🔸️حلقة 59
🔸️آدم_يحكي:
هزيت روحي نزلت و تكيت على الكرهبة نستنى فيها منحبش نهملها وسط الظروف هاذي الكل...فرد وقت لازمها تعرف بكلشي قاعد يصير...تبسمت كي ريتها تقرب ناحيتي...وقفت قدامي بالظبط...نزلت عليها شوية و بستها من جبينها نحكي
أنا:صغرونتي
أسيل:مكنتش نعرف لأنت هوني
أنا:والله أنا توحشت أختي و نحب نعدي معاها وقيت كان معندهاش مانع
أسيل:أكيد آدم...معاد نحب حتى شي يفرقني عليك بعد توا
أنا:هيا خلينا نمشيو ملا
أسيل:باهي
تبسمت و حليتلها الباب ركبت...خلطت عليها بالوقت خدمت الكرهبة نحكي
أنا:شحالك أسيل ؟ شنية أحوال القراية ؟
أسيل:والله القراية الوحيدة لي ماشية أمورها معايا و معادش برشا على الكنترولات...أنت شبيك غبت عليا اليومين هذوما ؟
أنا:خدمة عزيزتي...أما هاذي آخر مرة نهمل فيها صغرونتي
أسيل:مممم باش نسامحك المرة هاذي...أما قبل لازمني نعرف وين باش تهزني ؟
أنا:أول شي...ناكلو حاجة مع بعضنا و بعدها باش نخلي القرار ليك...باهيشي هكا
أسيل:باهي برشااا سي آدم
تبسمت و نزلت على الفيتاس...محسيتش على روحي كيفاش وصلت لريستو...شديت الفران و نزلت معاها حسيتها مش قد بعضها...أما محبيتش نظغط عليها بأسئلتي...طلبت الأكل و تكيت لتالي نحكي
أنا:أسييل...فما حاجة تحب تخبرني بيها ؟
أسيل:لااا أماا نحب نعرف قرارك بخصوص لي حكينا فيه قبل..أنت لتوا مجاوبتنيش آدم
خذيت نفس طويل و مديت يدي شوية...كبست على يدها و غزرتلها نحكي
أنا:أسييل...أغزرلي هوني عزيزتي
أسيل:خذيت قرارك ياخي ؟
أنا:صحيح...خذيت قراري...و خممت فيه بالقدا زادة و فكرة أنو أنا و شذى يجمعنا سقف واحد...محبتش تدخل في راسي و لا نجمت نتقبلها زادة
أسيل:معناها ماكش باش تسكن معايا
جبدت يدها مني و كبست عليها...تنهدت بالقاوي و غزرتلها نحكي
أنا:أسيل صدقني كنت باش نحااول...و كان إحتمال وارد إني نرجع و نعاقبها بوجودي أكثر...أما توا مانيش وحدي و معنديش ثقة في شذى شنية ممكن تعمل في مرتي
أسيل:مرتك ؟
غزرتلي مستغربة...عديت يدي على وجهي و هزيتلها براسي إيه نحكي
أنا:أنا قررت باش نعرس و هذا أهم خبر جيت باش نعلمك بيه
أسيل:أنت باش تعرس آدم ؟ ياخي إمتى خذيت قرار هكا...ساعة الكل يعرف لأنت مستحيل تربط روحك بمرا...نقصد أنت ماكش باش تخلي العرس يقيدك هذا لي كنت نعرفو عليك
أنا:أما هذا تبدل يا روحي...ساعة هذا أحسن قرار باش ناخو في حياتي الكل
أسيل:نفهم منك لي أنت تحبها ؟
أنا:صحيح و منظنش عندي سبيل غيرها...و ما نحب حتى شي يضرها و لا يقرب ناحيتها...خاصة شذى صدقني أنا معنديش ثقة فيها...خاصة بعد اللي عملاتو معايا الكل
أسيل:شكونها ؟
أنا:ملاااك...الطفلة لي ريتها عندي مرة في البيرو
أسيل:تقصد الطفلة لي تناديلها ملاكي
تبسمت بالوقت و هزيتلها براسي إيه...نحكي
أنا:صحيح
أسيل:متأكد من قرارك...يعني إمتى لحقت تعرفها
