🔸️حلقة 85
🔸️آدم_يحكي:
هزيت راسي شوية مع حلة الباب...و تكيت لتالي نغزرلها...دخلت و نطرتها وراها...قربت مني شوية و طيشت الدوسي فوق البيرو تحكي
شذى:شنننية هذااااا ؟ شنيية تستخاايل في روحك ياااخي ؟
أنا:والله أنا حذرتك قبل
شذى:الفيلاااا ماااهيش متاااعك وحدك باااش تاخو قرااار الإخلاء...أنا و أختك عندنا حق فيها كيما السوسيتي بالظبط
أنا:نعرررف...أما الأوراق تقول العكس و بالنسبة لأسيل حقوقها محفوظة عندي...إذا تخلات عليك باش تعيش كيما تحب
شذى:تتوقع أنك باش تهيني بالطريقة هاااذي ؟
أنا:إنتب لي هنت روحك وقت قررت تفرق بين رائد و مرتو...هنت روحك كي حرمتني من أختي...و هنت روحك كي تعديت على مرتي زادة
هزيت روحي وقفت و قربت منها بخطوات ثابت وقفت قدامها بالظبط و غزرت لعينيها نحكي
أنا:أما أناا مانيش رااائد...و مستحيل نخليك تكون طرف في علاقتي بمرتي...و لا حتى نعطيك فرصة باش تتدخل في حياتي...و للمرة الألف نقلك...أنا نحبها و مستحيل يجي نهار و نتخلى عليها...مهما كان اللي باش يكلفني
شذى:تتوقع أنو هي باش تعمل نفس الشي على خاطرك ؟
أنا:و أكثر زادة...أنا عندي ثقة فيها...لدرجة إني نجم نأمنها على حياتي...أما إنتي منأمنكش حتى للحظة وحدة...و للأسف الخطة متاعك لي تخص حنين طلعت فاشلة و هوكا إختارت أنها ترجع لأمريكا على أنها تعاند وحدة مريضة كيفك
مدت يدها باش تضربني...شديتها بالوقت و قحرتلها نحكي
أنا:أخرررج من هوني و لا باش تكون التكلفة أكبر من اللي توقعتها
شذى:أنت باش تندم على هذا الكل
جبدت روحي منها و عطيتها بظهري...الكلام هذا حفظتو و معادش يعنيلي من الأساس...معادش نحبها تدخل في حياتي أكثر من هكا...كملت بقية الخدمة على أعصابي...لدرجة منعرفش كيفاش كملت...هزيت روحي و خرجت...تعديت للحومة و طلبتها...خرجت عندي بعد دقايق...هزيت روحي نزلت و بستها من خدها نحكي
أنا:لباس يا روحي ؟
ملاك:مممم شوف هوني...جبتهم من عند أمي زينب
غزرت لصحن و تبسمت...نحكي
أنا:صحة لحبي
ملاك:صارت حاجة ياخي ؟
أنا:لا...خلينا نمشيو لدارنا توا
هزتلي براسها باهي...حليتلها الباب ركبت و خلطت عليها...نحكي
أنا:كيفاش عديت نهارك ؟
ملاك:سافا...حتى إني راجعت شوية من الدروس لي عندي
أنا:متظغطش على روحك...مبعد نعاونك في بقية الدروس
ملاك:باهي
تبسمت و شديت الثنية...هزت عينيها في وجهي تحكي
ملاك:آدم شبيك ؟ علاش نحس فيك مش قد بعضك
أنا:أنا لباااس عزيزتي
ملاك:مش صحيح...أنت من أمس مش قد بعضك ميطلعش هذا الكل على خاطر حنين سافرت ؟
أنا:الموضوع ما عندو حتى علاقة بحنين...جيست تاعب و برا
دورت وجها للبلار و سكتت...خذيت نفس و كملت الثنية لدار...أول ما وصلنا..حلت الباب و نزلت..خلطت
عليها بالوقت و جبدتها من يدها...دورتها عندي نحكي
أنا:يااخي باش ترجع لعادتك ؟
ملاك:شعندي عملتلك أنا توا ؟
