🔸️حلقة 77
🔸️إيهاب_يحكي:
شديت الفران بالقاوي و هزيت روحي نزلت...البقعة هاذي الوحيدة لي تخليني نهدي روحي و نرتب أفكاري أما اليوم جيت لهوني بروح جديدة متوقعتش يجي نهار و نحاول نتعدا ملاك و نسلم فيها بالطريقة هاذي مننكرش لي حسيت بوجيعة خاصة و أنا نواجه فيه خاطر مكانش ساهل عليا نعفس على خمس سنين كاملة و لا حتى ننسى تفاصيلها و ريحتها...أما كهو وصلنا لنهاية و رسمنا الحد الفاصل بيناتنا...هي إختارتو و كانت متأكدة باش تلقى عندو لي تحرمت منو الكل معايا...خاطر ظلمي ليها تعدى الحدود...حتى لو تغيرت للأحسن مستحيل تنسى لي خليتها تتعدا بيه...و رغم هكا نحب نشوفها مرتاحة في حياتها الجاية حتى لو كنت بعيد عليها...تبقى جزء مني و جمعتني بيها عشرة طويلة منجمش نخليها تعاني من ورايا زادة...وسط هذا الكل...حسيت براحة غريبة...و شوق كبير لسيلا...أصلا من غيرها مكنتش باش نوصل لهوني و لا حتى نتعلم كيفاش نعيش...قبل كنت نقول مستحيل نعشق مرة أخرى...أما عشقتها...عشقت تفاصيلها الصغيرة و كلامها حبيت الحياة بوجودها...و تأكدت لأنا ننجم نطوي الماضي و نبدا من جديد...ننجم نعيش حياة طبيعية و كاملة...منعرفش كيفاش و لا إمتى أما في وسط الظروف لي تعديت بيها الكل حبيتها و منجمتش نقاوم تعلقي بيها جملة...حتى معادش نجم نستخايل حياتي من غيرها زادة...رغم نعرف أنو الثنية مزالت طويلة باش نكون إنسان كامل و نسكر أبواب الماضي الكل...فقت من سرحتي على صوت الكرهبة متاعها...حلت الباب و نزلت بالوقت تحكي
سيلا:إيهاب لباس ماهو ؟ علاش جيت لهوني ؟
تبسمت و مديتلها يدي...قربت مني مستغربة و حطت يدها في يدي...كبست عليها و جبدتها عندي نحكي
أنا:خاطر هاذي البلاصة الوحيدة الخاصة بينا يا روحي و من هوني باش نبداو أول خطوة لينا
سيلا:مفهمتكش
أنا:قبل كلشي لازمك تعرف حاجة مهمة
سيلا:أصلا كي طلبتني توقعت صارت معاك حاجة
أنا:صحيح...خاطر قبل ما نجي لهوني و قبل أي خطوة أخرى باش نعملها بعد توا...أنا حاولت نصلح اللي عملتو
سيلا:شقصدك ؟
أنا:لي نقصدو...إني قابلت آدم و خبرتو بحقيقة لي صار...بالمعنى الصحيح أنا حطيتو في الصورة...باش معادش يظلمها و لا يتبع أختو المجنونة و لا حتى نعيش بتأنيب الضمير أكثر من هكا
سيلا:تقصد أنك تقبلت عرسها ؟
كبست على يديها زوز و عديت عينيا على وجها نحكي
أنا:أنا تقبلت الحقيقة سيلا...تقبلت حقيقة الماضي متاعي و حقيقة طلاقي و حقيقة البدايات الجديدة زادة...من غير وجودك معايا هذا الكل كان مستحيل و يمكن راني ضريت ملاك و كل حد في صفها...أما صدقني لأول مرة نحس روحي مرتاح...و نحب نستمر في جلسات العلاج الخاصة بيا الكل
سيلا:كهو ؟
تبسمت و أنا نغزر لملامح الحيرة لي ظهرت على وجها...فلت يديها...جبدت بوات صغيرة و حليتها نحكي