أنا:الوقت لي عرفتها فيه...كافي باش يخليني نقرر
أسيل:باهي و بخصوص علاقتنا إحنا...يعني معادش فما فرصة باش نجتمعو من جديد
أنا:أغزرلي هوني أسيل...بعد توا مفما حتى شي يفرقني عليك...كيما باش نعمل جهدي و نعوض كل لحظة تحرمنا فيها من بعضنا...بالمختصر أنا باش نحضرلك بيتك و هكا تنجم تجي عندي في الوقت لي تحبي عليه و تبقى كيما تحبي زادة
أسيل:أنت قاعد تطلب مني نتخلى على أمي
أنا:علاقتك بيها متهمنيش...يكفي أنها تبقى بعيدة عليا و معاد تدخل في حتى شي يخص حياتي و لا حياتك زادة...يكفي لي عشناه جرايرها...صدقني أسيل أنا مستحيل نغفرلها موت رائد و أماني مستحيل ننسى لي عملاتو فيا لين نموت يا أسيل
أسيل:باهي...مانيش باش نظغط عليك...لي يهمني أنك تبقى معايا و معاد تخلي حتى حد يدخل بيناتنا و لا يفرقنا على بعضنا
أنا:وعد يا روحي...ساعة خوك بحاجتك توا...مدام فما برشا تحضيرات تستنى فيا
أسيل:إمتى العرس ؟
أنا:بعد أيامات من توا
أسيل:بااهي برشاا...حتى باش يكون عندي وقت إني نتعرف عليها
أنا:أكيد عزيزتي
أسيل:ساعة ماهيش باش تفك بلاصتي عندك...و لا حتى باش تبعد عليا آدم...أنا دوب لقيتك مرة أخرى
تبسمت و كبست على يدها بالوقت...عديت عينيا على وجها نحكي
أنا:منحبكش تخااف مني أسيل...صحيح إنتي لتوا ماخذة فكرة غالطة عليا...أما نحبك تتأكد من حاجة وحدة...أنا مستحيل نقول حاجة و ندور عليها...كيما تأكد لي أنا عديت سنين نسعى باش نرجعك ليا أكا علاش مستحيل يجي نهار و نتخلى عليك مرة أخرى
أسيل:و لا أنا آدم
أنا:نعرف...هيا كمل صحنك توا...خاطر عندك برشا خدمة مبعد
أسيل:خدمة ؟
أنا:نسيت لي إنتي باش تعاوني في التحضيرات خاطر بالأساس باش يكون عرسي و عرس كنان فرد وقت
أسيل:كنان ؟ مش كان معرس قبل ؟
أنا:صحيح و طلق عندو برشا
أسيل:و بشكون باش يعرس ؟
أنا:مع إيمان...تتعرف عليها حتى هي مبعد
أسيل:باهي برشا
تبسمت و تكيت لتالي.. نزلت راسي على صوت تليفوني حليت الميساج متاعها بالوقت...نغزر لصور لي بعثتهم من الديكورات لي خليتهملها بكري باش تختار منهم تبسمت و أنا نقرا في كلامها << أنا إخترت لي نجم عليه...نحبك تشاركني باش نعرف ذوقك على الأقل >> ضحكت و رجعتلها بالوقت <<باهي صغرونتي...باش يصير لي تحب عليه و كهو حضرلي روحك...نتعدالك مبعد>> حطيت تليفون من يدي و ركزت معاها...نحب نعدي معاها وقت أطول باش نتعرف عليها أكثر من هكا...فرد وقت معنديش إستعداد باش نخسرها و لا نخلي حواجز تتبنى بيناتنا و تفرقني عليها...مرة أخرى.
#آدم_أسيل❤
VOUS LISEZ
صرخة صمت 🌬
Romance🌬🌬🌬 🌬 🌬 #صَرْخَةُ_صَمْتْ 🌬🌬🌬🌬🌬🌬 🌬هل جربت يوما ان تصرخ و انت تعلم ان ليس هناك من يسمعك...او ان تصرخ في داخلك من دون ان تنطق بحرف واحد ؟ 💔 💠 موضوع حكايتنا الجديدة...عكس لي قريتو عليه قبل...عكس انا لي كتبت عليه قبل...ماهيش حكاية جديدة علي...
