🔸️حلقة 51
🔸️كنان_يحكي:
كبست عليها و هزيتها في حملتي..بعد ما تعدات ساعات و هي راقدة في حضني...دخلت للبيت و حطيتها في وسط السرير...مديت يدي شوية و عديت صوابعي على خدها و حبست بيهم عند الجرح لي بجنب شفايفها..لتوا منعرفش كيفاش خبرتها و لا كيفاش تقبلت الأمر...وسط هذا الكل مزلت نحس بالخوف من فكرة إني نفقدها و معادش باش تكون معايا مرة اخرى...خذيت نفس ونزلت عليها أكثر بستها من جبينها و غطيتها...هزيت تليفوني في يدي و خرجت و طلبت آدم...هز عليا يحكي
آدم:شنية صار ؟ خبرتها ؟
أنا:خبرتها...أما فما شي أهم من هذا...نحبك تعرفلي بوها وين توا...يعني قبل ما يطلع الضو نحب نعرف بلاصتو
آدم:شنية ناوي تعمل ؟
أنا:اللي لازم يصير
آدم:باهي...هاني باش نحاول نوصل ليه
أنا:باهي...نستنى فيك
قربت شوية من اللوحة و نزلت عندها...عديت صوابعي على الألوان لي عالأرض...قد ما توقعت أنو فما أب قاسي...متوقعتش باش نشوف واحد في وحشيتو هو..رغم لتوا منعرفش علاش تهجم عليها بالطريقة هاذي...أما وقيت باش واحد يحطو عند حدو...بالمعنى الصحيح ينسى وجودها جملة...لميتهم و هزيت روحي رجعت عندها...وقفت جنب الباب نغزرلها...غطست في النوم بصفة غريبة...منعرفش قداش عديت وقت و أنا ضايع في تفاصيلها لي حسيت باش نفقدهم و ماهيش باش تكون معايا مرة أخرى...يمكن منجمش نعطيها كلشي...أما باش نحاول نعوضها باللي نجم...فقت من سرحتي على صوت تليفوني...خرجت و هزيت عليه نحكي
آدم:هاني باش نخليلك موقع الأوتيل لي نازل فيه أما رد بالك تعمل حاجة تندم عليها مبعد
أنا:طمن سي آدم
علقت عليها و حليت الميساج لي وصلني منو...هزيت الفاست متاعي و خرجت بعد ما طمنت عليها...أصلا مستحيل تفيق توا...و خرجت...دريكسيون لعندو من غير شي بدا النهار يطلع...لتوا منعرفش كيفاش تعدات الليلة...و لا كيفاش وصلت للأوتيل لي بعثلي الموقع متاعو...طلع مجرد مرقد...ظاهر أمير معادش إهتم بيه كيما قبل...طلبتو بالإسم و طلعت عندو دقيت الباب ورا بعضو...أول ما حلي الباب...كملت دزيتها بيدي و دخلت نسمع فيه يحكي
حازم:شكوونك أنت ؟
وقفت في بلاصتي...تبسمت و تلفت عندو...هزيتو و حطيتو و قربت منو شوية نحكي
أنا:كناان العامري...نحبك تحفظ الإسم هذا...خاطر باش يرافقك ديما...و في كل مرة تحاول تتعدا حدودك مع مرتي
حازم:مرتك ؟
أنا:نقصد بنتك...إيمان عبد العزيز
حازم:صااار أنت ضحيتها الجديدة ؟
أنا:أما نوع من بين الآباء أنت ؟ كيفااش تتهم بنتك بالطريقة هاذي ؟
حازم:علاقتي مع بنتي متهمكش
أنا:للأسف ماهيش باش تكون عندك علاقة معاها بعد توااا...أنت باش تبعد عليها و على كلشي يخصها و باش طلق زينب من غير مشاااكل و لا حتى تحاول تلعب لعبة من ألعااابك المسخة...خاطر ببساطة أنا مانيش أمير...إذا وعدتك بشي باش نفذو و مع الأسف لثاني مرة أنت معندكش إختيارات معايا خاطر إذا رفضت لي نقول فيه تواا...باش تعدي بقية حياتك في بلاصة أسوء من هااذي