أنا:نعرف روحي مانيش كامل و لي مزالت ثنية طويلة قدامي باش نتعدا الماضي بصفة كاملة و نكون الشخص لي تحب عليه...أما أنا ليك توا و منحبش نضيع فرصة إني نكون معاك و لا نخلي الوقت يمشي بينا أكثر من هكا...صدقني بعد كلشي صار معايا لتوا...إنتي كنت النور في عز الظلمة يا سيلااا...يمكن ثنيتنا صعيبة و ظروفنا أصعب...أما كلشي ينجم يستنى خلينا نداويو جروحنا مع بعضنا و حط في مخك أنو من اللحظة هاذي قلبي باش يكون ملك ليك إنتي و كهو و عشقي ليك باش يكبر في كل لحظة نعديها بجنبك
غزرت للخاتم و عاودت هزت عينيها في وجهي تحكي
سيلا:إيهااب
أنا:لحظة سيلااا...أنا نسيت أهم سؤال...ياخي موافقة
تعرس بيا ؟
سيلا:إيهاب...أناا صار معايا نفس الشي...بعد السنين لي فاتت عليا متوقعتش إني نجم نبدا من جديد أما أنت كسرت الحاجز هذا و خليتني نسلم في قلبي للمرة الثانية و فكرة إرتباطنا...باش تعزز علاقتنا و يمكن تقوي حبنا لي خرج لنور أماا
أنا:شنوة ؟
سيلا:فما حاجات أقوى منا صارت في الماضي إيهاب منجموش نكملو حياتنا من غير ما نوضحوها
أنا:سيلااا...صدقني مستحيل نخبي عليك حاجة تخص حياتي بعد توا
حطت يدها على خدي و عدات عينيها على وجهي تحكي
سيلا:نعررف و عندي ثقة فيك...أما المرة هاذي باش نحكيو على الماضي متاعي أنا
أنا:نظن اللي نعرفو كافي و ميهمنيش سيلا...اللي يهمني الحاضر...أنا نحب نعرف مشاعرك ناحيتي نحب نتأكد لي إني مستعدة باش تنسى ليث و الماضي الكل معايا
سيلا:مستعدة باش نعيش كل لحظة معاك من توا أماا
نزلت بصوابعي على شفايفها و سكتها بالوقت نحكي
أنا:ششش يكفي أنك توافق عليا توا و باقي مشاكلنا نحلوهم مبعد و إحنا مع بعضنا
غزرتلي من غير حتى كلمة...نزلت بصوابعي من خدها لشفايفها نحكي
أنا:ياخي باش تخليني نستنى برشا ؟
سيلا:موافقة
أنا:مسمعتكش بالقدا
سيلا:إيهاااب
أنا:والله أنا نحب نتأكد قبل...مترصاليش ماخو مرا بالسيف عليها
ضربتني لصدري و عنقتني بالوقت...ضحكت و كبست على ظهرها نحكي
أنا:ملا باش تولي مرتي على قريب
هزت عينيها في وجهي بالوقت...بستها من جبينها و بعدتها عليا شوية...كبست على يدها...لبستها الخاتم و بستها منها نحكي
أنا:هكا وليت متاعي رسميا
سيلا:إيهاب...نحب نحكي معاك في موضوع مهم
أنا:مدامك معايا توا...كلشي ينجم يستنى لمبعد صدقني في اللحظة هاذي نحبك تبقى عندي و في حضني كهو
نزلت عليها شوية...بعدتلها خصلات شعرها لتالي و بستها من شفايفها و رجعتها لحضني كبست عليها و خذيت نفس من ريحتها بالرسمي ليا برشا مكنتش مرتاح هكا...لدرجة أنو تمنيت اللحظة هاذي متوفاش جملة.
#إيهاب_سيلا❤
VOUS LISEZ
صرخة صمت 🌬
Romance🌬🌬🌬 🌬 🌬 #صَرْخَةُ_صَمْتْ 🌬🌬🌬🌬🌬🌬 🌬هل جربت يوما ان تصرخ و انت تعلم ان ليس هناك من يسمعك...او ان تصرخ في داخلك من دون ان تنطق بحرف واحد ؟ 💔 💠 موضوع حكايتنا الجديدة...عكس لي قريتو عليه قبل...عكس انا لي كتبت عليه قبل...ماهيش حكاية جديدة علي...
