الحلقة الرابعة و الستون

634 17 0
                                    

🔸️حلقة 64
🔸️أمير_يحكي:
هزيت تليفوني و خرجت من البيرو...أصلا عديت نهاري هوني من غير ما نقابل حد...نظن كنت بحاجة إني نبقى وحدي فترة...شديت الثنية لعندها...نحب نطمن على ولدي...خاطر الشي الوحيد لي نستنى فيه و نحبو يكون بخير...هو الشي الوحيد لي باش يكون ملكي و لي باش يحبني من غير مقابل زادة...كيما نحب ناخو وقتي بالقدا باش نرجعلو الضربة و نخليه يندم على اللحظة لي قرر يدخل للحرب هاذي..شديت الفران بالقاوي و هزيت روحي نزلت...أصلا منعرفش على روحي كيفاش وصلت لدارها...دقيت الباب و بقيت نستنى فيها..حلتلي بعد دقايق...عديت عينيا على وجها...نحكي
أنا:لباس ماهو ؟
عبير:لباس...جيست تاعبة شوية و كهو
قربت منها شوية و مديت يدي باش نحطها على خدها...بعدت لتالي و غزرتلي تحكي
عبير:علاش جيت ؟
أنا:نظن فما حاجة تربطني بيك...تخليني نجي بالسيف عليا
عبير:طمن الصغير بخير...تنجم تمشي توا
حطت يدها على كرشها و عطاتني بظهرها...عديت يدي على وجهي...سكرت الباب و خلطت عليها نحكي
أنا:عبيير...فهمني شبي حالتك هكا ؟
عبير:هاااك طمنت على ولدك...شيهمك فيا ياخي ؟
كبست على زندها و دورتها عندي شوية...بعدت عليا بالوقت تحكي
عبير:أبعد عليااا أميير...خليك بعيد علياا أحسنلك
أنا:شنية صاار ؟ شبي ●●● في هالليلة الكلبة
عبير:ما بيا شي...أنا جيست منحبش نشوفك و كهو
أنا:الصبر يا ربي...باااهي خبرني شنية تستحق باش نوصيلك عليه و دواك قاعدة تاخو فيه ياخي ؟
عبير:ما نستحق شي أمير...نحب نبقى وحدي و كهو
أنا:باهي كيما تحب...مانيش باش نظغط عليك
نزلت عينيها من وجهي و كبست على كرشها بالوقت جيت باش نمشي...أما جمدت في بقعتي كي ريت الدم نازل بين ساقيها..غمضت عينيها موجوعة..قربت
منها شوية و حطيت يدي على خدها نحكي
أنا:عبيير شبيك ؟ شفمااا ياخي ؟
عبير:م..موجوعة عاللخر
أنا:بااهي...حاول تاخو نفس...باش تكون لباس متخافش
عبير:م..منحبش نخسر ولدي أمير...تصرف أمانك
نحيت الفاست متاعي...حطيتها عليها...و نزلت عليها شوية...هزيتها في حملتي و خرجت من الدار...حطت راسها على كتفي...تحكي
عبير:ولدي
أنا:متخاافش عبير...متخافش عزيزتي...إنتي و هو باش تكونو بخير
كبست عليها بقوة الخوف لي حسيتو...خاطرني بالرسمي منحبش نخسر الصغير هذا و لا حتى نحبها تعيش نفس الشي زادة...أول ما وصلت للكرهبة حليت الباب و حطيتها...خلطت عليها بالوقت و طرت بيها للكلينيك...حطيت يدي على كرشها و خذيت نفس نحكي
أنا:حاول تاخو نفس عزيزتي...صدقني صغيرنا باش يكون بخير
هزيت عينيا في وجها و غزرت لدموعها لي هبطت نزلت على الفيتاس أكثر...لدرجة منعرفش كيفاش وصلت...حليت الباب و هزيتها في حملتي...كبست عليا أكثر...تحكي
