🔸️حلقة 69
🔸️إيمان_تحكي:
كبست على العظم في يدي و كسرتو في الصحن نخلط فيه...نسمع في الموسيقى و نتحرك معاها فرد وقت محاولة مني باش نخلق جو مع روحي..خاصة إني إرتحت برشا الأيامات هذوما و معادش نحس بوجيعة العملية...من غير شوية حكة تقلقني مرات كبست على الصحن و فرغت العظم في المقلة فوق الغلة...نظن هاذي الوصفة الوحيدة لي تنجح معايا جبدت كاس و تلفت باش نفرغ شوية عصير...تهزيت و تحطيت كي ريتو قاعد يتفرج عليا...محسيتش بيه كيفاش جا..نزلت على شفايفي نحكي
أنا:صباح الخير
كنان:صباح النور
أنا:محسيتش بيك...إمتى فقت ياخي ؟
كنان:كي ملقيتكش بجنبي
عديت عينيا على وجهو و تبسمت...خذيت نفس نحكي
أنا:حبيت نحضر الفطور قبل ما تفيق
كنان:إعتبرني مش موجود ملا
هزيتلو براسي باهي و عطيتو بظهري...جبدت الصحن و نحيت الطبخة...و حطيت الغلة في صحن آخر حسيت بيديه زوز لي دارو على كرشي في لحظة و باسني من رقبتي فرد وقت...تبسمت نحكي
أنا:على أساس ماكش موجود زعمة
كنان:والله معنديش قدرة باش نصبر عليك أكثر
خذيت نفس و تلفت عندو شوية...دورت يديا زوز على رقبتو و بستو نحكي
أنا:والله أنت مخليتليش فرصة باش نهتم بيك و لا بروحي
كنان:يكفي أنك ترتاح صغرونتي
عديت صوابعي على خدو و نزلت بيهم لحيتو..نحكي
أنا:والله أنا نرتاح بوجودك معايا و مدام باش نرجعو لدارنا بعد يومين...نحب نستغلهم هوني معاك...لآخر لحظة
رجعلي خصلات شعري لتالي و باسني من شفايفي يحكي
كنان:تدلل يا روح كنان
عدا يدو على ظهري...رجعني لتالي و نزل يبوس فيا ضحكت و كبست على جنبو نحكي
أنا:الفطور باش يبرد
كنان:نحضرو غيرو
أنا:أمااان...من بكري نحضر فيه على خاطرك
باسني من كتفي و جبد روحو شوية مني...بستو من خدو و بعدت عليه...أصلا مقدرة وضعو و الصراع اللي قاعد يعيش فيه باش ميضرنيش...خاصة أنو ما صار شي بينا من ليلتها و لي رغم كلشي تعديت بيه نعتبرها فاصل مهم في حياتي...عالأقل نجمت نتعدا صدمة كلشي عشتو...و مع هكا نحب نخلي اليومين هذوما خاصين بينا أكثر...هز الصحون في يدو و خلط و قرب من الطاولة...قربت منو شوية و حضنتو من تالي نحكي
أنا:مممم كنان
كنان:حتى هي مزمرة من أولها...شبي حبي توا ؟
ضحكت و دخلت تحت يدو...وقفت مقابلاتو بالظبط و عديت يديا زوز على صدرو نحكي
أنا:يعني فما مخطط صغير في مخي
كنان:ربي يستر ملا
أنا:كنااان
كنان:باهي نسمع فيك
أنا:باهي...يعني إحنا باش نمشيو بعد غدوة
كنان:صحيح...أما كان تحب نقعدو أكثر ميسالش
أنا:لا منحبش نعطلك على خدمتك أكثر...نعرف ل فما برشا بحاجتك...أما قلت مدامنا هوني زوز...خلينا نحضرو ليلة خاصة بينا
كنان:مفهمتش
أنا:توا وليت متفهمش
هز حاجبو مستغرب...عديت عينيا على وجهو و كملت نحكي
أنا:نقصد أنو أنت باش تحضر العشا...و أنا نحضر القعدة
كنان:كهو
أنا:ممم كهو...علاش تخمم في حاجات أخرى