أنا:إنتي مااا تحب تعطيني حتى فررصة باش نصلح لي عملتو معااك ملاااك
ملاك:ملااا علاش قاااعدة معاااك هوني في راايك ؟
أنا:أمااا تصرفااتك تقول العكس..هاااك في كل فرصة تختار أنك تبعد عليا و متحكيش معايا
ملاك:آدددم هدي رووحك...سااعة أنا لتوا مفهمتش شبيك...هاني سألتك و قلت مفما حتى شي...شنية تحبني نعمل أكثر ؟ كيفاش باش نعرف أنا شبيك إذا محكيتليش لي صار معاك
عديت يدي على وجهي و خذيت نفس طويل نحكي
أنا:برا أدخل لدار توا
ملاك:و أنت ؟
أنا:أدخل ملاكي...أنا بحاجة إني نبقى وحدي شوية
سكرت الكرهبة و مشيت للكرهبة لأخرى...خلطت عليا تحكي
ملاك:آدددم..علاااش باش تهز الكرهبة هاذي ؟ وين باش تمشي يااخي ؟
أنا:قتلك أدخل لدار توا...أنا باش ناخو شوية وقت مع روحي و نرجع
ملاك:باش تخليني وحدي ياااخي ؟
أنا:ماااكش وحدك...العساس هوني...هيا أسمع الكلام المرة هاذي كهو و أدخل لدار توا
قربت منها شوية...بستها من جبينها و ركبت منعرفش على روحي كيفاش طرت بيها و خرجت لطريق...لحقت بالسباقات قبل ما تبدا...راهنت على أول مبلغ جا في مخي...خاطر هاذي الطريقة الوحيدة لي تخليني نرتاح من الظغط لي أنا فيه...منعرفش كيفاش تعدا الوقت هزيت روحي نزلت و تكيت على الكرهبة...نغزر لرقم متاعها...أما منجمتش نهز عليها قص عليا نفس الشخص لي كنت معاه في السباق وقت طيش دبوزة العصير متاعو على كرهبتي ضيقت عينيا و قربت منو نحكي
أنا:شبييي ●●●●●
هو:شنووة ؟ ياخي باش تولي بطل مصارعات زااادة
عديت عينيا على وجهو و هديت عليه قبل ما يزيد كلمة أخرى...خرجت فيه غشي الكل...أصلا منعرفش كيفاش كنت نضرب فيه...جبدت روحي منو وقت بعدوني عليه...هزيت تليفوني من الأرض و قحرتلو نحكي
أنا:هااااذي آخر مرة تحاااول تقربلي فيها يا ●●●●
غسلت وجهي و رجعت للكرهبة..طرت بيها في لحظة
منحبش نفقد أعصابي أكثر...فرد وقت تليفوني باقي ينوقز...أما منجمتش نهز عليها...مش قبل ما نحس روحي هديت...أصلا كلشي جا على بعضو...علاقتنا لي دخلت في حيط و شذى لي متحبش تركح من ناحية كيما لتوا داخل بعضي من فكرة أنها متنجمش تسامحني و لا حتى أنها كرهتني و ماهيش باش تحبني مرة أخرى...هاذي أول مرة نتعلق بشكون لهدرجة و نخاف نكمل حياتي من غيرها...كيما منحبش نخسرها و لا نخسر صغاري لي لتوا مفرحتش بيهم...الأفكار لي في راسي غمتني...وين حسيت أنو الوجهة متاعي ولا مجهولة و معادش نعرف شنوة نعمل بالظبط...فكرة أنو حتى شي ماهو باش يتصلح في حياتي...خلاني نكره روحي أكثر من أي وقت فات عليا
VOUS LISEZ
صرخة صمت 🌬
Romance🌬🌬🌬 🌬 🌬 #صَرْخَةُ_صَمْتْ 🌬🌬🌬🌬🌬🌬 🌬هل جربت يوما ان تصرخ و انت تعلم ان ليس هناك من يسمعك...او ان تصرخ في داخلك من دون ان تنطق بحرف واحد ؟ 💔 💠 موضوع حكايتنا الجديدة...عكس لي قريتو عليه قبل...عكس انا لي كتبت عليه قبل...ماهيش حكاية جديدة علي...
