت طلبك بيه تنجم ترجعو من عندو و يااا ريت تمشس من هوووني زادة خااطرني عااايفة وجودك معايا تحت سقف واااحد
كبس على يدو و قرب مني شوية...عطيتو بظهري و بعدت عليه...دخلت لبيتي و سكرتها من داخل و منها دخلت لبيت البانو...جبدت تليفوني و كتبت ميساج لكنان <<إن شاء الله إيمان تمنع هي و بنتها...أنا خبرتو أنو تليفوني معاك و هاني باش نطلبك كي نلقى فرصة >> طفيتو و خبيتو ورا توالات...حليت الما و غسلت وجهي أكثر من مرة...منجمتش ننسى لي صار اليوم و متوقعتش لي هو باش يخطفها من جديد...عاودت غسلت وجهي مع دموعي لي هبطت و غزرت لروحي نحكي
أنا:يزززي كهوو...يززي يااا عبير...إنتي باش تكون لباااس و باش تتحرر من هذاا الكل...إنتي باش تعيش مع ولدك لي تحرمت منو الكل
خذيت نفس طويل و حطيت يدي على كرشي..نعرف لي هو باش يجي لدنيا في أي لحظة من توا...و أنا ما نجمت نعمل شي و لا حتى نمنع روحي من السجن متاعو...رجعت لسريري و تسطحت...كبست على كرشي...محاولة مني باش ناخو قوتي منو...خاطرو الوحيد لي بقالي في دنيا هاذي...حتى عيلتي خسرتها
غمضت عينيا كي سمعت صوت الباب...أصلا ديما عندو الدوبل متاع المفاتح...غمضت عينيا بالوقت قرب مني شوية و قعد على طرف السرير...عدا يدو على كرشي...يحكي
أمير:أنت أملي الوحيد في الدنيا...مستحيل نخليك تبعد عليا يا روحي
كبست على يدي أكثر...كي غرس يدو في شعري و بعد ما حسيت بأنفاسو لي قوات في وجهي...باسني من جبيني يحكي
أمير:رغم كلشي...إنتي باش تبقى أحلى صدقة في حياتي يا عبير...و مستحيل نتخلى عليك
جبد روحو مني شوية...و خرج بعد ما حسيتو طمن علينا...حليت عينيا مع صوت الباب و مديت يدي مسحت دمعتي لي هبطت مرة أخرى...معاادش نحب نضيع معاه و لا حتى نتناازل أكثر من هكا...تكفيه الفرص لي خذاها مني...و بعد اللي عملو اليوم مستحيل نصدقو و لا حتى نرضى نكمل حياتي معاه و تحت رحمتو...بعد اليوم باش نعمل أي شي يخليني نمنع روحي و ولدي من العذاب هذا...منعرفش كيفاش و لا شنوة لازمني نعمل...أما باش ناقف على ساقيا من أول و باش ننجح في إني نبني حياة خاصة بيا من الصفر و من غير ما نتلفت ورايا مرة أخرى.