غزرلي شوية و هزلي براسو لا...جبدت روحي منو و تبسمت كي حسيتو دخل بعضو أكثر...بعد عليا و جاب العصير يحكي
كنان:فكرة باهية عزيزتي
أنا:أما قبل هكا خلينا نعملو دورة برا
كنان:تدلل
تبسمت و قعدت بجنبو...منعرفش علاش حسيت روحي شايخة عليه...خاصة إني متأكدة لي هو خايف عليا لتوا و ميحبش يحرق الحدود لي بينا أكثر شربت من كاسة العصير متاعي و غزرتلو نحكي
أنا:كنان
كنان:اشكي
أنا:نحب نبدا في الفاك و نرجع للمعهد بعد ما نمشيو من هوني
كنان:مزلت تاعبة عزيزتي و زيد مدام سسلسن مفقودة لتوا...منجمش نخاطر بيك
حطيت يدي على يدو و كبست عليها بالوقت...نحكي
أنا:نعرف أماا زادة متأكدة لي ماهيش باش تضرني مرة أخرى
كنان:إيماان عيش حبي...الموضوع هذا منحبش نحكي فيه توا
أنا:كناان...ياخي باش نعدي حياتي هاربة منها ؟ أنا معادش نحب نعيش و الخوف محاوطني...مدامك معايا متأكدة لي أنا باش نكون لباس
عدا عينيه على وجهي و قرب مني شوية...باسني من جبيني و تبسمت و نزلت راسي لصحن...أصلا نحب نعرف رايو...كلا منو شوية و تبسم يحكي
كنان:ممم صغرونتي قاعدة تحسن من روحها
أنا:بالله سي كناان...ساعة أنت ملزوم بوعدك باش تعلمني أكثر
كنان:أكيد باش نعلم مرتي
تبسمت و نزلت راسي لصحن مرة أخرى...كملت بالزربة و وقفت نحكي
أنا:هاني باش نحضر روحي
ضحك و هزلي براسو باهي...نزلت عليه شوية بستو من خدو و رجعت للبيت...شوية و خلط عليا..حطيت الروبة من يدي قبل ما يشوفها...لبس دبشو حتى هو و قرب مني شوية يعدلي في الكاشكول...يحكي
كنان:من غير ما تاخو برد
هزيتلو براسي باهي و خرجت معاه...أصلا النسمة الباردة عاونتني باش نهدي أفكاري أكثر...كبست على يدو...نحكي
أنا:خلينا نرجعو بكري...خاطر قدامنا برشا تحضيرات
كنان:العشا ماهوش باش ياخو برشا وقت يا روحي
أنا:فما تحضيرات غيرو زادة
كنان:كيما شنية ؟
أنا:هيا إيجا تعرف مبعد
ضيق عينيه مستغرب...عديت يدي على لحيتو و ضحكت نحكي
أنا:متخممش برشا
كنان:بااهي...نظن هاذي أحسن حاجة نعملها توا
ضحكت و هزيت راسي شوية نتحسس في قطرات المطر الخفيفة...مد يدو شوية...عدا صوابعو على خدي و باسني من شفايفي يحكي
كنان:خلينا نمشيو صغرونتي...خاطر منجمش نصبر عليك أكثر من هكا
هزيتلو براسي باهي و عاودت كبست على يدو..نحب
نعيش اليومين هذوما من غير ما نخمم في حتى شي من اللي صار و لا في اللي باش يعرضنا زادة خاطرني هملت برشا تفاصيل كان لازمني نعيشهم معاه من قبل...أكا علاش منحبش نخسر الوقت أكثر من هكا و لا نخلي شي يعطلنا بعد توا.
#إيمان_كنان❤
VOUS LISEZ
صرخة صمت 🌬
Romansa🌬🌬🌬 🌬 🌬 #صَرْخَةُ_صَمْتْ 🌬🌬🌬🌬🌬🌬 🌬هل جربت يوما ان تصرخ و انت تعلم ان ليس هناك من يسمعك...او ان تصرخ في داخلك من دون ان تنطق بحرف واحد ؟ 💔 💠 موضوع حكايتنا الجديدة...عكس لي قريتو عليه قبل...عكس انا لي كتبت عليه قبل...ماهيش حكاية جديدة علي...