عبير:متخليهمش ينحيولي ولدي أماانك
أنا:متخاافش عبير...هاني معاك باهي
دخلت بالزربة نعيط عليهم...فكوها من يدي و دخلو بيها للبيت...وقفت الطبيب نحكي
أنا:مرتي حبلة...أعمل اللي تنجم عليه و منعلي ولدي أماانك
هو:باهي مسيو هدي روحك توا
هزيتلو براسي باهي و وخرت خطوة لتالي...عديت ساعتين على أعصابي...متوقعتش باش تتعب هكا فرد وقت حسيت روحي مرعوب من اللي صار...كان ملحقتهاش منعرفش شنوة كان باش يصير فيها عديت يدي على وجهي و غزرت للباب لي تحل مرة أخرى...قربت منو نحكي
أنا:لبااس توا ؟
هو:لباس متخافش...الزوز بخير
تنهدت براحة و عاودت هزيت عينيا في وجهو نحكي
أنا:شنية صار معاها ؟
هو:لازمها برشا راحة الفترة هاذي...خاطرها تاعبة برشا و الصغير مش ثابت...كان تتعرض لظغط آخر باش تخسر الصغير أكيد
أنا:باهي دكتور عيشك...نجم نشوفها توا
هو:أكيد تفضل
جبدت روحي منو و دخلت عندها...لقيتها دوب فايقة غزرتلي تحكي
عبير:أ..أمير...ولدي
خذيت نفس و قربتلها أكثر...حطيت يدي على كرشها و تبسمت نحكي
أنا:قتلك باش تكون بخير إنتي و البيبي...حاول ترتاح توا و ما تخمم في حتى شي باهي
هزتلي براسها باهي و دورت وجها...تنهدت بالقاوي و خرجت...تعديت لرسيبسيون و رجعت عندها..عاونتها من غير حتى كلمة...خاطرني منحبش نتعبها معايا أكثر...كبست على يدها و خرجتها معايا...ركبتها و شديت الثنية لداري...أول ما وصلنا غزرتلي مستغربة تحكي
عبير:علاش جينا لهوني ؟
أنا:إنتي باش تبقى معايا الفترة هاذي
عبير:منحبش...رجعني لداري باش نرتاح أكثر
أنا:عبير...حملك مش ثابت...منحبش نخاطر بيكم أكا علاش مجبورة باش تبقى معايا و هاني باش نجيبلك لي تستحقو الكل هوني
عبير:قصدك متحبش تخاطر بالصغير لي في كرشي معناها من غير ما تحاول تكذب عليا و صراحة أنا نرتاح أكثر كي تبدا أنت بعيد عليا أمير
أنا:صدقني مانيش باش نقلقك بوجودي...حاول ترتاح و ما تخمم في حتى شي آخر باهي
نزلت عينيها من وجهي و حلت الباب...خلطت عليها بالوقت...كبست على يدها و عاونتها...أول ما دخلنا غزرتلي تحكي
عبير:وين نجم نرتاح ؟
أنا:إيجا معايا
خذيت نفس و وصلتها للبيت...قعدتها على طرف السرير و عطيتها مريولي...نحكي
أنا:هيا بدل توا...هاني باش نحضرلك حاجة تشربها
عبير:مش لازم...نحب نرقد شوية و كهو
هزيتلها براسي باهي و خرجت...رجعت بعد نص ساعة لقيتها غفات...هزيت دبشها حطيتو على الفوتاي..غطيتها و عديت يدي على شعرها...تنهدت بالقاوي...نعرف لي أنا ظلمتها معايا و لي تحملت برشا جرايري...أما منجمش نسحب من اللي بديت فيه و لا حتى نتخلى على إيمان زادة...مش بعد الوقت هذا الكل و رغم هكا باش نحاول نحميها حتى من روحي زادة
#عبير_أمير❤

صرخة صمت 🌬Où les histoires vivent. Découvrez maintenant