حازم:أنت كيفاش تسمح لروحك تهددني هكا ؟
مد يدو باش يحطها عليا...ضربتو بكل قوتي...طاح لتالي مروهج و مد يدو حطها على خشمو...كبست على يدي نحكي
أنا:كنت باش نعملك قيمة خاطرك في الأخير أب مرتي أما نسيت مع شكون قاعد نتعامل...إعتبر هذا رد صغير عاللي عملتو فيها...كان صااار و ريتها في نفس الحالة مرة أخرى...صدقني باش تدخل لحرب تخرج منها خااسر
مسح بقية الدم من خشمو و هز روحو وقف...يحكي
حازم:أنت وين عرفتها ؟
أنا:خلي أمير أصلان يعرفك عليا
مديت يدي و طيشت الشاك في وجهو...نحكي
أنا:المبلغ لي هوني يكفيك باش تبدا من جديد بعيد عليهم و لا توكل محامي دفاع لروحك...القرار يرجع ليك
خذيت نفس و هزيت روحي خرجت...متأكد أنو ماهوش باش ياقف هوني...أما هذا إنذار كافي باش يخليه بعيد عليها و على عيلتها الفترة هاذي...حليت الباب و ركبت...شديت الثنية لدار من غير ما تغيب على بالي لحظة...خاصة إني منجمش نطول عليها أكثر...أول ما وصلت...طيشت الفاست متاعي على الفوتاي و دخلت للبيت...لقيتها دوب فاقت...تبسمت و قربت منها شوية نحكي
أنا:صباح الخير
إيمان:وين أنا ؟
أنا:والله توقعت أنك باش ترتاح هوني أكثر
هزت روحها تقعدت شوية...خذيت نفس و قربت منها...قعدت على طرف السرير و بعدتلها خصلات شعرها نحكي
أنا:كيفاش تحس في روحك توا ؟
إيمان:أحسن...أنت وين كنت ؟
أنا:كانت عندي قضية مستعجلة
إيمان:صبااح ربي...أصلا كيفاش رقدت هكا أنا..شبيك مفيقتنيش...أكيد أمي تحيرت عليا
أنا:إيمان شقولك تهدي روحك ساعة عزيزتي...خاطر بخصوص أمك عندها علم لي إنتي معايا...ثاني شي ماكش باش تمشي توا زادة...خاطر مزلنا باش نحكيو
إيمان:يااخي باش تولي تتأمر عليا توا
أنا:أغزرلي هوني...اليوم بالظبط...من غير ما نستلمو بعضنا...خاطرني توحشتك و نحب نعدي نهاري معاك
إيمان:و شكون قلك لأنا نحب نبقى معاك
تبسمت بالوقت و نزلت عليها شوية...بستها فوق الجرح بالظبط و غزرت لعينيها نحكي
أنا:خاطرك حتى إنتي توحشتني يا روحي
إيمان:ياسر واثق من روحك
أنا:لااا...أما ناثق في غزرتك لياا
إيمان:باااهي يززي كهو
دورت وجها بالوقت...ضحكت و جبدت روحي شوية نحكي
أنا:هاني باش نحضر الفطور...كان تحب زيد إرتاح شوية...هاني نستنى فيك
إيمان:بااهي
عديت صوابعي على خدها...بستها من جبينها و هزيت روحي خرجت...منحبش نخمم في اللي صار و لا في اللي باش يصير معانا أكثر من هكا...خاطر كلشي يهمني توا...إني نعوض كل لحظة عديتها بعيد عليها...أكا علاش يكفيني إني نكون معاها و كهو.
VOUS LISEZ
صرخة صمت 🌬
Romance🌬🌬🌬 🌬 🌬 #صَرْخَةُ_صَمْتْ 🌬🌬🌬🌬🌬🌬 🌬هل جربت يوما ان تصرخ و انت تعلم ان ليس هناك من يسمعك...او ان تصرخ في داخلك من دون ان تنطق بحرف واحد ؟ 💔 💠 موضوع حكايتنا الجديدة...عكس لي قريتو عليه قبل...عكس انا لي كتبت عليه قبل...ماهيش حكاية جديدة علي...
